ឈានចូលមកដល់វគ្គ Live Show ពាក់កណ្តាលផ្តាច់ព្រ័ត្រ និង ផ្តាច់ព្រ័ត្រសប្តាហ៍ទីមួយ ក្រុមហ៊ុន ហង្សមាស និងម្ចាស់ឧបត្ថម្ភកម្មវិធី The Mask Singer Cambodia ផ្តាច់មុខដោយ OPPO Reno2 F បានធ្វើឲ្យអ្នកគាំទ្រក្នុងស្ទូឌីយ៉ូហង្សមាស ផ្សារទំនើប អីអនម៉ល សែនសុខស៊ីធី អ្នកទស្សនាការផ្សាយផ្ទាល់លើកញ្ចក់ទូរស្សន៍ ហង្សមាស HDTV និងទំព័រហ្វេសប៊ុកផ្លូវការ OPPO រាប់ម៉ីននាក់ រំជួលចិត្ត អួលដើមទ្រូង និយាយលែងចេញ នៅពេលបកម៉ាស បង្ហាញមុខមាត់ពិតរបស់បេក្ខជនដែលត្រូវដើរចេញពីកម្មវិធីម្តងៗ ជាពិសេសគឺតារាប្រុសស្រីល្បីៗតែម្តង។
លោក សុខ សុភាព ដែលជាទស្សនិកនិយមគំាទ្រកម្មវិធី The Mask Singer Cambodia បានឲ្យដឹងថា “ធ្វើស៊ីឡើងសាហាវតែម្តង! តាមពិតរាជនី Unicorn រូបស្រស់ គឺជាអាយដល វី ឌីណែត សោះ! ចឹងតើបានសម្លេងប្រហែលៗ”។
ទស្សនាវីដេអូ៖ https://www.facebook.com/OPPOCAMBODIA/videos/177218070355519/
ចំណែកឯ យុវតី សោម៉ា ដែលបានទស្សនាកម្មវិធី The Mask Singer Cambodia ផ្ទាល់នៅក្នុង ឌីយ៉ូហង្សមាស ផ្សារទំនើប អីអនម៉ល សែនសុខស៊ីធី កាលពីថ្ងៃទី 02 កុម្ភៈ 2020 បានបង្ហាញអារម្មណ៍ពិតថា “នាងខ្ញុំស្រឡាំងកាំងតែម្តងនៅពេលដែលឃើញផ្ទាល់ភ្នែកថាអ្នកចម្រៀងកំបាំងមុខសេះប្រយុទ្ធគឺជា អាយដល ឃី សុឃុន។ ខ្ញុំចូលចិត្តកម្មវិធី The Mask Singer Cambodia នេះព្រោះទាំងគណៈកម្មការ ពិធីករ និង បេក្ខជនចូលប្រឡង សុទ្ធតែពូកែកំប្លែង ហើយធ្វើឲ្យយើងជាអ្នកទស្សនាមានអារម្មណ៍សប្បាយរីករាយ និងពេលខ្លះសើចឡើងចង់ចុកពោះតែម្តង”។
ទស្សនាវីដេអូ៖ https://www.facebook.com/OPPOCAMBODIA/videos/614530132706033/
ពីមួយសប្តាហ៍ទៅមួយសប្តាហ៍ ក៏ដូចជាពីមួយវគ្គទៅមួយវគ្គកាន់តែមានភាពខុសប្លែក និងចម្លែកភ្នែកសម្រាប់អ្នកគាំទ្រជានិច្ច ហើយក៏មានបេក្ខជន បេក្ខនារីជាច្រើននាក់បានបកម៉ាស បង្ហាញមុខមាត់ពិតរបស់ខ្លួនរួចរាល់ផងដែរ ក្រោយទទួលបានសម្លេងផ្ញើសារតិចពីទស្សនិកជន។ អ្វីដែលកាន់តែភ្ញាក់ផ្អើលខ្លាំងនោះគឺ ការបើកមុខ បេក្ខជន និង អាយដល សរុបា 8រូប រួមមាន ពូល A មាន លោកនួន សុធារក្ស និងបេក្ខនារី ប៊ូ ស្ពាប៊ាន ពូល B មាន កញ្ញា វី ឌីណែត និងលោក សាដា ពូល C មាន លោក ឃី សុឃុន និង លោក ង៉ូត សិលា និង ពូល D ដែលមាន លោក វណ្ណ ផល្លី និង កញ្ញា កែវ សុបញ្ញា។
សម្រាប់ Live Show វគ្គផ្តាច់ព្រ័ត្រ សប្តាហ៍ទីមួយ ដែលនឹងត្រូវថ្ងៃអាទិត្យ ទី 16 កុម្ភៈ 2020 កាលពីយប់មិញ បេក្ខជនអ្នកចម្រៀងកំបំាងមុខពូលA ដែលអាចបន្តដណ្តើមយកតំណែងជើងឯកចុងក្រោយនៅក្នុងកម្មវិធី The Mask Singer Cambodia គឺ កំពូលអ្នកគិត ខណៈឥន្ទ្រីស្ទាវត្រូវបានចាកចេញពីកម្មវិធីនោះមានពិតឈ្មោះពិត ឈុន បាលូ ជា អតីតបេក្ខជន X Factor Cambodia ដូច្នេះកុំភ្លេចតាមដានទស្សនាបន្ត ហើយសាកទាយលមើល៍ថាតើតារានៅក្នុងដួងចិត្តលោកអ្នកនឹងត្រូវបកម៉ាសបង្ហាញមុខមាត់ពិត រួចដើរចេញពីកម្មវិធី The Mask Singer Cambodia បន្ទាប់ទៀត?
សូមរំលឹកថា កម្មវិធីប្រឡងចម្រៀងបែប Digital ដោយពាក់របាំងមុខ “The Mask Singer Cambodia” ដែលឧបត្ថម្ភផ្តាច់មុខដោយក្រុមហ៊ុនទូរស័ព្ទ OPPO (OPPO Reno2, OPPO Reno2 F កាមេរ៉ា 4 Zoom ទៅកាន់ក្តីស្រមៃ) គឺតម្រូវឲ្យបេក្ខជនទាំងអស់ធ្វើការបិតរបាំងមុខ ទៅតាមស្ទីលរបស់ពួកគេរៀងៗខ្លួន និង ធ្វើការបង្ហាញសមត្ថភាពពិត សម្លេងពិតរបស់ពួកគេនៅលើឆាកតន្រ្តីដ៏ធំសម្បើមខ្នាតអន្តរជាតិ។ ចំពោះជ័យលាភីដែលឈ្នះចុងក្រោយបំផុត នឹងទទួលបានទឹកប្រាក់សុទ្ធ 100,000,000រៀល (មួយរយលានរៀល) ស្មើនឹងប្រមាណជា 2 ម៉ឺន 5ពាន់ដុល្លារអាមេរិក។
ទស្សនាវីដេអូ៖ https://www.facebook.com/TheMaskSingerCambodia/videos/185066666161355/
