Nokia 2720 Flip គឺជាទូរស័ព្ទបត់ជំនាន់ថ្មីមួយ ដែលត្រូវបានក្រុមហ៊ុន HMD Global សម្រេចធ្វើការច្នៃប្រឌិត និងរចនាឡើងវិញសម្រាប់អ្នកប្រើប្រាស់នាពេលបច្ចុប្បន្ននេះ ដែលមានអារម្មណ៍ឌិតដាមជាមួយនិងទូរស័ព្ទ Nokia សម័យមុនៗ។ ទូរស័ព្ទថ្មីនេះ គឺមានទំហំតូច ហើយមានភាពប៉ិនប្រសប់ ប្រកបដោយគុណសម្បត្តិ ដែលបានមកពីការរួមបញ្ចូលគ្នានៃបច្ចេកវិទ្យា AI ថថែមទៀតផង។ យោងតាមការបញ្ជាក់ពីបណ្តាញក្រុមហ៊ុន Nokia ប្រចាំនៅកម្ពុជា បានបង្ហាញថា Nokia 2720 Flip ទូរស័ព្ទបត់ ជំនាន់ថ្មី មានរូបរាងស៊ីវីល័យ មានលក់នៅលើទីផ្សារកម្ពុជាយើងហើយ។
ទូរស័ព្ទបត់ Nokia 2720 Flip ដែលនឹងបង្ហាញខ្លួនខ្មែរយើងនៅពេលដ៏ខ្លីនេះ គឺមានការរចនាម៉ូដថ្មីដែលមានលក្ខណៈប្រហាក់ប្រហែលនឹងទូរស័ព្ទប្រភេទបត់ទូទៅ ដែលរួមបញ្ចូលគ្នានូវភាពសាមញ្ញ និងភាពជឿជាក់ តែមើលទៅគឺមានភាពទាក់ទាញ និងអាចប្រើប្រាស់បានយូរអង្វែង។ ការនាំមកនូវលក្ខណៈពិសេសថ្មីៗ ទៅកាន់អ្នកប្រើប្រាស់ Nokia 2720 Flip គឺត្រូវបានក្រុមហ៊ុន HMD Global ធ្វើការភ្ជាប់មកជាមួយនិងជាមួយប្រព័ន្ធ 4G ហើយនិងបណ្តាញសង្គម WhatsApp រួមនិង Facebook ដើម្បីផ្តល់អោយអ្នកប្រើប្រាស់ទាំងអស់ មានកាន់តែមានការជឿជាក់និងប្រាកដថា ពួកគាត់គឺភ្ជាប់ជាមួយអ្វីៗដែលសំខាន់សម្រាប់ការទំនាក់ទំនងប្រចាំថ្ងៃរបស់គាត់ជាមួយនិងមនុស្សជុំវិញពិភពលោកបានដូចជាស្មាតហ្វូនអញ្ចឹង។
ទូរស័ព្ទបត់ Nokia 2720 Flip ថ្មីនេះ ក៏មានបំពាក់មកជាមួយ Google Assistant ដូចបងៗរបស់គេផងដែរ ដោយក្នុងនោះលោកអ្នកគ្រាន់តែចុចប៊ូតុងបន្តិចប៉ុណ្ណោះ នោះលោកអ្នក និងអាចប្រើប្រាស់សម្រេចការងារបានច្រើនជាងមុនដោយប្រើសំលេង។ នៅក្នុងករណីដែលមានអាសន្នកើតឡើងភ្លាមៗនោះ ទូរស័ព្ទ Nokia 2720 Flip នេះ ក៏អាចជូនដំណឹងបានផងដែរ ពីព្រោះថា Nokia បានភ្ជាប់មកជាមួយប៊ូតុងអាសន្ន ក៏ដូចជាម៉ឺនុយសម្រាប់ក្នុងករណីបន្ទាន់នៅលើទូរស័ព្ទនេះរូចជាស្រេច។
បន្ថែមពីនេះ ទូរស័ព្ទថ្មីនេះ គឺមានថាមពលថ្មធំអាចបើកចោលបានរហូតដល់ទៅ 27 ថ្ងៃ គឺជិតឯណោះ ដូច្នេះ និយាយរួមទៅនេះ គឺជាទូរស័ព្ទល្អឥតខ្ចោះសម្រាប់អ្នកដែលអ្នកជាទីស្រលាញ់របស់អ្នក។ Nokia 2720 Flip មិនត្រឹមតែជាដៃគូរដ៏ល្អសម្រាប់ពេលអ្នកកំពុងស្វែងរកការកាត់បន្ថយការប្រើប្រាស់បច្ចេកវិជ្ជាឌីជីថលប៉ុណ្ណោះទេ ប៉ុន្តែវាអាចជាទូរស័ព្ទដ៏ល្អឥតខ្ចោះសម្រាប់ថែរក្សាមនុស្សជាទីស្រឡាញ់របស់អ្នកជាមួយនឹងតម្រូវការនៃការភ្ជាប់ទំនាក់ទំនង។