នៅថ្ងៃទី 08 ខែសីហា ឆ្នាំ 2019 ក្រុមហ៊ុន AWS CAMBODIA LTD ដែលជាក្រុមហ៊ុនឈានមុខគេផ្នែកចែកចាយផលិតផលបណ្ដាញទូរគមនាគមន៍ព័ត៌មានវិទ្យា និង ប្រពន្ធ័គ្រប់គ្រង សុវត្ថិភាពសម្រាប់អគារ បានចាប់ដៃសហការគ្នាជាមួយក្រុមហ៊ុន ACER ដើម្បីបើកសម្ពោធជាផ្លូវការនូវតំណាងចែកចាយផលិតផល ACER COMMERCIAL នៅក្នុងប្រទេសកម្ពុជា។
ពិធីនេះ ត្រូវបាប្រារព្ឋធ្វើនៅសណ្ឋាគារ THE GREAT DUKE HOTEL PHNOM PENH ក្រោមវត្តមាននៃមានការចូលរួមយ៉ាងច្រើនកុះករពីសំណាក់ដៃគូរអាជីវកម្មអ្នកលក់បន្ត និងបណ្តាអ្នកសារព័ត៌មានមកពីស្ថាបន័ផ្សេងៗ។
ថ្លែងទៅកាន់ភ្ញៀវកិត្តិយសដែលមានវត្តមាននៅក្នុងពិធីនេះ លោក ថាក់ ស៊ូមុន្នី ប្រធានគ្រប់គ្រងទូទៅនៃក្រុមហ៊ុន AWS បានមានប្រសាសន៍ថា ការចាប់ផ្តើមភាពជាដៃគូរអាជីវកម្មជាមួយក្រុមហ៊ុន ACER ពេលនេះ ក្រុមហ៊ុន AWS CAMBODIA មានយុទ្ធសាស្ត្រទីផ្សារច្បាស់លាស់ក្នុងការលក់ផលិតផល ACER COMMERCIAL នៅក្នុងទីផ្សារ ប្រទេសកម្ពុជា។
យើងនឹងធ្វើការយ៉ាងជិតស្និទ្ឋជាមួយបណ្តាដៃគូរអាជីវកម្មក្នុងស្រុករួមមាន ក្រុមហ៊ុន System Integrations និង ក្រុមហ៊ុនអ្នកលក់បន្ត ដើម្បីផ្តល់អត្ថប្រយោជន៍ជាច្រើនរបស់ផលិតផល ACER COMMERCIAL ទៅដល់អតិថិជនរបស់ខ្លួន។ យើងទទ្ទឹងរងចាំភាពជាដៃគូរ និងមានការរំភើបយ៉ាងខ្លាំងអំពីកិច្ចសហប្រតិបត្តិការជាមួយក្រុមហ៊ុន ACER ដែលគ្រប់ភាគី ទាំងសងខាង មានភាពជឿជាក់ថា នេះជាការចាប់ផ្តើមអាជីវកម្មដែលនឹងទទួលបានភាពជោគជ័យ និងមានភាពយូរអង្វែង។
គួរបញ្ជាក់ផងដែរក្រុមហ៊ុន AWS (Asia Wiring System) មានស្នាក់ការកណ្ដាលនៅប្រទេសសិង្ហបុរី និងបានបង្កើតឡើងនៅក្នុងឆ្នាំ១៩៩៣ ជាក្រុមហ៊ុនចែកចាយផ្តាច់មុខដែលមានគោលការណ៍ច្បាស់លាស់ និងក្រមសីលធម៌ក្នុងការធ្វើអាជីវកម្ម ក៏ដូចជាកិច្ចសហប្រត្តិបត្តិការ ក្នុងការបង្ហាត់បង្រៀនបច្ចេកទេសដល់ដៃគូរពាណិជ្ជកម្ម ដើម្បីឈានឈ្ពោះ ទៅរកភាពជោគជ័យទាំងអស់គ្នា។ ការអនុវត្តន៍ និងបន្តអនុវត្តប្រកបដោយភាពវិជ្ជមានមួយនេះ បានធ្វើអោយក្រុមហ៊ុន AWS កាន់តែមានដៃគូរពាណិជ្ជកម្មច្រើនឡើងៗពីមួយឆ្នាំទៅមួយឆ្នាំ។
ក្រុមហ៊ុន AWS បានយកចិត្តទុកដាក់ និងបាន សហការយ៉ាងរឹងមាំជាមួយក្រុមហ៊ុនដែលមានបច្ចេកវិទ្យាល្បីៗនៅលើពិភពលោក ដូចជា Epson, Alantek, Honeywell Security & Fire Solutions ,Socomec, MikroTik, CommScope (AMP, TE connectivity, Systimax), Cisco, Ruckus Networks, Fluke Networks, Austin Hughes, D-Link, GST, LinkyFi, Suprema, Brady, Zycoo IP Telephony, Printronix, Bullguard, Asus, Maken, Senor POS, Exzen និងផលិតផលជាច្រើនទៀត។ ហើយក្រុមហ៊ុនបច្ចេកវិទ្យាទាំងនេះបានផ្តល់សិទ្ធិផ្តាច់មុខដល់ក្រុមហ៊ុន AWS ក្នុងការក្លាយជាក្រុមហ៊ុនចែកចាយ ស្របច្បាប់នៅក្នុងប្រទេសកម្ពុជាផងដែរ។ បច្ចុប្បន្នក្រុមហ៊ុន AWS មានសាខា ក្នុងនិងក្រៅប្រទេស នៅតំបន់អាស៊ីដែលមានដូចជា ប្រទេសមាឡេស៊ី ឥណ្ខូនេស៊ី ថៃ ហ្វីលីពីន កម្ពុជា វៀតណាម និង ប្រទេសមីយ៉ាន់ម៉ា។ សម្រាប់ព័ត៌មានបន្ថែមពីក្រុមហ៊ុនសូមចូលទៅកាន់ www.awscambodia.com ។
ជាមួយគ្នានោះដែរ លោក Alan Chiang នាយកគ្រប់គ្រងរបស់ ក្រុមហ៊ុន ACER ប្រចាំឥណ្ឌូឆាយណាមានប្រសាសន៍ថា ACER ត្រូវបានបង្កើតឡើងនៅឆ្នាំ 1976 សព្វថ្ងៃ ACER គឺជាក្រុមហ៊ុនដែលជាប់ចំណាត់ថ្នាក់ កំពូលមួយនៅលើពិភពលោក ហើយនឹងមានវត្តមាននៅលើប្រទេសជាង 160 សម្រាប់ថ្ងៃអនាគត់ ACER នឹងផ្តោត សំខាន់ទៅលើផ្នែក Hardware, Software និងសេវាកម្ម រួមបញ្ចូលគ្នាដើម្បីបង្កើតនូវសក្តានុភាពថ្មីសម្រាប់អ្នកប្រើប្រាស់ និងអាជីវកម្មផងដែរ។
ក្រៅពីបច្ចេកវិទ្យាដ៏សំបូរបែប ACER ក៏មានបុគ្គលិកជំនាញចំនួនជាង 7000 នាក់ដែលយកចិត្ត ទុកដាក់ទៅលើការងារផ្នែកស្រាវជ្រាវ រចនាម៉ូត ទីផ្សារ ផ្នែកលក់ និងផ្នែកគ្រប់គ្រងផលិតផលដើម្បីបញ្ចៀសអោយបានរាល់ ឧបសក្ក័រវាងអ្នកប្រើប្រាស់ និងបច្ចេកវិទ្យា។
