no-alternative title
no-alternative title
no-alternative title
no-alternative title
no-alternative title
no-alternative title

OPPO Reno 4 បានបង្ហាញខ្លួនជាលើកដំបូងនៅផ្សារទំនើបអ៊ីអនជាមួយនឹងវត្តមានតារាតំណាងរបស់ខ្លួន ហើយនិងអ្នកសារព័ត៌មានល្បីជាច្រើនរូប

នៅថ្ងៃនេះ OPPO Reno 4 ដែលជាស្មាតហ្វូនជំនាន់ថ្មី បានបង្ហាញខ្លួនជាលើកដំបូងនៅផ្សារទំនើបអ៊ីអនជាមួយនឹងវត្តមានតារាតំណាងរបស់ខ្លួន គឺលោក Step និងកញ្ញា រ៉េត ស៊ូហ្សាណា ហើយនិងលោក ជា វណ្ណារិទ្ធិ រួមនឹងអ្នកសារព័ត៌មានល្បីៗជាច្រើនរូប។ 

 

no-alternative title

ស្មាតហ្វូន Reno 4 គឺជាជំនាន់ថ្មីចុងក្រោយមួយទៀតក្នុងស្រឡាយ Reno របស់ក្រុមហ៊ុន OPPO ដែលមានផ្ទៃមុខក្រោយរាបស្មើមិនកោងគែមសងខាងដូចស្មាតហ្វូនស៊េរីថ្មីៗម៉ូដែលផ្សេងទៀតឡើយ។ Reno 4 មានកម្រាស់ស្តើងត្រឹមតែ 7.7mm និងទំងន់ 165 ក្រាម។

ផ្ទៃមុខរបស់ OPPO Reno 4 ត្រូវបានក្រាលដោយកញ្ចក់មានលែនទំលុះអេក្រង់ពីរគ្រាប់ស្ថិតនៅជិតគែមកែងខាងឆ្វេងផ្នែកខាងលើ។ ដោយបន្ទះអេក្រង់នេះជាប្រភេទបន្ទះបង្ហាញ AMOLED ទំហំ 6.4 អ៊ីង មានខ្នាតប្រវែង 20:9 ratio ទ្រទ្រង់ការបង្ហាញចេញកម្រិត Full-HD+ ទំហំ 1080x2400 ភិចសែល។ 

សម្រាប់គុណភាពនៃការបង្ហាញចេញនៅលើផ្ទៃអេក្រង់របស់ Reno 4 គឺបានច្បាស់ស្រទន់ត្រជាក់ភ្នែកដោយការពណ៌ចាក់ចេញពីអេក្រង់គឺបានច្បាស់ដិតស្រស់បែបធម្មជាតិ ជាមួយកម្រិតពន្លឺជះចេញបានភ្លឺច្បាស់ល្អមិនស្រអាប់ ចំនែកឯការប្រើប្រាស់នៅក្រោមពន្លឺថ្ងៃខ្លាំងក៏មិនមានអ្វីចោទជាបញ្ហានោះដែរគឺយើងនូវតែអាចមើលឃើញបានច្បាស់ល្អ។ បន្ថែមពីនេះកញ្ចក់អេក្រង់របស់វាត្រូវបានក្រាលការពារពីលើដោយកញ្ចក់ Corning Gorilla Class 3 ដែលមានភាពធន់រឹងមាំមិនងាយឆ្កូតផ្តល់អោយការប្រើប្រាស់កាន់តែមានទំនុកចិត្តខ្ពស់។

OPPO Reno 4 កើតមកជាមួយបន្ទះឈីប Snapdragon 720G ប្រើអង្គគណនាកម្រិត 8-core។ ល្បឿនរត់របស់អង្គគណនារបស់ Reno 4 ត្រូវបានទ្រទ្រង់ដោយរ៉េមទំហំ 8GB និងមានអង្គផ្ទុកទិន្នន័យស្រាប់ក្នុងម៉ាស៊ីនទំហំ 128GB និងអាចបន្ថែមមេម៉ូរីខាងក្រៅបានផងដែរ។ សម្រាប់សមត្ថភាពម៉ាស៊ីនរបស់វាប៉ុណ្ណឹង គឺគ្មានអ្វីចោលជាបញ្ហានោះទេសម្រាប់ការប្រើប្រាស់លើមុខងារទូទៅ រួមទាំងការលេងហ្គេមដែលមានកម្រិតក្រាហ្វិចខ្ពស់ដូចជា PUBG Mobile, Asphalt 9, Mobile Legend ឬ Rules of Survival គឺលេងបានរលូនក្នុងកម្រិតក្រាហ្វិចខ្ពស់ថែមទៀតផង។

 ជាមួយនឹងប្រព័ន្ធប្រតិបត្តិការ Android 10 និងស្បែកមុខកម្មវិធី ColorOS7.2 ដែលជាកំនែប្រែថ្មីចុងក្រោយក៏ជួយធ្វើអោយកំលាំងម៉ាស៊ីនរបស់រត់បានធូរមួយកម្រិតផងដែរ។ បន្ថែមពីនេះ វាក៏មានភ្ជាប់មកជាមួយនឹងមុខងារប្រើប្រាស់ដ៏សម្បូរបែប ក៏ដូចជាមានផ្ទៃអ៊ីនធ័រហ្វេសកម្មវិធីថ្មីស្រស់ស្អាតផ្តល់នូវភាពងាយស្រួលដល់ការប្រើប្រាស់។

ទៅលើប្រព័ន្ធសុវត្ថិភាពវិញ OPPO Reno 4 ប្រើប្រាស់បច្ចេកវិទ្យាស្កែនក្រយ៉ៅម្រាមដៃលើអេក្រង់ផ្ទាល់តែម្តងដែលពិតជាទំនើបសម្រាប់ការប្រើប្រាស់ពិតមែនទែន។ ស្មាតហ្វូនជំនាន់ថ្មីនេះ គឺមានថ្មទំហំ 4,015mAh ដែលមានការទ្រទ្រង់នូវមុខងារសាកថ្ម ល្បឿនលឿនកំលាំងដល់ទៅ 30W ជាមួយបច្ចេកវិទ្យាសាកកម្រិត VOOC 4.0។

 

OPPO Reno 4 មានកាមេរ៉ាខាងក្រោយចំននួន 4 គ្រាប់ ដែលប្រើលែនទំហំប៉ិនគ្នា ដែលលែនគោលគឺប្រើប្រាស់សែនស័រកាមេរ៉ា ដែលមានទំហំ 48MP ដែលអាចផលិតចេញនូវរូបភាពច្បាស់ និងមានគុណភាពខ្ពស់ និងលែនទីពីរ គឺឡែនទូលាយ ឬ ហៅថា Ultra Wide ប្រើកាមេរ៉ាទំហំ 8MP អាចថតបានក្នុងកម្រិត 119 ដឺក្រេ។ ចំនែកឯគ្រាប់ទីបីគឺមានទំហំ 2MP ដែលជាឡែន Macro 4cm ដែលជាជំនួយនៅក្នុងការថតរូបបែប Portrait បានកាន់តែអស្ចារ្យ។ សម្រាប់កាមេរ៉ាគ្រាប់ទី 4 ក៏មានទំហំ 2MP ដូចគ្នា។ 

ចំពោះការផលិតរូបភាពចេញពីកាមេរ៉ារបស់ Reno 4 គឺបានច្បាស់ស្អាតគ្រប់ប្លង់ទោះ បីជាការថតរូបនៅទីតាំងខ្សោយពន្លឺក៏ដោយក៏លទ្ធផលរូបអោយចេញមកបានច្បាស់ល្អអាចទទួលយកបាន ហើយសម្រាប់ថតរូបនៅពេលយប់គឺមានមុខងារ Night Mode សម្រាប់ជួយសម្រួលអោយផ្ទៃប្លង់ជះពន្លឺបានច្បាស់គួរជាទីពេញចិត្ត។

បើមើលទៅលើការផលិតសាច់វីដេអូវិញ គឺវាអាចធ្វើបានដល់កម្រិត 4K ល្បឿន 30fps និងកម្រិត 1080px ក្នុងល្បឿន 60fps ដែលមានការទ្រទ្រង់ជាមួយនិងបច្ចេកវិទ្យា gyro-EIS ដែលផលិតចេញនូសាច់វីដេអូបានយ៉ាងស្មូត។ ជាមួយគ្នានេះវាក៏មានលទ្ធភាពអាចផលិតសាច់វីដេអូ Slow-Motion បានដល់កម្រិត 1080px ល្បឿន 120fps និងកម្រិត 720px ល្បឿន 960fps ថែមទៀតផង។

Reno 4 មានមេរ៉ាមុខភ្លោះ ដែលប្រើប្រាស់សែនស័រសម្រាប់ផលិតរូបភាព គោលទំហំ 32MP ដែលថតរូបបានទូលាយល្អ ហើយវាក៏បំពាក់មុខងារទប់លំនឹង Ultra Steady Video មកស្រាប់ផងដែរ, ចំណែកមួយគ្រាប់ទៀត គឺជា AI-enhance Smart Sensor ដែលប្រើលើការការពារការសម្ងាត់, ការបញ្ជាតាមកាយវិការ, មុខងារ Smart Rotate និងការរក្សាពន្លឺអេក្រង់ក្នុងពេលកំពុងមើល។

កាមេរ៉ាមុខនេះ គឺមានទ្រទ្រង់នូវមុខងារ HDR សម្រាប់ជាជំនួយពន្លឺបន្ថែមក្នុងការថតរូប និងអាចផលិតសាច់វីដេអូបានក្នុងកម្រិត 1080px ល្បឿន 30fps ជាមួយមុខងារទប់លំនឹង gyro-EIS រួមនឹងមុខងារសម្រាប់កំនត់ក្នុងការថតរូប និងវីដេអូដ៏សម្បូរបែបតម្រូវបានតាមការចង់បានរបស់យើង។ ហើយវាក៏មានតួនាទីក្នុងការស្កែនផ្ទៃមុខដោះសោរជំនួយអោយការស្កែនក្រយ៉ៅម្រាមដៃលើអេក្រង់ផងដែរជាមួយល្បឿនសំគាល់បានលឿនរហ័ស និងស្កែនដោយមិនចាំបាច់ដាស់ពន្លឺអេក្រង់ជាមុនទៀតផង។

សូមទស្សនាវីដេអូខាងក្រោម៖


សូមជំរាបផងដែរ សម្រាប់ការបង្ហាញវត្តមាននៅថ្ងៃនេះ ក្រុមហ៊ុន OPPO ប្រចាំនៅកម្ពុជា ក៏បានប្រកាសដាក់អោយធ្វើការ Blind Order ចាប់ពីថ្ងៃនេះផងដែរ ដូច្នេះ អតិថិជនទាំងអស់ អាចធ្វើការកក់ទុកជាមុនបាន ដោយចំណាយប្រាក់ត្រឹមតែ 10 ដុល្លា តែប៉ុណ្ណោះ៕

 

 

 

 

no-alternative title

ព័ត៌មានពាណិជ្ជកម្ម