យោងតាមព័ត៌នមានថ្មីដែលចេញផ្សាយនៅថ្ងៃនេះបានបញ្ជាក់ថា រថយន្ត BYD Sealion 7 គឺទទួលបាននូវផ្តល់ពានរង្វាន់កម្រិត 5 ពីស្ថាប័នតេស្តសុវត្ថិភាពសហភាពអឺរ៉ុប European New Car Assessment Programme (Euro NCAP) (យូរ៉ូ-អិនស៊ីអេភី) និង ប្រទេសអូស្ត្រាលីAustralasian New Car Assessment Program (ANCAP) (អេ-អិនស៊ីអេភី។ តាមរយៈនៃការតេស្តពី Euro NCAP បង្ហាញថា BYD Sealion 7 អាចធ្វើបានពិន្ទុ 87% ទៅលើការការពារមនុស្សជំទង់, 93% ទៅលើការការពារក្មេងៗ, 76% ទៅលើការការពារនៅលើដងផ្លូវ ហើហើយ 79% ទៅលើជំនួយសុវត្ថិភាព។ ក្រឡេកមក ANCAP ប្រទេសអូស្រ្តលីវិញ គឺធ្វើបានប្រហែលគ្នា ខុសបន្តិចទៅលើជំនួយសុវត្ថិភាពបានត្រឹមតែ 78%។
ផ្អែកលើលទ្ធផលនៃការតេស្តបុកទៅលើ BYD Sealion 7 ប័នតេស្តសុវត្ថិភាពសហភាពអឺរ៉ុប European New Car Assessment Programme (Euro NCAP) (យូរ៉ូ-អិនស៊ីអេភី) បង្ហាញថា រថយន្តនេះ គឺមានកម្រិតមធ្យមទៅលើការប៉ះទង្កិចផ្នែកខាងមុខ ខណៈដែលផ្នែកចំហៀងគឺមានភាពជ្រាយបន្តិច។ នៅលើរថយន្ត BYD Sealion 07 ថ្មីនេះ ត្រូវបានក្រុមហ៊ុនបំពាក់នូវពោងសុវត្ថិភាពចំនួនប្រាំបួន ហើយនិងប្រព័ន្ធជំនួយសុវត្ថិភាពអ្នកបើកបរកម្រិតខ្ពស់ (ADAS) ដែលរួមមានដូចជា ACC, AEB, FCW និង LDW ជាដើម។
គួរបញ្ជាក់ថា BYD Sealion 7 គឺជារថយន្ត Crossover SUV ស៊េរីថ្មីនេះ គឺជាម៉ូដែលដំបូងគេរបស់ BYD ដែលត្រូវបានបង្កើតឡើងដោយឈរនៅលើប្រព័ន្ធ e-Platform 3.0 Evo របស់ BYD។ ក្រុមហ៊ុនបានអះអាងថានឹងធ្វើឱ្យប្រសើរឡើងនូវប្រសិទ្ធភាព និងលទ្ធភាពដំណើរការ ដោយផ្នែកទៅលើប្រព័ន្ធដំណើរការ "12-in-1" electric drive system។ BYD មិនទាន់បានបញ្ចេញនូវលក្ខណៈលម្អិតសម្រាប់ Sealion 7 EV ដែលត្រៀមលក់នៅទីផ្សារអ៊ឺរ៉ុបនៅឡើយទេ ប៉ុន្តែសម្រាប់ម៉ូដែលចេញលក់នៅប្រទេសចិនមានជ្រើសកញ្ចប់ថ្មពីរទំហំ គឺទំហំ 72kWh និង 81kWh ជាមួយនឹងកញ្ចប់ថ្មធំដែលអាចកាន់សម្រាប់ការបើកបរបានចម្ងាយ 610 គីឡូម៉ែត្រ ជាមួយបច្ចេកវិទ្យាសាកភ្លើងល្បឿនលឿនកំលាំងដល់ 230kW។
នៅផ្នែកខាងក្នុងមានការរៀបចំឡើងប្រកបដោយប្រណិតភាព និងភាពទំនើបផ្តល់នូវផាសុខភាពក្នុងការបើកបរ។ ដោយក្នុងនោះមានការបំពាក់នូវប្រព័ន្ធអេក្រង់កម្សាន្តទំហំធំដល់ទៅ 15.6-inch ជាប្រភេទអេក្រង់អាចបង្វិលបាន ជាមួយកៅអីពាសដោយស្បែកប្រណិតប្រភេទ Nappa leather។ BYD Sealion 7 EV មានប្រវែងបណ្តោយ 4,830mm, ទទឹង 1,925 mm និងកម្ពស់ 1,620 mm ដែលមានវិមាត្រប្រហាក់ប្រហែលគ្នានឹងរថយន្ត Tesla Model Y។ BYD បានពង្រីកដែនទីផ្សារនៃម៉ាកយីហោរបស់ខ្លួនយ៉ាងខ្លាំងនៅទូទាំងពិភាពលោកដោយបានពង្រីកទីផ្សារទៅកាន់ប្រទេសប្រមាណជា 95 នៅទូទាំងពិភពលោក៕
