E402 គឺជាប្រភេទកុំព្យូទ័រយួរដៃលំដាប់ថវិការរបស់ក្រុមហ៊ុន ASUS ដែលត្រូវបានបង្កើតឡើងសម្រាប់អ្នកប្រើប្រាស់ក្នុងការធ្វើការប្រចាំថ្ងៃទូទៅ និងសម្រាប់ការកម្សាន្តនានា ដែលមានតម្លៃសមរម្យបំផុត គឺចាប់ពី 265$ ឡើងទៅ។
កុំព្យូទ័រយួរដៃថ្មីនេះ គឺមានរូបរាង និងរចនាបទស្រស់ស្អាតទាន់សម័យមានទម្ងន់ស្រាលងាយស្រួលយកតាមខ្លួន មានសមត្ថភាពមធ្យមអាចធ្វើការ Multitasking បានរលូនល្អ សាកសម្យបំផុតសម្រាប់អ្នកធ្វើការងារការិយាល័យជាមួយកម្មវិធីដូចជា Microsoft Office និងការបើកលេងអ៊ីនធើនែតទូទៅ។
កុំព្យូទ័រយួរដៃ Asus E402 គឺបានបំពាក់មកជាមួយCPU AMD A4-9125 រ៉េម DDR3L 4GB 1600MHz SDRAM On Board ប្រព័ន្ធដំណើរការWindow 10 Home និងទំហំផ្ទុកប្រភេទ SATA ដល់ទៅ 1TB ឯណោះ ផ្តល់នូវភាពងាយស្រួលសម្រាប់អ្នកដែលត្រូវការផ្ទុកឯកសារច្រើន ហើយក៏អាចបន្ថែម SSD ពីក្រៅបានថែមទៀតផង។ E402BA មានទម្ងន់ស្រាលល្មមត្រឹម1.6kg ងាយស្រួលក្នុងការយកតាមខ្លួន បំពាក់ជាមួយនឹងអេក្រង់ទំហំ14 អ៊ីង HD បំពាក់ជាមួយបច្ចេកវិទ្យា ASUS Splendid Technology ដែលជួយអោយការបង្ហាញអេក្រង់មានពណ៌ដិតរស់រវើកបែបធម្មជាតិ។
អេក្រង់របស់ E402 គឺប្រភេទជាប្រភេទកញ្ចក់ Anti-glare ដែលអាចជួយការពារចំណាំងផ្លាតបានក្រោមការប្រើប្រាស់ក្រោមកម្តៅថ្ងៃ មាន VGA Webcam និងមានរន្ធ Speaker ធំៗ ចំនួន 2 នៅខាងក្រោមជាមួយនឹងបច្ចេកវិទ្យា ASUS SonicMaster Technology ព្រមទាំងបំពាក់ដោយកម្លាំងថ្មដល់ទៅ 2 Cells 36 Whrs Polymer Battery។
ចំណែកឯ Ports វិញ គឺមានគ្រប់គ្រាន់សម្រាប់អ្នកធ្វើការទូទៅមានដូចជា រន្ធដោតកាស់ រន្ធសាកថ្ម រន្ធដោតVGA/mini d sub រន្ធUSB Type A 3.0 រន្ធ USB Type C 3.0 រន្ធUSB 2.0 រន្ធ Multi-format card reader រន្ធRJ45 LAN Jack និងរន្ធ HDMI។
