កាលព្រឹកថ្ងៃទី 28 វិច្ឆិកា 2019 ក្រុមហ៊ុន គង់ នួន គ្រុប សាខាយ៉ាម៉ាហា ថោន បាក់ទូក បានសម្ពោធលក់ម៉ូតូស៊េរីថ្មីរបស់ខ្លួនចំនួនបីស៊េរី ក្នុងនោះ Yamaha MT-15 ដែលបានដាក់តាំងបង្ហាញបង្អួតរាងយ៉ាងស្រស់ស្អាត ពោរពេញដោយអំណាច ត្រូវបានក្រុមហ៊ុនប្រសិទ្ធិនាមថា ជាប្រភេទម៉ូតូស្ព័របែប Sport Bike ស័ក្តិសមមែនទែន សម្រាប់មិត្តៗយុវវ័យ ដែលតែងតែនិយមការបើកបរម៉ូតូបែបផ្សងព្រេង គ្រប់ស្ថានភាពផ្លូវ។
-កម្លាំងម៉ាស៊ីន
ម៉ូតូ Yamaha MT-15 សេរីថ្មីនេះ ភ្ជាប់មកនូវលក្ខណៈសម្បត្តិយ៉ាងច្រើន ទាំងការឌីហ្សាញលើរូបរាងខាងក្រៅ និងបច្ចេកវិទ្យាថ្មីៗ រួមទាំងរូបរាងដ៏ទាក់ទាញដ៏ស្រស់ស្អាត។ ម៉ាស៊ីនរបស់ Yamaha MT-15 ប្រើបច្ចេកវិទ្យាBlue Core កម្លាំង 155cc មាន6លេខ ប្រើជាមួយស៊ីមីប្រភេទ DIAsII និងប្រព័ន្ធVVA ដែលជាបច្ចេកវិទ្យាជួយឲ្យចំហេះក្នុងម៉ាស៊ីនម៉ូតូឆេះកាន់តែសព្វល្អ ពេលបើកបរក្នុងល្បឿនកាន់តែលឿន។
ស៊ូប៉ាប់ចំនួន4 ដែលធ្វើការក្នុងម៉ាស៊ីកម្លាំង155cc របស់ម៉ូតូ King on the street ថ្មីនេះ នឹងបញ្ចុះកម្ដៅដោយស្វ័យប្រវត្តិតាមរយៈទឹកស្អំម៉ាស៊ីន ជំនួយដល់ការបើកបរផ្លូវជិតឆ្ងាយរបស់លោកអ្នកបានយ៉ាងរីករាយ និងសន្សំសំចៃសាំងបានកាន់តែច្រើនថែមទៀតផង។ Slipper Clutch មានមុខងារ ជួយដល់ការប្រើប្រាស់អ៊ំប៊្រីយ៉ាឲ្យកាន់តែស្រាលជាងមុន កាត់បន្ថយការប្រើកម្លាំងដៃរបស់អ្នកបើកបរ និងជួយក្ដាប់សង្កត់ស្បែកតឹងណែនល្អ លើការផ្ទេរថាមពលពីម៉ាស៊ីនទៅកាន់កង់។
-ចង្កៀងមុខ
ចង្កៀងមុខ ជាប្រភេទ Mono Focus LED ផ្ដល់ពន្លឺភ្លឺច្បាស់ជាមួយ កញ្ចក់ប៉ោង បាច់ពន្លឺបំភ្លឺផ្លូវល្អ គ្មានកន្លែងអុចខ្មៅ បញ្ចាំងពន្លឺបានឆ្ងាយល្អ។
-កុងទ័រ
ភ្លើងកុងទ័រជាប្រភេទ LCD រចនាឡើងតាមបែបគ្រួសារត្រកូល MT ដែលបង្ហាញមុខងារជាច្រើន ផ្ដល់ភាពងាយស្រួលសម្រាប់អ្នកបើកបរ។
-តួ និងប៊ូមមុខ
ម៉ូតូ Sport Bike Yamaha MT-15 តំឡើងតួរខ្លួនជាប្រភេទ Deltabox ជាមួយនឹងតុល្យភាពរឹងមាំល្អឥតខ្ចោះ រក្សាលំនឹង និងការបត់បែនបានយាងល្អ។ ប៊ូមមុខ ប្រភេទ UP Side Down ធ្វើការទប់លំនឹងម៉ូតូ ពេលផ្លូវមានសភាពបត់ កោង និងប្រើហ្វ្រាំងបានងាយស្រួល រក្សាសុវត្ថិភាពដល់អ្នកបើកបរបានកាន់តែល្អ។
ម៉ូតូ Yamaha MT-15 មានបីពណ៌សម្រាប់អតិថិជនធ្វើការជ្រើសរើស ចំពោះតម្លៃវិញ ត្រូវបានក្រុមហ៊ុនដាក់លក់ ក្នុងតម្លៃ $3500 តែប៉ុណ្ណោះ៕
