no-alternative title
no-alternative title
no-alternative title

Lynk & Co បានបង្ហាញរថយន្តអគ្គិសនីដំបូងរបស់ខ្លួនម៉ូដែល Z10 នៅប្រទេសស៊ុយអែត

Lynk & Co ដែលជាក្រុមហ៊ុនផលិតរថយន្តដែលបានឈ្នះពានរង្វាន់ WTCR ជាច្រើន បានបង្ហាញរថយន្តអគ្គិសនីដំបូងរបស់ខ្លួននៅក្នុងព្រឹត្តិការណ៍ Global Premiere Event នៅទីក្រុង Gothenburg។ រថយន្តប្រើប្រាស់ថាមពលអគ្គិសនីសុទ្ធដំបូងរបស់ Lynk & Co ត្រូវបានឧទ្ទេសនាមឈ្មោះថា Z10។ រថយន្តអគ្គិសនីស៊េរីថ្មីដំបូងរបស់ Lynk & Co ត្រូវបានប្រកាសជារថយន្ត Sedan ដ៏ប្រណិត និងទំនើបបំផុតរបស់ក្រុមហ៊ុន។ រថយន្តនេះមានបណ្តោយខ្លួន 5,028mm, ទទឹង 1,966mm, កម្ពស់ 1,468mm និងមានគម្លាតចន្លោះកង់មុខទៅកង់ក្រោយ 3,005 mm។

 

រូបភាពពាណិជ្ជកម្ម
no-alternative title

Lynk & Co Z10 គាំទ្របច្ចេកវិទ្យាសាកភ្លើងកម្រិតខ្ពស់ 800V architecture ជាមួយការបំពាក់កញ្ចប់ថ្មដែលមានសមត្ថភាពខ្ពស់ ដែលការសាកភ្លើងមួយពេញម្តង គឺអាចបើកបរបានចម្ងាយផ្លូវជាង 800 គីឡូម៉ែត្រ និងការសាកភ្លើង 15 នាទី គឺអាចបន្តដំណើរបានដល់ 573 គីឡូម៉ែត្រ។ Z10 ប្រើប្រាស់ប្រព័ន្ធម៉ូទ័រអគ្គិសនីប្រភេទ silicon carbide motors ចំនួនពីរ ដែលមានសមត្ថភាពអាចជាន់ស្ទុះល្បឿនពីកុងទ័រ 0 ទៅ 100km/h ប្រើពេលខ្ទង់ 3.5 វិនាទី។ Lynk & Co ប្រើប្រាស់ប្រព័ន្ធគ្រោងឆ្អឹងប្រភេទ SEA Platform (Sustainable Experience Architecture) ដែលប្រព័ន្ធគ្រោងឆ្អឹងនេះ ត្រូវបានប្រើប្រាស់ផងដែរនៅលើម៉ូដែលរថយន្តមួយចំនួនដូចជា  Lotus, Smart, Zeekr និង Volvo ដែលមានទំនាក់ទំនងជាមួយក្រុមហ៊ុនផលិតរថយន្ត Geely។

Lynk & Co Z10 មិនត្រឹមតែជារថយន្តអគ្គិសនីដែលផ្តោតទៅលើ Performance នោះទេ ប៉ុន្តែ វាក៏ផ្តោតទៅលើភាពប្រណិត និងប្រកបដោយផាសុខភាព។ រថយន្តអគ្គិសនីស៊េរីថ្មីនេះ មានបំពាក់នៅអេក្រង់កម្សាន្តនៅកណ្តាលទំហំធំដល់ 15.4-inch ជាប្រភេទ Floating-touchscreen display និងមានមុខងារ Head Up Display (HUD) ផងដែរ។ ដៃចង្កូតរបស់ Z10 មានការឌីស្សាញបែបប្រណិតបែប two-spoke steering wheel រួមនឹងអេក្រង់បង្ហាញព័ត៌មានរថយន្ត LCD Instrument Panel។ រថយន្តស៊េរីថ្មីនេះដំណើរការដោយប្រតិបត្តិការណ៍ Flyme Auto System ដែលជាការសហការផលិតដោយក្រុមហ៊ុន Meizu ដែលគាំទ្រដំណើរការដោយបន្ទះឈីប Qualcomm Snapdragon 8295។ ហើយសម្រាប់កៅអីទាំងខាងមុខ និងខាងក្រោយមានមុខងារខ្យល់ត្រជាក់ មុខងារកម្តៅ និងមុខងារម៉ាស្សា ដែលធានាបាននូវបទពិសោធន៍នៃការបើកបរប្រកបដោយផាសុកភាព។

Lynk & Co Z10 គាំទ្រមុខងារមុខងារបើកបរស្វ័យប្រវត្តិ autonomous driving ដំណើរការជាមួយប្រព័ន្ធ LiDAR Sensor និងបន្ទះឈីប Nvidia Orin-X chip. វាក៏គាំទ្រប្រព័ន្ធបង្ហាញផ្លូវ NOA (Navigation on Autopilot) និង urban NOA ដូចនេះ គឺមិនត្រូវពឹងផ្អែកទៅលើផែនទីនោះទេ។ ម៉ាករថយន្ត Lynk & Co ត្រូវបានបង្កើតឡើងដោយការសហការគ្នារវាងក្រុមហ៊ុន Geely Auto និង Volvo ខណៈក្រុមហ៊ុន Zeekr គឺជាម្ចាស់របស់ Geely។ Lynk & Co Z10 មិនទាន់ត្រូវបានធ្វើការប្រកាសចេញលក់ផ្លូវការណ៍នៅឡើយទេ។ រថយន្តអគ្គិសនីស៊េរីថ្មីដំបូងរបស់ Lynk & Co ត្រូវបានគេប៉ាន់តម្លៃថាអាចខ្ទង់ចាប់ពី $27,600 ឡើងទៅ៕

 

ព័ត៌មានពាណិជ្ជកម្ម