Huawei ត្រៀមដាក់សម្ពោធនូវផលិតផលជាច្រើនដែលរាប់បញ្ចូលទាំង ស្មាតហ្វូន ថេប្លេត និង នាឡិកាឆ្លាតវៃ នៅក្នុងតំបន់អាស៊ីប៉ាស៊ីហ្វិកនាពេលឆាប់ៗខាងមុខនេះ

សាជីវកម្មអតិថិជនរបស់ក្រុមហ៊ុនហួវៃប្រចាំតំបន់អាស៊ីប៉ាស៊ីហ្វិក បានប្រកាសតាមរយៈគណនីបណ្តាញសង្គមផ្លូវការរបស់ខ្លួនថា ក្រុមហ៊ុននឹងរៀបចំកម្មវិធីសម្ពោធផលិតផលរដូវក្តៅនៅក្នុងតំបន់អាស៊ីប៉ាស៊ីហ្វិក នាថ្ងៃទី 06 កក្កដា ខាងមុខនេះ។  បន្ទាប់ពីពាក់កណ្តាលឆ្នាំនេះ ក្រុមហ៊ុន Huawei នឹងរៀបចំព្រឹត្តិការណ៍បើកសម្ពោធផលិតផលនៅតំបន់អាស៊ីប៉ាស៊ីហ្វិក ដោយត្រៀមបង្ហាញនូវផលិតផលថ្មីៗជាច្រើនរួមមានស្មាតហ្វូន ថេប្លេត និងនាឡិកាវៃឆ្លាត -ល-។  ដូចបានជ្រាបស្រាប់ពីសេចក្តីប្រកាសផ្លូវការដែលចេញផ្សាយដោយ សាជីវកម្មអតិថិជនរបស់ក្រុមហ៊ុន Huawei ក្នុងការត្រៀមរៀបចំព្រឹត្តិការណ៍សម្ពោធផលិតផលថ្នាក់ខ្ពស់ថ្មីៗចំនួន 06 ប្រភេទ នារដូវក្តៅ នៅតំបន់អាស៊ីប៉ាស៊ីហ្វិកនៅថ្ងៃទី 06 កក្កដាខាងមុខនេះ សបញ្ជាក់ឲ្យឃើញថា ក្រុមហ៊ុន Huawei នឹងបន្តបើកដំណើរការផលិតផលលេចធ្លោនៅក្នុង បណ្តាប្រទេសនៅតំបន់អាស៊ីប៉ាស៊ីហ្វិក ។

យោងតាមប្រភពអ្នកដែលនៅក្នុងឧស្សាហកម្មនេះបានឲ្យដឹងថា ក្រុមហ៊ុន Huawei ទំនងជានឹងនាំយកនូវឧបករណ៍ឆ្លាតវៃ ដូចជា ស្មាតហ្វូន ថេប្លេត នាឡិកាឆ្លាតវៃ កាស និង Monitor ដែលទើបតែត្រូវបានប្រកាសនៅក្នុងព្រឹត្តិការណ៍សម្ពោធជាសកលរបស់ HarmonyOS ទៅកាន់ទីផ្សារអាស៊ីប៉ាស៊ីហ្វិក។ កាលពីថ្ងៃទី 02 ខែមិថុនាកន្លងទៅនេះ ក្រុមហ៊ុន Huawei បានរៀបចំព្រឹត្តិការណ៍ដាក់សម្ពោធតាមអនឡាញជាសកល ដោយបានបញ្ចេញនូវ ផលិតផលថ្មី ប្រព័ន្ធប្រតិបត្តិការ HarmonyOS 2 ព្រមទាំងបង្ហាញនូវវត្តមានផលិតផលឆ្លាតវៃ HUAWEI Mate 40 ស៊េរី, HUAWEI Watch 3 ស៊េរី, HUAWEI MatePad Pro, ស្មាតហ្វូន នាឡិកាដៃ ថេប្លេត, HUAWEI FreeBuds 4, Monitor ថ្នាក់ខ្ពស់ពីរគឺ HUAWEI MateView និង MateView GT  ព្រមទាំង ស្មាតហ្វូនស៊េរីថ្មី HUAWEI P50 ផងដែរ។

ក្នុងចំណោមផលិតផលនៅក្នុងកម្មវិធីសម្ពោធជាលក្ខណៈអន្តរជាតិ HarmonyOS 2 នាឡិកាឆ្លាតវៃ HUAWEI Watch 3 និង HUAWEI MatePad Pro គឺជាផលិតផលថ្មីចំនួនពីរដែលដំណើរការដោយ HarmonyOS ។ ជាមួយនឹងការគ្រប់គ្រងទិន្នន័យបែងចែក និងបែងចែកកាលវិភាគការងាររបស់ប្រព័ន្ធប្រតិបត្តិការ HarmonyOS នាឡិកាឆ្លាតវៃ HUAWEI Watch 3 និង កូនកាត់កុំព្យូទ័រ HUAWEI MatePad Pro អាចធ្វើការជាមួយឧបករណ៍វៃឆ្លាតដទៃទៀតដូចជាទូរស័ព្ទចល័ត ពោលគឺ ផលិតភាពនិងភាពច្នៃប្រឌិតទ្វេរដង។ ឧទាហរណ៍ កូនកាត់កុំព្យូទ័រ HUAWEI MatePad Pro អាចធ្វើការជាមួយកុំព្យូទ័រ PC ហួវៃ, និង HUAWEI MateViews តាមរយៈ multi-screen collaboration។  ក្នុងមុខងារ “mirroring និងមុខងារ expansion  កូនកាត់កុំព្យូទ័រ HUAWEI MatePad Pro អាចត្រូវបានប្រើប្រាស់ជាក្តារគូរនិងបង្ហាញ។  វាក៏ទ្រទ្រង់ដល់ការអូសឯកសារឆ្លងកាត់ឧបករណ៍នានាដោយនាំមកនូវបទពិសោធន៍នៃការសហការកាន់តែមានប្រសិទ្ធភាព។ 

ចាប់តាំងពីឆ្នាំ 2018 មក ក្រុមហ៊ុន Huawei បានចាប់យក Seamless AI Life ជា យុទ្ធសាស្រ្តស្នូលរបស់ខ្លួន ដោយសង្ឃឹមថានឹងជួយបើកឲ្យ ឧបករណ៍ប្រភេទផ្សេងៗគ្នា ចែករំលែកសមត្ថភាពនិងព័ត៌មាន ដោយរលូន តាមរយៈការផ្តល់ជូនអ្នកប្រើប្រាស់ នូវបទពិសោធន៍ឆ្លាតវៃឆ្លងកាត់សេណារីយ៉ូសំខាន់ៗចំនួន 5 គឺការិយាល័យឆ្លាតវៃ, កីឡា & សុខភាព, និងគេហដ្ឋានឆ្លាតវៃ, ការធ្វើដំណើរងាយស្រួល និង ការកម្សាន្ត។ ក្រៅពីនាំយកផលិតផលថ្មីៗមួយចំនួនទៅកាន់តំបន់អាស៊ីប៉ាស៊ីហ្វិក ក្រុមហ៊ុន Huawei ក៏អាចប្រកាសពីយុទ្ធសាស្ត្រថ្មីរបស់ខ្លួននៅក្នុងតំបន់អាស៊ីប៉ាស៊ីហ្វិកផងដែរ។ តើយុទ្ធសាស្ត្រនិងផលិតផលអ្វីខ្លះដែលក្រុមហ៊ុន Huawei នឹងត្រូវលាតត្រដាងបង្ហាញ មានតែរងចាំដានតាមទាំងអស់គ្នានៅថ្ងៃទី 06 កក្កដា ឆាប់ៗខាងមុននេះ។