បើយើងនិយាយទៅដល់ឧបករណ៌ PlayStation 5 ជំនាន់ថ្មីនោះ ឃើញថា ក្រុមហ៊ុន Sony បានប្រកាសចេញរូចហើយ។ ប៉ុន្តែបើតាមព័ត៌មានដែលចេញផ្សាយនៅថ្ងៃនេះបានបញ្ជាក់ថា ក្រុមហ៊ុនជប៉ុនមួយនេះ គ្រោងនឹងប្រកាសចេញនូវជំនាន់ថ្មីរបស់ឧបករណ៌ PlayStation 5 ដែលមានកម្រ៉ាស់ស្តើងជាងមុននៅឆ្នាំក្រោយនេះហើយ។ បើតាមពាក្យចចាមអារ៉ាមនោះ ឧបករណ៌ PlayStation 5 ជំនាន់ថ្មី ដែលនឹងបង្ហាញខ្លួននេះ គឺនឹងការឌីស្សាញរួមគ្នារវាងក្រុមហ៊ុន Sony និង Honda ហើយអាចនឹងបំពាកនៅលើរថយន្តឆ្លាតវៃជំនាន់ថ្មីថែមទៀតផង។
លោក Izumi Kawanishi ដែលជាអគ្គនាយកក្រុមហ៊ុន Sony Honda Mobility បាននិយាយថា ខ្លួននឹងមានការតម្លើងនូវមាតិការបស់ PlayStation 5 នៅលើរថយន្តរបស់ខ្លួន ប៉ុន្តែលោកបានបញ្ជាក់ច្បាស់អំពីរព័ត៌មានច្បាស់ពីរឿងនេះនោះទេ។ លោកបាននិយាយថា ក្រុមហ៊ុនធំៗទាំងពីរ ក៏គ្រោងនឹងប្រើប្រាស់នូវមុខងារ ចាក់ចំរៀង ការទស្សនាភាពយន្ត ក៏ដូចជាមុខងារលេងហ្គេមនៅរថយន្តជំនាន់ថ្មីរបស់ខ្លួនផងដែរ ដើម្បីផ្តល់ជូននូវបទពិសោធន៍ថ្មីសម្រាប់ការកម្សាន្តកាន់តែសំបូរបែប។
លោកបានបន្តថា ក្រុមហ៊ុន Sony មានមាតិកាកម្សាន្តជាច្រើនសម្រាប់ផ្តល់ជូនអ្នកប្រើប្រាស់ ហើយគម្រោងនេះ គឺបង្កើតឡើងដើម្បីជាការប្រកួតប្រជែងជាមួយនិង Tesla ផងដែរ។ Kawanishi បានបញ្ជាក់ថា ក្រុមហ៊ុន Tesla គឺមិនមានផ្តល់សេវាកម្មនេះនៅឡើយទេ។ ក្រុមហ៊ុនេះ អាចនឹងមានការផ្តោតខ្លាំងទៅផ្នែកកម្សាន្តផ្សេងទៀតសម្រាប់រថយន្តជំនាន់ថ្មីនាពេលខាងមុខ។ ក្រុមហ៊ុន Sony Honda Mobility ត្រូវបានគេដឹងថា គ្រោងនឹងនាមចេញនូវរថយន្តអគ្គីសនីដំបូងរបស់ខ្លួនទៅកាន់អាមេរិកខាងជើង នាឆ្នាំ 2025 ខាងមុខនេះហើយ។