យោងតាមការស្រាវជ្រាវចុងក្រោយពី Counterpoint Research Market Monitor Q1 2020 បានអោយដឹងថា realme បានឈរនៅចំណាត់ថ្នាក់លេខ 4 នៅប្រទេសកម្ពុជាជាមួយនឹងការកើនឡើងចំនួន 252% ប្រៀបធៀបនឹងកាលពីឆ្នាំមុន និងឈរនៅចំណាត់ថ្នាក់លេខ 5 នៅតំបន់អាស៊ីអាគ្នេយ៍ជាមួយនឹងការកើនឡើងចំនួន 173% ប្រៀបបធៀបនឹងកាលពីឆ្នាំមុន ដែលជាម៉ាកស្មាតហ្វូនមានការរីកចម្រើនលឿនបំផុតនៅក្នុងតំបន់។
នៅឆ្នាំ 2020 គិតត្រឹមត្រីមាសទី 1 ជាមួយនឹងការប៉ះពាល់ពីជំងឺរាតត្បាតកូវីដ 19 ការនាំចេញស្មាតហ្វូនទៅក្រៅប្រទេសបានធ្លាក់ចុះ 11% បើធៀបជាមួយនឹងត្រីមាសទី 1 ក្នុងឆ្នាំ 2019។ ផ្ទុយទៅវិញrealmeគឺជាម៉ាកមួយក្នុងចំណោមម៉ាកធំៗ ដែលសម្រេចបាននៅកំណើនលក់របស់ខ្លួន។ យោងតាមការស្រាវជ្រាវបានបង្ហាញថាrealmeនៅប្រទេសថៃ និងប្រទេសកម្ពុជាស្ថិតនៅលំដាប់កំពូលទី 4 ដោយមានអត្រាកំណើនចំនួន 116% និង 252% បើប្រៀបធៀបនឹងកាលពីឆ្នាំមុន។ ប្រទេសឥណ្ឌូនេស៊ី (កំណើនចំនួន 105% ប្រៀបធៀបនឹងឆ្នាំមុន) ហ្វីលីពីន (កំណើនចំនួន 1800% ប្រៀបធៀបនឹងឆ្នាំមុន) វៀតណាម (កំណើនចំនួន 92% ប្រៀបធៀបនឹងឆ្នាំមុន) និងមីយ៉ាន់ម៉ា (កំណើនចំនួន 350% ប្រៀបធៀបនឹងឆ្នាំមុន) ជាប់ចំណាត់ថ្នាក់កំពូលទី៥ ។
នៅទូទាំងពិភពលោកគិតត្រីមាសទី 1 ឆ្នាំ 2020 realme បានសំរេចនូវការរីកចម្រើនរបស់ខ្លួន រហូតទទួលបានចំណាត់ថ្នាក់លេខ 7 ដោយនៅតែរក្សាបាននូវយីហោស្មាតហ្វូនដែលរីកលូតលាស់លឿនបំផុតជាមួយអ្នកប្រើប្រាស់ ចំនួន 35 លាននាក់នៅទូទាំងពិភពលោក។ realme បានចូលទៅទីផ្សារចំនួន 27 ប្រទេស និងតំបន់។
ឥរិយាបទនៃការកំណត់ទិសដៅរបស់ម៉ាកយីហោនិងគំនិតទីផ្សារបែបច្នៃប្រឌិត
ក្រោយពី C2 បានចូលមកក្នុងទីផ្សារប្រទេសកម្ពុជាមកrealmeបានបញ្ចេញនូវស្មាតហ្វូនកាមេរ៉ា 4 គ្រាប់ជាបន្តបន្ទាប់គឺ realme 5 និងrealme 5Pro, ស្មាតហ្វូនកំរិតថវិកា C3 និង 6i ដែលជាស្មាតហ្វូនសាកសមសម្រាប់លេងហ្គេមនិងរចនាឡើងសម្រាប់យុវវ័យ រួមទាំង realme 6 និង 6Pro ដែលមានអេក្រង់ 90Hz និងមានគ្រឿងបំពាក់ស្ទើរតែដូចនឹងទូរស័ព្ទ Flagship សម្រាប់បំពេញនូវតម្រូវការរបស់អ្នកទាំងអស់គ្នា។ ទោះបីជាផ្តល់នូវផលិតផលបច្ចេកវិទ្យាទាន់សម័យដល់ទីផ្សារកម្ពុជាក៏ដោយ ក៏realmeបានព្យាយាមរកវិធីជាច្រើនដើម្បីបង្ហាញពីមហិច្ឆិតានៃការក្លាយជាម៉ាកដែលយល់ច្បាស់ពីយុវវ័យបំផុត។
ច្បាស់ណាស់មកទល់ពេលនេះយើងអាចមើលឃើញrealmeនៅក្នុងប្រទេសកម្ពុជាបានយកតារាល្បីឈ្មោះលោកG-devith មកធ្វើជាBA និងបានសហការជាមួយហ្គេមដែលកំពុងពេញនិយមក្នុងសង្គមយុវវ័យMLBB ហើយសព្វថ្ងៃនេះយើងអាចមើលឃើញrealmeកំពុងតែនាំមកនូវការប្រកួតហ្គេមស៊េរីថ្មីមួយទៀតដល់យុវជន៖ ការប្រកួតMLBB និងការប្រកួតPUBG ។ សកម្មភាពទាំងអស់នេះមានគោលបំណងចង់ជ្រួតជ្រាបចូលទៅក្នុងទីផ្សារយុវវ័យឱ្យកាន់តែស៊ីជម្រៅ។ នេះអាចជាមូលហេតុមួយដែលrealmeអាចរីកលូតលាស់យ៉ាងឆាប់រហ័សបែបនេះ នៅក្នុងទីផ្សារប្រទេសកម្ពុជា។
ទោះបីជាមានផលប៉ះពាល់អវិជ្ជមានលើទីផ្សារស្មាតហ្វូនទូទាំងពិភពលោកក្នុងត្រីមាសទី 1 ឆ្នាំ 2020 ក៏ដោយ ក៏ realmeកំពុងតែមានការរីកចម្រើនគួរឱ្យកត់សម្គាល់នៅក្នុងតំបន់អាស៊ីដោយបង្ហាញពី “ល្បឿនរីកលូតលាស់លឿនបំផុត” ជាមួយនឹងអត្រាកំណើនដែលប្រៀបធៀបទៅនឹងកាលពីឆ្នាំមុននៅក្នុងទីផ្សារសំខាន់ៗ។ចាំមើលថាយុទ្ធសាស្ត្រអ្វីដែលrealmeអាចនឹងប្រើនៅជំហានបន្ទាប់ ដើម្បីពង្រឹងជំហររបស់ខ្លួន។