យោងតាមការបញ្ជាក់នៅថ្ងៃទី 10 ខែកក្កដា ឆ្នាំ 2020 នេះ បានអោយដឹងថា ក្រុមហ៊ុន សាមសុង បានប្រកាសជាផ្លូវការជាសកលថា ខ្លួននឹងមានការរៀបចំមហាព្រឹត្តិការណ៍ Galaxy Unpacked របស់ខ្លួនហើយ ដែលនឹងប្រព្រឹត្តទៅនៅថ្ងៃទី 05 ខែសីហា ឆ្នាំ 2020 វេលាម៉ោង 9 យប់ ម៉ោងនៅក្នុងព្រះរាជាណាចក្រកម្ពុជាយើង! សូមបញ្ជាក់ផងដែរថា នៅក្នុងមហាព្រឹត្តិការណ៍ដ៏អស្ចារ្យនោះក្រុមហ៊ុន សាមសុង នឹងធ្វើការដាក់បង្ហាញនូវមហាអំណាចស្មាតហ្វូនដែលមានតែមួយគ្មានពីរប្រចាំឆ្នាំ 2020 របស់ខ្លួនជាផ្លូវការលើកដំបូង។

បើតាម យូធូប ឆានែល និងគេហទំព័រផ្លូវការរបស់ក្រុមហ៊ុន សាមសុង ក៏បានបង្ហាញចេញនូវវីដេអូ Teaser ដោយមានរាងជាប៊ិកហើយរំលេចចេញនូវតំណក់ទឹកធ្លាក់ពណ៌មាសដ៏ទាក់ទាញបំផុតដើម្បីជាការអញ្ជើញអ្នកនិយមប្រើប្រាស់កំពូលស្មាតហ្វូនក៏ដូចជាផលិតផល សាមសុង ទូទាំងពិភពលោកឱ្យមកតាមដានព័ត៌មានលម្អិតបន្ថែមក្នុងព្រឹត្តិការណ៍សម្ពោធទៅតាមពេលវេលាកំណត់ខាងលើនេះ។ គួររំឮកផងដែរថាក្នុងព្រឹត្តិការណ៍ដ៏កក្រើក និងជាទីមោទនបំផុតនោះក្រុមហ៊ុន សាមសុង ក៏ត្រូវបានគេរំពឹងទុកថានឹងមានដាក់សម្ពោធផលិតផលជាច្រើនបន្ថែមទៀតក្រៅពីមហាអំណាចស្មាតហ្វូនរបស់ខ្លួនដែលក្នុងនោះមានដូចជា៖ Galaxy fold 2, Galaxy Watch 3, Bud live, និង Galaxy Tab S7 Series ផងដែរ។

ដូច្នេះសូមអ្នកគាំទ្ររង់ចាំមើលទាំងអស់គ្នាថាតើក្រុមហ៊ុនបច្ចេកវិទ្យាយក្ស សាមសុង ដែលឈានមុខគេក្នុងលោកនឹងមានអ្វីប្លែកអស្ចារ្យ និងទំនើបបំផុតក្នុងការផ្លាស់ប្តូរនៃការអភិវឌ្ឍន៍បច្ចេកវិទ្យានៃកំពូលស្មាតដែលពុំធ្លាប់មានសម្រាប់អនាគត (Change the shape of the future) តាមរយៈបណ្តាញសង្គមដូចខាងក្រោមនេះ៖

គេហទំព័រផ្លូវការរបស់ក្រុមហ៊ុន សាមសុង ៖www.samsung.com

ទំព័រហ្វេសប៊ុកផ្លូវការរបស់ក្រុមហ៊ុន សាមសុង ៖ www.facebook.com/SamsungCambodia

សូមកុំភ្លេចរង់ចាំទស្សនាទាំងអស់គ្នាថាតើមានអ្វីដែលអស្ចារ្យ ប្លែក ឡូយខ្លះ!