កាលពីថ្ងៃទី 07 ខែសីហា ឆ្នាំ 2022 កន្លងទៅនេះ ក្រុមហ៊ុន ASUS នៅប្រទេសកម្ពុជា បានបង្កើតព្រឹត្តិការណ៍ដ៌ពិសេសមួយដែលមានឈ្មោះថា ROG Watch Party ដើម្បីជាការជួបជុំអ្នកស្រលាញ់ខាងអេឡិចត្រូនិច តំណាងចែកចាយ ក៏ដូចជា Creator ផ្សេងៗដើម្បីទស្សនារឿងទាំងអស់គ្នា ។

ចំណុចសំខាន់នាថ្ងៃនោះ គឺក្រុមហ៊ុន ASUS បានអញ្ជើញភ្ញៀវជាច្រើនកុះករមកចូលរួមប្រមាណ 200 នាក់ 1 ថ្ងៃពេញ ដើម្បីបានធ្វើការសាកល្បងតេស្តម៉ូដែលថ្មីៗ ដែលបានដាក់តាំងបង្ហាញជាច្រើនតាំងពីម៉ូដែលលំដាប់ទូទៅ រហូតដល់ម៉ូដែលលំដាប់ខ្ពស់ដែលមានតម្លៃរហូតដល់ទៅជិត 3000 ដុល្លា ក្នុងនោះរួមមាន៖ សេរ៊ីTUF 2022សំរាប់អ្នកឌីស្ស៉ាញឬលេងហ្គេមទូទៅ សេរ៊ី ROG Flow និង ROG Zephrus G15 Edition សំរាប់អ្នកត្រូវការកម្លាំងម៉ាស៊ីនខ្លាំង ។

ក្រៅពីផលិតផលដ៏គួរអោយចាប់អារម្មណ៍នេះ យើងឃើញមានវត្តមានរបស់ Creator ល្បីៗជាច្រើនបានមកចូលរួមចែករំលែកនិងសំណេះសំណាលជាមួយភ្ញៀវអ្នកគាំទ្រជាច្រើន រួមមាន៖ លោក សាក់ សេរីវឌ្ឈ (Mr. Film Reel) លោក Allan Scott ព្រមទាំងក្រុមវិស័យអេឡិចត្រូនិចជាច្រើនដូចជា ក្រុម ReigN Esports,  Yaksa និង AG Esports ដែលធ្វើអោយទិដ្ធភាពកាន់តែសប្បាយរីករាយ។

ជាចុងក្រោយក្រុមហ៊ុនASUSបានចែកកាដូអនុស្សាវរីយ៍ជាច្រើន និងគ្រឿងលំអកុំព្យូទ័៏រផ្សេងៗទៀត ក៏ដូចជាការថតរូបជុំគ្នាផងដែរ។