និយាយដល់ការបោកគកសំលៀកបំពាក់ច្បាស់ណាស់អ្នកណាៗក៏មានភាពធុញទ្រាន់ដែរពិសេសស្ត្រីមេផ្ទះតែម្តង ព្រោះថាវាជាកតាព្វកិច្ចរបស់ពួកគាត់។ ដោយមើលឃើញពីតម្រូវការ និងដើម្បីសម្រួលដល់ការងារក្នុងការបោកសំអាតនូវសំលៀកបំពាក់ជាប្រចាំថ្ងៃរបស់ស្រ្តីមេផ្ទះទាំងឡាយក្រុមហ៊ុនផលិតបច្ចេកវិទ្យាចម្រុះរបស់កូរ៉េខាងត្បូង LG Electronics បានផលិតចេញនូវម៉ាស៊ីនបោកគកសំលៀកបំពាក់ដ៏ទំនើបស៊េរីថ្មីម៉ូដែល LG-RC09VHP2W ដែលភ្ជាប់នូវមុខងារប្រើប្រាស់បែបទំនើបទាន់សម័យដែលជួយអោយការងារបោកគកបានលឿនរហ័ស កំចាត់ភាពកង្វក់បានស្អាត និងសន្សំសំចៃខ្ពស់ក្នុងការប្រើប្រាស់។ ដូចនេះចង់ដឹងថាម៉ាស៊ីនបោកគកដ៏ទំនើបរបស់ LG មួយនេះមានចំនុចពិសេសទំនើបអ្វីខ្លះ ខាងក្រោមនេះក្រុមការងារទស្សនាវដ្តីយើងខ្ញុំនឹងបង្ហាញចំនុចពិសេសទំនើបដែលម៉ាស៊ីនបោកគកនេះមាន។
លក្ខណះសម្បត្តិខាងក្រៅ
LG មិនត្រឹមតែគិតគួរពីភាពងាយស្រួលក្នុងការប្រើប្រាស់តែម្យ៉ាងនោះទេ សម្រាប់ការរចនារូបរាងខាងក្រៅនៃម៉ាស៊ីនបោកគកស៊េរីថ្មីនេះក៏ត្រូវបានគិតគួរយ៉ាងពិសេសផងដែរ។ វាត្រូវបានក្រុមហ៊ុនធ្វើការរចនាឡើងមានទំហំតូចល្មមងាយស្រួលក្នុងការទុកដាក់នៅក្នុងគេហដ្ឋានរបស់យើងដោយវាមិនត្រូវការកន្លែងទំនេរធំសម្រាប់ទុកដាក់ឡើយ។ ម៉ាស៊ីននេះមានកំពស់ 850cm ជាមួយប្រវែងទទឹងខាងមុខ 600cm និងមានប្រវែងទទឹងទៅក្រោយ 610cm ហើយអាចផ្ទុកទំងន់បាន 9 គីឡូក្រាម។
មុខងារប្រើប្រាស់បែបទំនើប
ដើម្បីធ្វើអោយការបោកគកមានប្រសិទ្ធភាពខ្ពស់ បោកសំលៀកបំពាក់បានស្អាត និងមិនធ្វើអោយខ្ទេច ឬខូចសាច់ក្រណាត់ក្រុមហ៊ុន LG បានធ្វើការភ្ជាប់មកជាមួយនឹងមុខងារ និងបច្ចេកវិទ្យាប្រើប្រាស់ទំនើបឆ្លាតវៃដូចជា:
-Dual Inverter Heat Pump គឺជាបច្ចេកវិទ្យាគ្រឹះដ៏សំខាន់សម្រាប់ម៉ាស៊ីនបោកគកមួយនេះ។ វាត្រូវបានបង្កើតឡើងដើម្បីផ្តល់នូវប្រសិទ្ធភាពថាមពលកម្រិតខ្ពស់ក្នុងការបោកសំអាតបានស្អាត និងសំងួតសាច់ក្រណាត់បានស្ងួតល្អដោយចំនាយពេលវេលាតិចជាងពេលណាៗទាំងអស់។ បច្ចេកវិទ្យា Dual Inverter Heat Pump បានបង្កើននូវចលនារង្វិលនៅលើម៉ូទ័រក្នុងការជំរះភាពកង្វក់នៅលើសំលៀកបំពាក់ និងផ្តល់នូវកំដៅសំងួតបានល្អប្រសើរជាងមុនប្រមាណ 10%។ ហើយជាពិសេសបច្ចេកវិទ្យា DUAL Inverter Compressor នេះវាមានការធានាផ្លូវការណ៍ពីក្រុមហ៊ុនក្នុងការប្រើប្រាស់រយះពេលរហូតដល់ទៅ 10 ឆ្នាំឯណោះ។
-Eco Hybrid ជាប្រព័ន្ធបច្ចេកវិទ្យាជួយសន្សំសំចៃក្នុងការប្រើប្រាស់ទឹក ប្រើប្រាស់ថាមពលតិចជាងមុន និងចំនាយពេលតិចក្នុងការធ្វើអោយសាច់ក្រណាត់ខោអាវឆាប់ស្ងួត។
-Gentle Care ជាបច្ចេកវិទ្យាពិសេសបំផុតដោយវាជួយកំណត់កម្រិតសីតុណ្ហភាពក្នុងការសំងួតសាច់ក្រណាត់ កាត់បន្ថយភាពជ្រួញសាច់ក្រណាត់ និងធ្វើអោយសាច់ក្រណាត់សំលៀកបំពាក់ឆាប់ស្ងួតល្អមិនខ្ទេចជាមួយមុខងារសំងួត Pump Heat technology។
-Allergy Care ជាបច្ចេកវិទ្យាពិសេសបំផុតដោយវាមានលទ្ធភាពក្នុងការសំអាតភាពកង្វក់ និងស្នាមប្រឡាក់លើសាច់ក្រណាត់ដែលបង្ករអាឡែតស៊ីស្បែករបស់យើងដូចជាធូលីជាដើមបានដល់ទៅ 99.9% ឯណោះ។ បន្ថែមពីនេះវាក៏ជួយសំអាតសារធាតុកង្វក់ដែលបង្ករអោយមានផលប៉ះពាល់ដល់ស្បែកផងដែរ។ ម្យ៉ាងទៀតវាមិនត្រឹមតែជួយសំអាតសារធាតុកង្វក់នៅលើសាច់ក្រណាត់ដែលធ្វើអោយមានអាឡែតស៊ីស្បែកយើងប៉ុណ្ណោះទេ ប៉ុន្តែវាក៏ជួយក្នុងការកាត់បន្ថយនូវផលប៉ះពាល់ដល់បរិស្ថានបានយ៉ាងល្អប្រសើរថែមទៀតផង។ សម្រាប់បច្ចេកវិទ្យា Allergy Care នេះត្រូវបានទទួលស្គាល់ដោយស្ថាប័ន BAF Institute ផងដែរទៅលើគុណភាព និងសុវត្ថិភាពក្នុងការប្រើប្រាស់។
-Auto Clean Condenser ត្រូវបានបង្កើតឡើងយ៉ាងពិសេសដើម្បីជួយផ្តល់នូវប្រព័ន្ធលំហូរខ្យល់បានសព្វ និងជួយផ្តល់នូវប្រសិទ្ធភាពខ្ពស់ក្នុងការភាពស្ងួតនៅខាងក្នុងម៉ាស៊ីនបានល្អ។ វាធ្វើការជាមួយស្រទាប់សំណាញ់ច្រើនស្រទាប់ហៅថា “Double Layer Filter” ដែលជួយសំងួតសាច់ក្រណាត់បានស្ងួតល្អតាមរយះការច្រោះស្រូបសំណើមចេញពីសរសៃរអំបោះរបស់សាច់ក្រណាត់។ ហើយកាន់តែពិសេសបំផុតនោះគឺវាមានមុខងារឆ្លាតវៃហៅថា “Sensor Dry” ដោយវាមានភាពឆ្លាតវៃក្នុងការចាប់យកសាច់ក្រណាស់ដែលនូវមានសំណើររួចហើយកំនត់ថេរវេលាដោយស្វ័យប្រវត្តិដើម្បីសំងួត។
-Smart ThinQ ជាមុខងារពិសេស និងទំនើបបំផុតសម្រាប់ការប្រើប្រាស់ព្រោះយើងអាចធ្វើការតភ្ជាប់ម៉ាស៊ីនបោកគកជាមួយនឹងទូរសព័្ទដៃស្មាតហ្វូនតាមរយះបណ្តាញបច្ចេកវិទ្យា Wi-Fi ដើម្បីធ្វើការបញ្ជា និងកំណត់មុខងារផ្សេងៗនៅលើម៉ាស៊ីនបោកគកអោយធ្វើការបានពីគ្រប់ទីកន្លែង និងគ្រប់ពេលវេលា។
សរុបជារួមមកវិញ…ការជ្រើសរើសប្រើប្រាស់ជាមួយម៉ាស៊ីនបោកគកសំលៀកបំពាក់ស៊េរីថ្មីរបស់ LG ម៉ូដែល LG-RC09VHP2W គឺបានផ្តល់នូវអត្ថប្រយោជន៍ជាច្រើនសម្រាប់ការប្រើប្រាស់។ ម៉ាស៊ីនបោកគកសំលៀកបំពាក់ស៊េរីថ្មីនេះវាមានមុខងារពីរគឺបោកសំអាតសំលៀកបំពាក់បានស្អាត និងការសំងួតបានល្អមិនធ្វើអោយសំលៀកបំពាក់យើងមានក្លិនខ្មួរ ហើយជាពិសេសគឺវាមិនធ្វើអោយសាច់ក្រណាត់អាវ ឬខោរបស់យើងបែបព្រុយ និងជ្រួញឡើយគឺរក្សាបានភាពថ្មីជានិច្ច។ បន្ថែមពីនេះវាក៏ជួយសំចៃយើងបានច្រើនថែមទៀតផងគឺសន្សំសំចៃទាំងពេលវេលា និងប្រាក់កាក់។ LG-RC09VHP2W គឺជាម៉ាស៊ីនបោកគកសំលៀកបំពាក់ស៊េរីថ្មីដែលមានភាពទំនើប និងជាជម្រើសដ៏ល្អបំផុតសម្រាប់ស្រ្តីមេផ្ទះសម័យថ្មី៕