no-alternative title
no-alternative title
no-alternative title
no-alternative title
no-alternative title
no-alternative title
no-alternative title

Samsung Galaxy S20 Ultra គឺជាកំពូលស្មាតហ្វូន Galaxy S ដំបូងគេដែលប្រើប្រាស់កញ្ចក់ការពារ Gorilla Glass 6 ទាំងខាងមុខ និងខាងក្រោយ

ក្រុមហ៊ុន Samsung បានបើកកញ្ចប់ប្រវត្តិសាស្ត្រថ្មីក្នុងវិស័យឧស្សាហកម្មស្មាតហ្វូនកាលពីរាត្រីថ្ងៃទី 12 ម្សិលមិញនេះជាមួយនឹងការបង្ហាញចេញកំពូលស្មាតហ្វូនជំនាន់ថ្មីចុងក្រោយបំផុតរបស់ខ្លួនដែលរូមមានបងប្អូន Galaxy S20 /S20+/S20 Ultra និងស្មាតហ្វូនអេក្រង់បត់ជំនាន់ទីពីរម៉ូដែល Galaxy Z Flip។ចំនុចដែលទាញការចាប់អារម្មណ៍ខ្លាំងបំផុតនៅលើកំពូលស្មាតហ្វូនជំនាន់ថ្មីទាំងនេះគឺត្រង់រចនាបថប្រព័ន្ធកាមេរ៉ាថ្មីជាមួយនឹងសមត្ថភាពកាមេរ៉ាថតរូបដ៏អស្ចារ្យ រួមនឹងកំលាំងម៉ាស៊ីនខ្លាំងក្លារបស់ពួកវាជាដើម។ 

 

no-alternative title

យ៉ាងណាមិញក្នុងចំនោមស្មាតហ្វូនបងប្អូន Galaxy S20 Series ទាំងបី…ម៉ូដែលដែលមានមានភាពលេចធ្លោរខ្លាំងជាងគេ និងទទួលបានការចាប់អារម្មណ៍ខ្លាំងជាងគេគឺ Galaxy S20 Ultra នោះក៏ដោយសារតែសមត្ថភាពកាមេរ៉ាដ៏មហស្ចារ្យរបស់វាដែលមានទំហំធំដល់ 108MP ប្រើជាលែនគោល និងលែន Telephoto ឬ Periscope ទំហំ 48MP ដែលមានលទ្ធភាពអាចពង្រីកប្លង់ថតដោយប្រើមុខងារ Space Zoom បានដល់ 100 ដងបែប Digital Zoom និង 10 ដងបែប Hybrid Optical Zoom ព្រមជាមួយសមត្ថភាពផលិតសាច់វីដេអូបានដល់កម្រិត 8K ក្នុងល្បឿន 24fps ឯណោះ។ 

បន្ថែមពីចំនុចដ៏អស្ចារ្យលើប្រព័ន្ធកាមេរ៉ាថតរូប និងវីដេអូ រួមនឹងកំលាំងម៉ាស៊ីនដ៏ខ្លាំងទៅ Galaxy S20 Ultra នៅមានចំនុចដ៏គួរអោយចាប់អារម្មណ៍ ហើយក៏ជាចំនុចដែលអ្នកប្រើប្រាស់ចង់បានដែរនោះគឺកញ្ចក់ស្រោបការពារខ្លួនមុខក្រោយរបស់វាជាប្រភេទ Corning Gorilla Glass 6 ហើយវាគឺជាកំពូលស្មាតហ្វូនដំបូងគេក្នុងស្រឡាយកំពូលស្មាតហ្វូនរបស់ Samsung ដែលប្រើប្រាស់កញ្ចក់ការពារជំនាន់ទី 6 (GG6) ទាំងមុខក្រោយ ប៉ុន្តែគួរអោយស្តាយដោយសារតែ Samsung នៅតែប្រើស៊ុមព័ទ្ធជុំវិញតួរខ្លួនរបស់វាជាអាលុយមីញ៉ូម (Aluminum Frame) មិនមែនជាដែកអ៊ីណុក (Stainless Steel Frame) ដូច iPhone 11 Pro/ Pro Max របស់ Apple។ 

គួរកត់សំគាល់ថា នៅលើជំនាន់ Galaxy S10 Series សាមស៊ុងបានប្រើកញ្ចក់ GG6 ស្រោបការពារតែលើផ្ទៃអេក្រង់ខាងមុខតែប៉ុណ្ណោះ ហើយក្នុងនោះជំនាន់ថ្មី Galaxy S20 និង S20+ ក៏ដូចគ្នាដែរ ខណៈដែលកំពូលស្មាតហ្វូនជំនាន់ Galaxy Note 10 និង Note 10+ ប្រើប្រាស់កញ្ចក់ការពារ GG6 ស្រោបផ្ទៃអេក្រង់ខាងមុខ និង GG5 ស្រោបលើផ្ទៃខាងក្រោយ។ បើតាមការបញ្ជាក់ពីក្រុមហ៊ុន Corning បានអោយដឹងថាកញ្ចក់ការពារ Gorilla Glass ជំនាន់ទី 6 (GG6) គឺមានភាពធន់រឹងមាំ និងអាចការពារពីការធ្លាក់នៅរយះកំពស់ខ្ពស់បានប្រសើរជាងជំនាន់ទី5 (GG5) ពីរដង។ ហើយក្នុងនោះបើតាមការធ្វើតេស្តផ្លូវការណ៍របស់ Corning បានបង្ហាញថា “កញ្ចក់ការពារ Gorilla Glass 6 (GG6) អាចការពារ និងធន់ជាមួយការធ្លាក់នៅរយះកំពស់ 1 ម៉ែត្របាន 15 ដង តែទោះជាយ៉ាងណាវាក៏នៅតែមានស្នាមប្រះបែកដូចគ្នានឹង Gorilla Glass 5 ដដែល ដូចនេះយល់ល្អនៅពេលប្រើ Galaxy S20 Ultra យើងគួរគប្បីប្រើប្រាស់ស្រោបការពារទើបផ្តល់ទំនុកចិត្តក្នុងការកាន់ប្រើប្រាស់បានកាន់តែខ្ពស់ ដូចពាក្យចាស់លោកពោលថា “ការពារប្រសើរជាងការព្យាបាល”។ 

សម្រាប់តម្លៃរបស់កំពូលស្មាតហ្វូនជំនាន់ថ្មី Samsung Galaxy S20 Ultra គឺខ្ទង់ $1,399 សម្រាប់ម៉ូដែលមានរ៉េមទំហំ 12GB/ម៉េមូរីទំហំ 128GB និងតម្លៃខ្ទង់ $1,549 សម្រាប់ម៉ូដែលមានរ៉េមទំហំ 16GB/ម៉េមូរីទំហំ 512GB។ សម្រាប់ទីផ្សារក្នុងព្រះរាជាណាចក្រកម្ពុជាយើងគឺមានបើកអោយធ្វើការបញ្ជាទិញ (Pre-Order) បានហើយចាប់ពីថ្ងៃនេះទៅរហូតដល់ជិតដំណាច់ខែកុម្ភៈនេះជាមួយជម្រើសពីរពណ៌គឺប្រផេះ (Cosmic Grey) និងពណ៌ខ្មៅ (Cosmic Black) ព្រមទាំងមានការបន្ថែមជូនកញ្ចប់កាដូរពិសេសៗជាច្រើនដោយក្នុងនោះក៏មានកាសស្តាប់ជំនាន់ថ្មី Galaxy EarBuds+ ផងដែរ៕

 

no-alternative title

ព័ត៌មានពាណិជ្ជកម្ម