MG Cyber X រថយន្ត Full-size SUV ស៊េរីថ្មីត្រៀមបង្ហាញខ្លួននៅក្នុងព្រឹត្តិការណ៍ 2025 Shanghai Auto Show

MG ដែលជាម៉ាករថយន្តល្បីឈ្មោះមួយស្ថិតនៅក្រោមដំបូលសម្ព័ន្ធក្រុមហ៊ុន SAIC បានប្រកាសជាផ្លូវការណ៍ថា ខ្លួននឹងមានការដាក់តាំងបង្ហាញរថយន្តស៊េរីថ្មីប្រភេទ SUV ដែលផលិតដោយប្រើប្រព័ន្ធគ្រោងឆ្អឹងថ្មីទាំងស្រុងហៅថា “Boxy” ម៉ូដែល MG Cyber X នៅក្នុងព្រឹត្តិការណ៍ 2025 Shanghai Auto Show ដែលនឹងប្រារព្ធធ្វើឡើងនៅចុងខែមេសានេះ។ GM បានពិព័រណ៌នាថា Cyber X គឺជា “ការបង្កើតថ្មីដ៏អស្ចារ្យ” ឬ “groundbreaking innovation” ក្នុងប្រវត្តិសាស្ត្ររបស់ក្រុមហ៊ុន។

MG Cyber X គឺជាម៉ូដែលមួយស្ថិតក្នុងផ្នែកនៃគម្រោងការផលិតរថយន្តរយះពេល 2 ឆ្នាំ របស់ MG ដែលរួមបញ្ចូលនៅរថយន្តស៊េរីថ្មីចំនួន 8 ម៉ូដែល រួមមានទាំងម៉ូដែលរថយន្ត Sport car, sedan និង SUV។ ក្រុមហ៊ុនមានគម្រោងក្នុងការប្រកាសចេញរថយន្តប្រភេទ SUV ស៊េរីថ្មីចំនួនពីរម៉ូដែលនៅក្នុងឆ្នាំ 2026។ MG Cyber X នឹងផ្តល់ជូននៅជម្រើសប្រើប្រាស់ថាមពលអគ្គិសនីសុទ្ធ (BEV) និង PHEV ឬ Plug-in-hybrid។ 

MG Cyber X ត្រូវបានគេរំពឹងថា នឹងគាំទ្រនូវមុខងារពិសេស advanced AI និង បច្ចេកវិទ្យា autonomous driving ដែលគាំទ្រដំណើរការដោយបន្ទះឈីប Horizon Robotics’ J6 high-performance chip ដែលពឹងអាស្រ័យលើប្រព័ន្ធជំនួយការបើកបរ Momenta’s autonomous driving solutions។ ទោះជាយ៉ាងណាសម្រាប់តម្លៃរបស់ MG Cyber X ក្រុមហ៊ុនមិនទាន់បង្ហើយឲ្យដឹងនៅឡើយទេ ហើយចំពោះគុណសម្បត្តិលម្អិតផ្សេងទៀតយើងរងចាំតាមដានបន្ថែមទៀតនៅពេលនៃការបង្ហាញវត្តមាននៅក្នុងព្រឹត្តិការណ៍ 2025 Shanghai Auto Show ចុងខែនេះ។

សូមបញ្ជាក់ថា នៅត្រីមាសដំបូងក្នុងឆ្នាំ 2025 (មករា-មីនា) ក្រុមហ៊ុន MG លក់រថយន្តបានចំនួនសរុប 25,839 គ្រឿង កើនពីមួយឆ្នាំទៅមួយឆ្នាំប្រមាណ 13.1%។ ដោយត្រឹមតែខែមីនាមួយ MG លក់រថយន្តបានចំនួន 10,000 គ្រឿង កើនចំនួននៃការលក់ប្រចាំខែប្រមាណ 82.6%។ MG គឺជាម៉ាករថយន្តរបស់ប្រទេសចិនតែមួយដែលលក់រថយន្តបានចំនួនដល់ 3 លានគ្រឿងនៅទីផ្សារឯនាយសមុទ្ទ និងបានលក់រថយន្តអស់ 24.34 លានគ្រឿងនៅអឺរ៉ុបក្នុងឆ្នាំ 2024។ ហើយដើម្បីគាំទ្រដល់កំណើននៃការលក់នេះ MG គ្រោងនឹងពង្រីកបណ្តាញលក់រាយរបស់ខ្លួន ដោយបន្ថែមហាងថ្មីចំនួន 150 នៅក្នុងឆ្នាំ 2025 ដែលនាំឱ្យចំនួនទីតាំងហាងលក់រាយសរុបនៅក្នុងប្រទេសចិនកើនឡើងដល់ 400 ហាង៕