ជឿជាក់ថា ប្រិយមិត្តគ្រាន់តែឃើញរូបរាងនៃរចនាបទ ដែលក្រុមហ៊ុន ASUS បានផលិតចេញនូវកុំព្យួទ័រយួរដៃដ៏ប្រណិតនេះ ចេញមក ដែលជឿជាក់ថា ប្រិយមិត្តប្រាកដណាស់ នឹងលាន់មាត់ថា ចង់បានយកមកប្រើប្រាស់ ព្រោះតែវា មានសមត្ថភាពខ្លាំងក្លា ដែលអាចបំពេញកិច្ចការបានច្រើនយ៉ាង ហើយអាចលេងហ្គេមដោយគ្មានឡើយពាក្យថា រអាក់រអួល ព្រោះថាវាស្ថិតនៅក្នុងក្រុម ROG ដែលមានន័យថា យុគ្គសម័យហ្គេមីញ។
ASUS ROG Strix G G731GU-EV032T ត្រូវបានបំពាក់មកជាមួយនូវអេក្រង់ទំហំ 17.3-inch Full HD (1920x1080) IPS-level panel, 144Hz, 3ms, 100% sRGB ទ្រទ្រង់ជាមួយនឹងបច្ចេកវិទ្យា 3D និង 4K ងាយស្រួលក្នុងការប្រើប្រាស់ជាមួយផលិតផល VR ផងដែរ។ ជាងនេះទៅទៀត វាប្រើប្រាស់អង្គប្រតិបត្តិការណ៍ជំនាន់ចុងក្រោយ Intel® Core™ i7-9750H អង្គក្រាហ្វិច NVIDIA® GeForce RTX™ 2070 with 8GB GDDR6 VRAM ជាមួយទំហំ RAM ទំហំ DDR4 2666MHz SDRAM អាចបន្ថែមបានរហូតដល់ 32GB ឯណ្ណោះ ដូច្នេះ ផ្នែកខាងក្នុងប៉ុននេះ អាចជឿជាក់បានថា មិនធ្វើឲ្យលោកអ្នកខកបំណងឡើយ ដែលអាចបន្ថែមឲ្យកាន់តែមានភាពជឿជាក់បំផុតក្នុងការប្រើប្រាស់។
មួយវិញទៀត វាមានថាស់រឹងផ្ទុកទិន្ន័យទំហំ M.2 NVMe PCIE 3.0 128GB/256GB/512GB/1TB SSD និង 2.5' 1TB SSHD ដែលជាផ្នែកមួយជួយការដំណើរការវីនដូកាន់តែលឿនផងដែរ ហើយវាមានថ្មធំ ដែលអាចប្រើប្រាស់បានកាន់តែយូរ និងទ្រទ្រង់ជាមួយនិងប្រព័ន្ធប្រតិបត្តិការ Windows 10 Home/Pro។ ចំណុចមួយទៀត ដែលធ្វើឲ្យកាន់តែទាក់ទាញចិត្តនោះគឺ Backlit chiclet keyboard ដែលមានបំពាក់នូវភ្លើង RGB ដែលជាបច្ចេកវិទ្យា Asus Aura RGB ធ្វើឲ្យឃីទាំងអស់មានពន្លឺស្រស់ស្អាត ព្រោះមាន N-key rollover, One Zone RGB lighting, 4 Zone RGB lighting, Aura Sync និង Hotkeys (Volume down, volume up, mute, HyperFan, Armoury Crate) ផងដែរ។
