no-alternative title
no-alternative title
no-alternative title

ការដឹកជញ្ជូនរថយន្តអគ្គិសនី Xiaomi SU7 កើនឡើងដល់ 20,000 គ្រឿងហើយគិតត្រឹមថ្ងៃទី 13 មិថុនានេះ

យោងតាមការប្រកាសរបស់ក្រុមហ៊ុន Xiaomi នៅថ្ងៃនេះ បានបញ្ជាក់ថា គិតត្រឹមថ្ងៃទី 13 មិថុនានេះ ការដឹកជញ្ជូនទៅលើរថយន្តអគ្គិសនី Xiaomi SU7 បានកើនឡើងដល់ 20,000 គ្រឿងហើយបន្ទាប់ពីការប្រគល់រថយន្តលើកដំបូងកាលពីថ្ងៃទី 28 ខែមីនាកន្លងទៅនេះ។ កាលពីពេលមុននេះ ក្រុមហ៊ុន Xiaomi ធ្លាប់បានបញ្ជាក់ថា ខ្លួននឹងមានការនាំចេញរថយន្តអគ្គិសនី Xiaomi SU7 អោយបានចំនួនដល់ទៅ 120,000 គ្រឿងនៅត្រឹមឆ្នាំ 2024។ 

 

រូបភាពពាណិជ្ជកម្ម
no-alternative title

ភាពជោគជ័យនេះ គឺបានកើតឡើងដោយសារតែសង្វាក់ផលិតកម្មរបស់រថយន្តអគ្គិសនី Xiaomi SU7 នេះ នៅរោងចក្រថ្មីនៅទីក្រុងប៉េកាំង ដែលបានបង្កើនការផលិតរថយន្តថ្មីនេះ បានចំនួន 20,000 គ្រឿងគឺត្រឹម 77 ថ្ងៃ បន្ទាប់ពីការប្រកាសចេញ។ ការផលិតរថយន្តនៅក្នុងរោងចក្រនេះ គឺបានចំនួន 260 គ្រឿងជារៀងរាល់ថ្ងៃ។ សូមជំរាបថា សម្រាប់រថយន្ត SU7 ចំនួន 5,000 គ្រឿង ដែលជាម៉ូដែល Founders Edition គឺបានផលិតចេញនៅមុនថ្ងៃទី 28 ខែមីនាមកម្លេះ។ 

ក្រុមហ៊ុន Xiaomi បានប្រកាសថា ខ្លួនអាចនឹងមានការការដឹកជញ្ជូនរថយន្តអគ្គិសនី Xiaomi SU7 ចំនួន 10,000 គ្រឿងនៅក្នុងខែមិថុណានេះ ខណៈដែលកាលពីខែឧសភា ក្រុមហ៊ុននេះលក់រថយន្តអគ្គិសនី Xiaomi SU7 នេះ បានចំនួន 8,646 គ្រឿង។ រថយន្តអគ្គិសនី Xiaomi SU7 ត្រូវបានក្រុមហ៊ុនប្រកាសដាក់លក់ជាមួយតម្លៃខុសៗគ្នាទៅតាមម៉ូដែល ដោយមានមានម៉ូដែល Standard, Pro និង Max។ មានតម្លៃ 29,700 USD, 33,900 USD និង 41,300 USD។ 

សម្រាប់សមត្ថភាពរថយន្តអគ្គិសនី Xiaomi SU7 ជំនាន់ថ្មីនេះ គឺអាចរត់បានចម្ងាយ  800km និងមានកម្លាំងថាមពលអគ្គិសនីទំហំ 495kW ដែលស្មើរនិង 663 សេះ។ នៅពេលនេះរថយន្តអគ្គិសនី Xiaomi SU7 គឺកំពុងតែមានការពេញនិយមខ្លាំងមែនទែននៅលើទីផ្សារក្នុងប្រទេសចិន។ រថយន្តអគ្គិសនី Xiaomi SU7 ទទួលបានការកក់ទុកមុនដល់ទៅ 50,000 គ្រឿង ត្រឹមតែរយៈពេល 27 នាទីប៉ុណ្ណោះ ក្រោយការសម្ពោធជាផ្លូវការ។

 

 

ព័ត៌មានពាណិជ្ជកម្ម