កាលពីថ្ងៃទី 30 ខែមេសាកន្លងទៅនេះ ក្រុមហ៊ុន MSI បានធ្វើអោយមានការភ្ញាក់ផ្អើលជាមួយនឹងការបង្ហាញនូវក្រាហ្វិកកាត 7nm ដំបូងបំផុតរបស់ពិភពលោក ដែលបានប្រកាសកាលពីឆ្នាំមុនជាមួយនឹងម៉ូឌែលថ្មី Alpha 15 ដែលមិនត្រឹមតែមានបច្ចេកវិទ្យាជាច្រើនដ៏អស្ចារ្យនោះទេ ប៉ុន្តែម៉ាស៊ីននេះ ក៏មានការប្រើប្រាស់ជាមួយនឹងបន្ទះឈីប Ryzen™ mobile processors និងក្រាហ្វិកកាត Radeon™ GPU ផងដែរ ដែលបានផ្តល់នូវល្បឿនខ្លាំងក្លាក្នុងការលេងហ្គេមមែនទែន។
បន្ទាប់ពីបានទទួលបាននូវភាពជោគជ័យ និងមហិច្ឆិតាបែបនេះ ក្រុមហ៊ុន MSI ក៏បានប្រកាសបង្ហាញនូវម៉ូឌែល Bravo 15/17 ស៊េរីថ្មីក្នុងការពង្រឹងទៅលើទីផ្សារកុំព្យូទ័រយួរដៃ AMD របស់ខ្លួនកាន់តែខ្លាំងជាងមុន។ កុំព្យូទ័រ Bravo 15/17 នេះ ប្រើប្រាស់នូវឡូហ្គោ Thunderbird logo ដែលជានិម្មិត្តសញ្ញានសភាពលេចធ្លោរ និងរុងរឿងនៃម៉ាកយីហោផលិតផលនេះ។
ម៉ាស៊ីនកុំព្យូទ័រយួដៃនេះ គឺប្រើប្រាស់នូវបន្ទះឈីបចុងក្រោយបំផុតនោះគឺ AMD Ryzen™ 4000 H-Series Mobile Processors ដែលដំណើរការនូវបច្ចេកវិទ្យា 7nm និងរចនាសម្ព័ន្ធនៃ “Zen 2” ដែលមានការពង្រឹងទៅលើប្រសិទ្ធិភាពច្រើនជាងម៉ូឌែលជំនាន់មុន និងក្រាហ្វិកកាត AMD Radeon™ RX 5500M GPUs ដែលផ្តល់នូវកម្លាំងខ្លាំងក្លាអស្ចារ្យបំផុតនៅក្នុងការលេងហ្គេមនៅកម្រិត 1080p នោះ។
កុំព្យូទ័រម៉ូឌែល Bravo series នេះ គឺមានការប្រើប្រាស់នូវបច្ចេកវិទ្យា 120Hz AMD FreeSync™ Premium technology សម្រាប់ជួយអោយអ្នកលេងហ្គេមជាច្រើនជាមួយនឹងភាពរលូនក្នុងការលេងហ្គេមយ៉ាងសម្បូរបែប។ នេះគឺជាជម្រើសល្អបំផុតសម្រាប់កុំព្យូទ័រលេងហ្គេមថ្នាក់កណ្តាលនោះ។
សម្រាប់បច្ចេកវិទ្យាផ្តាច់មុខ Cooler Boost 5 technology នេះនាំយកនូវដំណោះស្រាយដែលប្រកបដោយភាពច្នៃប្រឌិតជាមួយនឹងកង្ហារចំនួន 2 និងរន្ធបំភាយកំដៅដល់ទៅ ៦ ដើម្បីធ្វើអោយមានលំហូរខ្យល់ល្អបំផុតក្នុងការប្រើប្រាស់នោះ។ កម្មវិធី Software នេះគឺមានការប្រើប្រាស់នូវ Dragon Center ចុងក្រោយបំផុតនៅក្នុងឆ្នាំ 2020 នេះ សម្រាប់ការគ្រប់គ្រងនៅក្នុង Gaming Mode 2.0 និងកម្មវិធី MSI APP Player សម្រាប់ការលេងហ្គេមកាន់តែអស្ចារ្យជាងមុនថែមទៀតផង។
កុំព្យូទ័រលេងហ្គេមថ្នាក់កណ្តាល Bravo 15/17 នេះគឺផ្តល់នូវបទពិសោធន៍នៃការលេងហ្គេមដ៏អស្ចារ្យ ហើយវាមានតម្លៃល្អក្នុងការប្រើប្រាស់ថែមទៀត។ សម្រាប់ MSI Bravo និង Alpha series នេះមានសមត្ថភាពខ្លាំងក្នុងការប្រើប្រាស់ និងអស្ចារ្យបំផុតសម្រាប់អ្នកលេងហ្គេមជាច្រើនថែមទៀតផង។
គួរបញ្ជាក់ថា នៅក្នុងនាមជាក្រុមហ៊ុនឧស្សាហកម្មចំណាត់ថ្នាក់លេខ 1 នៅក្នុងផ្នែកហ្គេម ក្រុមហ៊ុននេះ តែងតែនាំមកនូវអ្វីៗដែលថ្មីៗ និងទំនើបៗជានិច្ចសម្រាប់អ្នកប្រើប្រាស់តាមតំបន់ ហើយការមកដល់ទីផ្សារកម្ពុជានៅពេលនេះក្រុមហ៊ុន MSI បាននាំមកនូវ កុំព្យូទ័រ Bravo 15 ជាមួយនឹងលក្ខណៈសម្បិត្ត និងម្លៃ ដូចខាងក្រោមនេះ៖
MSI BRAVO 15 ដែលបំពាក់នូវបន្ទះឈីប Ryzen™ Mobile Processors 4000 H Series នឹងមកដល់ទីផ្សារកម្ពុជា ចុងខែហើយ
https://www.msi.com/service/wheretobuy/#105,3
