Sony បានប្រកាសចេញលក់នូវកាមេរ៉ា Mirrorless ជំនាន់ថ្មីមួយទៀតនៃត្រកូល Alpha 7R គឺម៉ូដែល Alpha 7R IV

ក្រុមហ៊ុន Sony នៅកម្ពុជា បានប្រកាសចេញលក់នូវកាមេរ៉ា Mirrorless ជំនាន់ថ្មីមួយទៀតនៃត្រកូល Alpha 7R គឺម៉ូដែល Alpha 7R IV ដែលនេះ គឺកាមេរ៉ាម៉ូឌែលថ្មីប្រភេទកាមេរ៉ា Full Frame និងមានសមត្ថភាពអាចថតយករូបភាពបានរហូតដល់ 61 មេហ្គាភិសែល។ ជាមួយនឹងបច្ចេកវិទ្យាថ្មីៗ កាមេរ៉ានេះ មានសមត្ថភាពខ្ពស់ក្នុងការកាត់បន្ថយ Noise ព្រមទាំងផ្តល់នូវភាពលម្អិតច្បាស់ដល់រូបភាពផងដែរ។ ដើម្បីធានាដល់រូបភាពច្បាស់ល្អគ្រប់កាលៈទេសៈ កាមេរ៉ានេះ ក៏មានបំពាក់ជាមួយប្រព័ន្ធទប់លំនឹង 5-Axis ផងដែរ។

Alpha 7R IV មានបំពាក់ជាមួយនឹង Viewfinder បែបអេឡិចត្រូនិច ដែលមានកម្រិតរូបភាពច្បាស់ត្រជាក់ភ្នែក រហូតដល់ 5.76 million dot UXGA OLED Tru-finder ដែលច្បាស់ជាងស៊េរីមុនដល់ទៅ 1.6 ដង។ បើយើងនិយាយអំពីល្បឿនក្នុងការថតវិញ Alpha 7R IV អាចថតបានរហូតដល់ទៅ 10 ប៉ុស្តិ៍ក្នុងមួយវិនាទី គួបផ្សំនឹង 567 Phase Detection AF Points និង425 Contrast AF Points។ កាន់តែពិសេសនៅលើកាមេរ៉ានេះ គឺមុខងារ Real-time Eye AF ដែលអនុញ្ញាតឲ្យលោកអ្នកចាប់យកភ្នែកទាំងមនុស្សនិងសត្វបានច្បាស់ល្អ ទោះបីកំពុងធ្វើចលនាក៏ដោយ។ លោកអ្នក ក៏អាចប្រើប្រាស់មុខងារនេះ នៅក្នុងពេលថតវីដេអូបានផងដែរ។

កាមេរ៉ាមួយនេះ មានបំពាក់ជាមួយប្រព័ន្ធតភ្ជាប់ល្បឿនលឿនផ្សេងៗដូចជា high-speed Wi-Fi, wireless PC Connectivity, និង SuperSpeed USB (USB 3.2 Gen 1) USB Type-C ដែលជួយសម្រួលដល់អ្នកថតរូបអាជីព ក្នុងការបំពេញការងាររបស់ពួកគាត់។ បើនិយាយពីគុណភាពវីដេអូវិញ លោកអ្នកអាចថតបានរហូតដល់កម្រិត 4K (3840x2160 pixels) ដែលមានគុណភាពខ្ពស់ អមជាមួយនឹងមុខងារ S-Log2 និង S-Log3 ផងដែរ ដែលជួយដល់ការកែតម្រូវពណ៌វីដេអូឲ្យកាន់តែមានភាពទាក់ទាញ។

ប្រសិបើលោកអ្នក មានចំណាប់អារម្មណ៍ជាវបោះដុំ និងរាយសូមទំនាក់ទំនងដៃគូសហការរបស់សូនី  ហាងលក់កាមេរ៉ា ឡេង ឃាង តាមលេខទូរស័ព្ទ 012 861 212។