no-alternative title
no-alternative title
no-alternative title
no-alternative title
no-alternative title
no-alternative title

ពិធីចុះហត្ថលេខាលើគម្រោងជំនួយឧបករណ៍ទំនើបចុងក្រោយបង្អស់ និងកម្មវិធីបណ្តុះបណ្តាលស្តីពីបច្ចេកវិទ្យា 5G រវាង MPTC និងក្រុមហ៊ុន Huawei

កាលពីថ្ងៃទី 21 ខែមករា ឆ្នាំ 2020 ក្រសួងប្រៃសណីយ៍ និងទូរគមនាគមន៍ (MPTC) និងក្រុមហ៊ុន Huawei ប្រចាំនៅកម្ពុជា បានរៀបចំពិធីចុះហត្ថលេខាលើគម្រោងជំនួយជាឧបករណ៍បច្ចេកវិទ្យា ICT  និងកម្មវិធីបណ្តុះបណ្តាលស្តីពីបច្ចេកវិទ្យា 5G នៅឯទីស្តីការនៃក្រសួងប្រៃសណីយ៍ និងទូរគមនាគមន៍។ ឯកឧត្តម សុខ ពុទ្ធិវុធ រដ្ឋលេខាធិការនៃក្រសួងប្រៃសណីយ៍ និងទូរគមនាគមន៍ និងលោក Yao Yuya នាយកប្រតិបត្តិក្រុមហ៊ុន Huawei ប្រចាំប្រទេសកម្ពុជាបានចុះហត្ថលេខាលើកិច្ចសន្យានៃគម្រោងជំនួយនេះ ក្រោមអធិបតីភាព និងចូលរួមជាសាក្សីពីសំណាក់ ឯកឧត្តម ត្រាំ អ៊ីវតឹក រដ្ឋមន្ត្រីនៃក្រសួងប្រៃសណីយ៍ និងទូរគមនាគមន៍ និងឯកឧត្តម Wang Wentian ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំប្រទេសកម្ពុជា។

 

no-alternative title

ឯកឧត្តម ត្រាំ អ៊ីវតឹក រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានថ្លែងសុទ្ទរកថាអបអរសាទរដល់ក្រុមការងារនៃក្រសួងប្រៃសណីយ៍ និងទូរគមនាគមន៍ និងក្រុមហ៊ុន Huawei ដែលបានខិតខំប្រឹងប្រែងដោយមិនចេះនឿយហត់ដើម្បីធ្វើឱ្យព្រឹត្តិការណ៍ថ្ងៃនេះកើតឡើង ហើយក៏បានថ្លែងអំណរគុណយ៉ាងជ្រាលជ្រៅចំពោះក្រុមហ៊ុន Huawei សម្រាប់គម្រោងជំនួយដ៏សប្បុរសលើឧបករណ៍ និងសេវាកម្មដល់រាជរដ្ឋាភិបាលកម្ពុជាតាមរយៈក្រសួងប្រៃសណីយ៍ និងទូរគមនាគមន៍ ។

ឯកឧត្តមក៏បានលើកឡើងផងដែរថា“ប្រទេសកម្ពុជាទទួលបាននូវកំណើនរឹងមាំ និងមានស្ថេរភាពក្នុងរយៈពេលពីរទសវត្សចុងក្រោយនេះជាមួយនឹងការលេចចេញនូវសេដ្ឋកិច្ចឌីជីថល និងបដិវត្តឧស្សាហកម្មជំនាន់ទី 4 ប្រទេសកម្ពុជាត្រូវតែពន្លឿនការផ្លាស់ប្តូរសេដ្ឋកិច្ចរបស់ខ្លួនដើម្បីទ្រទ្រង់កំណើនដ៏ខ្ពស់ និងរឹងមាំជាមួយចក្ខុវិស័យយូរអង្វែង។ ក្រសួងប្រៃសណីយ៍ និងទូរគមនាគមន៍កម្ពុជា មានតួនាទីសំខាន់ណាស់ក្នុងការគាំទ្រដល់រដ្ឋាភិបាលដើម្បីសម្រេចបាននូវចក្ខុវិស័យគោលនយោបាយជាយុទ្ធសាស្រ្ត ដើម្បីទទួលបាននូវសេដ្ឋកិច្ចឌីជីថល ក៏ដូចជាត្រៀមខ្លួនដើម្បីឆ្ពោះទៅកាន់បដិវត្តឧស្សាហកម្មជំនាន់ទី 4 ដូចបានបង្ហាញនៅក្នុង“យុទ្ធសាស្ត្រចតុកោណដំណាក់កាលទី 4 ក្នុងអាណត្តិទី 6 នេះ ។ ផលិតផល និងសេវាកម្មដែលប្រគល់ជូនក្រសួងប្រៃសណីយ៍ និងទូរគមនាគមន៍ថ្ងៃនេះ នឹងត្រូវបានប្រើប្រាស់ដើម្បីសម្រេចបាននូវសមិទ្ធិផលជាអតិបរមាប្រកបដោយប្រសិទ្ធភាព។ ហើយខ្ញុំសង្ឃឹមថាកិច្ចសហប្រតិបត្តិការរវាងក្រសួងប្រៃសណីយ៍ និងទូរគមនាគមន៍ និងក្រុមហ៊ុន Huawei នឹងរីកចម្រើនកាន់តែខ្លាំងឡើងៗ ” ។

លោក Yao មានប្រសាសន៍ថា “ក្នុងនាមជាក្រុមហ៊ុនផ្គត់ផ្គង់បច្ចេកវិទ្យាព័ត៌មានវិទ្យា ICT ឈានមុខគេលើពិភពលោក និងជាទំនួលខុសត្រូវសង្គមនៅក្នុងប្រទេសកម្ពុជា ក្រុមហ៊ុន Huawei បានឆ្លើយតបយ៉ាងសកម្មទៅតាមអនុសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងរដ្ឋាភិបាលកម្ពុជា ដើម្បីជ្រោមជ្រែងដល់យុទ្ធសាស្រ្ត “ឌីជីថលកម្ពុជា” និងចក្ខុវិស័យវែងឆ្ងាយសម្រាប់ការបណ្តុះបណ្តាលទេពកោសល្យឌីជីថល។ ផ្អែកលើកិច្ចព្រមព្រៀងពីមុនរវាងសម្តេចនាយករដ្ឋមន្រ្តី និងថ្នាក់ដឹកនាំក្រុមហ៊ុន Huawei ក្រុមហ៊ុន Huawei មានសេចក្តីសោមនស្សរីករាយក្នុងការគាំទ្រដល់ក្រសួងប្រៃសណីយ៍ និងទូរគមនាគមន៍ដោយផ្តល់សម្ភារបរិក្ខា និងសេវាកម្មសម្រាប់មជ្ឈមណ្ឌលទិន្នន័យខា្នតតូច  ប្រព័ន្ធវីដេអូនៃសន្និសីទ  និងកុំព្យូទ័រយួរដៃម៉ាក Huawei សម្រាប់ការិយាល័យរដ្ឋាភិបាលថ្នាក់កណ្តាល និងខេត្ត ក្នុងឱកាសឆ្នាំថ្មី ឆ្នាំ 2020 នេះ ។

គាត់បានបន្ថែមថា “យើងអាចនិយាយបានថាឆ្នាំ 2020 គឺជាឆ្នាំដ៏សំខាន់នៃដំណើរការអភិវឌ្ឍ 5G របស់ប្រទេសកម្ពុជា ហើយយើងរីករាយដែលបានចូលរួមចំណែកក្នុងការអភិវឌ្ឍនេះ។ ក្រុមហ៊ុន Huawei  បានត្រៀមខ្លួនផ្តល់ជូនក្រសួងនូវការបណ្តុះបណ្តាលបច្ចេកវិទ្យា 5G ចំនួន ៣០កូតា សម្របសម្រួលទៅតាមតម្រូវការរបស់មន្រ្តីផ្នែកទូរគមនាគមន៍ ដើម្បីឱ្យពួកគាត់អាចយល់ដឹងពីបច្ចេកវិទ្យា 5G និងកម្មវិធីចុងក្រោយបំផុតនៃបច្ចេកវិទ្យានេះ។ បើសម្លឹងមើលទៅអនាគត ថ្ងៃនេះគឺជាការចាប់ផ្តើមថ្មីមួយទៀតសម្រាប់កិច្ចសហប្រតិបត្តិការរវាងក្រសួង និងក្រុមហ៊ុន Huawei កម្ពុជាដើម្បីធ្វើឱ្យប្រសើរឡើងផ្នែកឌីជីថលនីយកម្ម។

ក្រុមហ៊ុន Huawei នឹងបន្តចក្ខុវិស័យដើម្បីនាំយកឌីជីថលទៅកាន់មនុស្សគ្រប់រូប គ្រប់គេហដ្ឋាននិងគ្រប់ស្ថាប័ន សម្រាប់ប្រទេសកម្ពុជាជាមួយនឹងការតភ្ជាប់ដ៏ពេញលេញ និងឆ្លាតវៃ។ យើងនឹងបន្តវិនិយោគលើប្រព័ន្ធ 5G, Broadband, Cloud, បញ្ញាសិប្បនិម្មិត(AI) និងឧបករណ៍វៃឆ្លាត ដើម្បីជួយអតិថិជនរបស់យើងឱ្យទទួលបាននូវអត្ថប្រយោជន៍ពីបច្ចេកវិទ្យា ដែលកំពុងរីកចម្រើនទាំងនេះជាពិសេសគឺ5G ដែលនឹងក្លាយជាផ្នែកមួយដ៏សំខាន់បំផុត ដើរតួនាទីជាមូលដ្ឋានគ្រឹះសនៃការធ្វើឱ្យប្រសើរឡើង និងឌីជីថលនីយកម្មថ្នាក់ជាតិដ៏ឆ្លាតវៃ”។

ឯកឧត្តម សុខ ពុទ្ធិវុធ បានមានប្រសាសន៍ថា “ខ្ញុំសូមថ្លែងអំណរគុណចំពោះក្រុមហ៊ុនHuawei ចំពោះការចូលរួមចំណែកក្នុងការអភិវឌ្ឍយ៉ាងសកម្មភាពទាក់ទងនឹងបច្ចេកវិទ្យាព័ត៌មានវិទ្យានៅក្នុងព្រះរាជាណាចក្រកម្ពុជា។ ដោយក្រសួងប្រៃសណីយ៍ និងទូរគមនាគមន៍ (MPTC) បានដើរតួនាទីយ៉ាងសំខាន់ក្នុងការផ្តល់សេវាកម្មទាក់ទងនឹងបច្ចេកវិទ្យាព័ត៌មានវិទ្យា ដល់ស្ថាប័នរដ្ឋាភិបាលដទៃទៀតនៅក្នុងប្រទេសកម្ពុជា ដូចនេះហើយតាមរយៈការជ្រោមជ្រែងពីក្រុមហ៊ុន Huawei នៅពេលនេះពិតជាជួយកែលម្អផលប័ត្រដែលមានស្រាប់របស់យើងឱ្យកាន់តែល្អប្រសើរឡើង។”

លោកបានសង្កត់ធ្ងន់ថា “ការមាននូវបច្ចេកវិទ្យាព័ត៌មានវិទ្យា ICT និងសេវាបណ្តាញនេះផ្តល់នូវគុណសម្បត្តិមួយផ្នែកសម្រាប់សង្គមទូទៅ។ ការអភិវឌ្ឍហេដ្ឋារចនាសម្ព័ន្ធបច្ចេកវិទ្យាដែលមានតម្លៃថោកជាងមុន បានធ្វើឱ្យយើងអាចមានលទ្ធភាពផ្គត់ផ្គង់នូវសេវាកម្មអ៊ីនធឺណិតដល់ប្រជាជនរបស់យើងបានកាន់តែច្រើន។ ការនិយមប្រើប្រាស់សេវាអ៊ីនធឺណិតកំពុងតែមានការរីកចម្រើនយ៉ាងឆាប់រហ័ស ហើយយោងតាមនិយតករទូរគមនាគមន៍កម្ពុជាគិតត្រឹមថ្ងៃទី 31 ខែធ្នូ ឆ្នាំ 2019 បានប៉ាន់ស្មានថា អ្នកប្រើប្រាស់ចំនួន 16.7 លាននាក់ មានលទ្ធភាពប្រើប្រាស់អ៊ិនធឺណិតតាមទូរស័ព្ទចល័ត ខណៈពេលដែលមានប្រជាជនចំនួនត្រឹមតែ 215 ពាន់នាក់ប៉ុណ្ណោះ ដែលជាអ្នកប្រើប្រាស់អ៊ីនធឺណេតតាមផ្ទះ។  តាមរយៈការចាប់យកផលប្រយោជន៍ពីអ្នកប្រើប្រាស់អ៊ីនធឺណេតបច្ចុប្បន្នទាំងវិស័យរដ្ឋ និងឯកជន កំពុងផ្លាស់ប្តូរសេវាកម្មរបស់ពួកគេទៅជាសេវាកម្មតាមអ៊ីនធឺណេតដោយមានគោលដៅរួមមួយគឺ ដើម្បីផ្តល់នូវសេវាកម្មកាន់តែប្រសើរ កាន់តែរហ័ស ក៏ដូចជាកាន់តែមានប្រសិទ្ធភាពជាងមុនសម្រាប់ប្រជាជននិងអតិថិជន។

 

 

 

 

no-alternative title

no-alternative title
ព័ត៌មានពាណិជ្ជកម្ម