no-alternative title

ការលក់រថយន្តប្រភេទ Plug-in Hybrid របស់ប្រទេសចិន មានការកើនឡើងប្រមាន 46% នៅក្នុងឆ្នាំ 2023

បច្ចុប្បន្នប្រទេសចិន គឺជាទីផ្សារនាំចេញ និងលក់រថយន្តធំជាងគេនៅលើពិភពលោកជាពិសេសទៅលើការនាំចេញរថយន្តដំណើរការដោយថាមពលអគ្គិសនីសុទ្ធ និងរថយន្តកូនកាត់ប្រភេទ Plug-in Hybrid។ បើតាមរបាយការណ៍នាំចេញ និងលក់រថយន្តរបស់ប្រទេសចិន ដែលបានចេញផ្សាយនាពេលថ្មីៗនេះ បានឲ្យដឹងថា នៅក្នុងឆ្នាំ 2023 ការនាំចេញរថយន្តប្រភេទ Plug-in Hybrid របស់ក្រុមហ៊ុនទាំងអស់ក្នុងប្រទេស ចិន មានចំនួនសរុបដល់ទៅ 8 លានគ្រឿង។

 

រូបភាពពាណិជ្ជកម្ម
no-alternative title

សមិទ្ធិផលនេះ មិនត្រឹមតែកំណត់ស្តង់ដារថ្មី សម្រាប់ប្រទេសប៉ុណ្ណោះទេ ប៉ុន្តែថែមទាំងគូសបញ្ជាក់ពីការរីកលូតលាស់យ៉ាងឆាប់រហ័សនៃចំណង់ចំណូលចិត្តរបស់អ្នកប្រើប្រាស់ក្នុងជម្រើសប្រើមធ្យោបាយដឹកជញ្ជូនដែលគ្មានការបំពុលបរិស្ថាននៅក្នុងប្រទេចិន ក៏ដូចនៅលើពិភពលោកទាំងមូលផងដែរ។

 

ក្នុងរបាយការណ៍នេះ បានគូសបញ្ជាក់ថា នៅឆ្នាំ 2023 តម្រូវការប្រើប្រាស់រថយន្តប្រភេទ Plug-in Hybrid នៅក្នុងប្រទេសចិន មានការកើនឡើងប្រមាណ 46% ធៀបនឹងឆ្នាំ 2022។ ការកើនឡើងនេះ ត្រូវបានជំរុញដោយការរួមបញ្ចូលគ្នាដ៏គួរឱ្យកត់សម្គាល់នៃប្រភេទរថយន្តអគ្គិសនីសុទ្ធ (BEVs) និង Plug-in hybrids (PHEVs) ដែលនាំឲ្យការចុះបញ្ជីការលក់មានចំនួនកើនឡើងខ្ពស់បំផុត។ រថយន្តប្រភេទ BEVs ដែលនាំមុខគេដោយមានកើនឡើងចំនួននៃការលក់ 31% ខណៈពេលដែល PHEVs មានការកើនឡើងប្រជាប្រិយភាពដោយទទួលបានការចុះឈ្មោះកើនឡើង 80% គួរឱ្យភ្ញាក់ផ្អើល។ ចំនែកប្រភេទរថយន្តអគ្គិសនីសុទ្ធនៅក្នុងទីផ្សារប្រទេសចិនមានការកើនឡើងប្រមាណ 31% នៃការលក់រថយន្តថ្មីទាំងអស់នៅក្នុងប្រទេស។ 

ការធ្វើបដិវត្តន៍នៃរថយន្តដំណើរការដោយថាមពលអគ្គិសនីសុទ្ធនៅក្នុងប្រទេសចិន មិនត្រឹមតែបង្ហាញពីតួរលេខកើនឡើងខ្ពស់ពីមួយឆ្នាំទៅមួយឆ្នាំនោះទេ ប៉ុន្តែ វាក៏បង្ហាញពីការប្តេជ្ញាចិត្តរបស់រដ្ឋាភិបាល ប៉េកាំងក្នុងការកាត់បន្ថយការបំភាយកាបូននៅក្នុងបរិស្ថាន ដែលស្របទៅនឹងនិន្នាការពិភពលោកប្រកបដោយពណ៌បៃតង។ ជាការកត់សមគាល់ BYD គឺជាក្រុមហ៊ុនដែលមានសក្តានុពល និងជាម៉ាកយីហោដ៏លេចធ្លោជាគេបង្អស់នៅក្នុងទីផ្សាររថយន្តអគ្គិសនីរបស់ប្រទេសចិន និងនៅលើទីផ្សារសកល។ ក្រុមហ៊ុននេះមានការប្រកូតប្រជែងគ្នាយ៉ាងស្អិតរមួតជាមួយនឹងក្រុមហ៊ុនផលិតរថយន្តអាមេរិក Tesla ទាំងនៅទីផ្សារប្រទេសចិន និងទីផ្សារសកលលោក។

រថយន្តម៉ូដែល BYD Song Plus និង Tesla Model Y បានក្លាយជាទីពេញនិយមប្រើបំផុតនៅលើទីផ្សារដោយម៉ូដែលទាំងពីរនេះបានឈរនៅកំពូលតារាងជារថយន្តដែលលក់ដាច់បំផុត និងជាម៉ូដែលជម្រុញការលក់ឈានឡើងនៃប្រភេទរថយន្តអគ្គិសនីផងដែរ។ មានការព្យាករណ៍ទុកជាមុនថា ការលក់រថយន្តអគ្គិសនីអាចក្នុងប្រទេសចិនអាចនឹងឈានឡើងដល់ 10 លានគ្រឿងនៅក្នុងឆ្នាំ 2024 នេះ៕

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
រថយន្ត BYD Dolphin 2024 បង្ហាញវត្តមានជាផ្លូវការជាមួយនិងតម្លៃត្រឹម 13,865 តែប៉ុណ្ណោះ

រថយន្ត BYD Dolphin 2024 បង្ហាញវត្តមានជាផ្លូវការជាមួយនិងតម្លៃត្រឹម 13,865 តែប៉ុណ្ណោះ

ដោយ ប៉េងលីន
Zeekr 001 រថយន្តអគ្គិសនីស៊េរីថ្មីដែលគាំទ្រប្រព័ន្ធសាកភ្លើងកម្រិតខ្ពស់កំលាំង 800V នឹងបង្ហាញវត្តមានផ្លូវការណ៍នៅថ្ងៃទី 27 ខែមីនា សប្តាហ៍ក្រោយនេះ

Zeekr 001 រថយន្តអគ្គិសនីស៊េរីថ្មីដែលគាំទ្រប្រព័ន្ធសាកភ្លើងកម្រិតខ្ពស់កំលាំង 800V នឹងបង្ហាញវត្តមានផ្លូវការណ៍នៅថ្ងៃទី 27 ខែមីនា សប្តាហ៍ក្រោយនេះ

ដោយ ប៉េងលីន
តម្លៃពិសេសត្រឹមតែ 89$ ស្មាតហ្វូនស្តេចគុណភាព realme Note 50 ស៊េរីថ្មី ឡានកិនក៏មិនបែកហើយមិនជ្រាបទឹក រូបរាងស្អាតលេចធ្លោបំផុត

តម្លៃពិសេសត្រឹមតែ 89$ ស្មាតហ្វូនស្តេចគុណភាព realme Note 50 ស៊េរីថ្មី ឡានកិនក៏មិនបែកហើយមិនជ្រាបទឹក រូបរាងស្អាតលេចធ្លោបំផុត

ដោយ ប៉េងលីន
ព្រឹត្តិការណ៍ការសម្ពោធជាផ្លូវការនូវស្មាតហ្វូន OPPO Reno11 Series 5G នៅថ្ងៃនេះ បាននាំមកនូវកម្មវិធីពិសេសៗច្រើនមែនទែន!

ព្រឹត្តិការណ៍ការសម្ពោធជាផ្លូវការនូវស្មាតហ្វូន OPPO Reno11 Series 5G នៅថ្ងៃនេះ បាននាំមកនូវកម្មវិធីពិសេសៗច្រើនមែនទែន!

ដោយ ប៉េងលីន
រថយន្តអគ្គិសនីប្រភេទប្រណិតម៉ូដែល IM L7 2024  បង្ហាញវត្តមាននៅលើទីផ្សារជាមួយតម្លៃចាប់ពី 42,200 ដុល្លារ

រថយន្តអគ្គិសនីប្រភេទប្រណិតម៉ូដែល IM L7 2024 បង្ហាញវត្តមាននៅលើទីផ្សារជាមួយតម្លៃចាប់ពី 42,200 ដុល្លារ

ដោយ ប៉េងលីន
BYD គ្រោងធ្វើការអភិវឌ្ឍន៍ផលិតថ្មអគ្គីសនីសម្រាប់ប្រើក្នុងវិស័័យទោចក្រយានយន្តអគ្គិសនី

BYD គ្រោងធ្វើការអភិវឌ្ឍន៍ផលិតថ្មអគ្គីសនីសម្រាប់ប្រើក្នុងវិស័័យទោចក្រយានយន្តអគ្គិសនី

ដោយ ប៉េងលីន