Xiaomi វីតាល់ និងលេជេន បានសម្ពោធ និងដាក់បញ្ចាំងអោយអ្នកទស្សនានូវខ្សែភាពយន្ត «មនុស្សពីងពាង៖ មកផ្ទះលែងកើត» មុនគេបង្អស់ក្នុងប្រទេសកម្ពុជា

 

កាលពីល្ងាច ថ្ងៃទី១៥ ខែធ្នូ ឆ្នាំ២០២១ នេះ ក្រុមហ៊ុន Xiaomi ប្រចាំប្រទេសកម្ពុជា ក្រុមហ៊ុនទឹកពិសាវីតាល់ និងរោងភាពយន្តលេជន បានប្រារព្ធនូវពិធីសម្ពោធជាផ្លូវការនូវការចាក់បញ្ចាំងមុនគេបង្អស់នៃខ្សែភាពយន្ត «មនុស្សពីងពាង៖ មកផ្ទះលែងកើត» ដែលកំពុងល្បីល្បាញទូទាំងពិភពលោក។

 

no-alternative title

នៅក្នុងពិធីសម្ពោធល្ងាចនេះ ក៏មានអ្នកចូលរួមពីសំណាក់គណៈគ្រប់គ្រង នៃក្រុមហ៊ុន Xiaomi ប្រចាំប្រទេសកម្ពុជា ក្រុមហ៊ុនទឹកពិសាវីតាល់ និងរោងភាពយន្តលេជេន រួមទាំងអ្នកគាំទ្រជាច្រើននាក់ផងដែរ។ 

ក្នុងឱកាសដ៏វិសេសវិសាលនេះ អ្នកតំណាង ប្រចាំក្រុមហ៊ុននីមួយៗ បានផ្តល់ពីចំណាប់អារម្មណ៍ និងសម្តែងសេចក្តីសោមនស្សរីករាយ ដែលបានក្លាយជាដៃគូសហការក្នុងប្រទេសកម្ពុជា របស់ខ្សែភាពយន្ត «មនុស្សពីងពាង៖ មកផ្ទះលែងកើត» ដែលកំពុងល្បីល្បាញទូទាំងពិភពលោក និងបានបង្ហាញពីឆន្ទៈ ព្រមទាំងការប្តេជ្ញាចិត្តក្នុងការនាំយកនូវបទពិសោធន៍ថ្មីប្លែកៗអស្ចារ្យជាច្រើនទៀតជូនដល់អ្នកគាំទ្រផលិតផលរបស់ខ្លួន។ 

អ្វីដែលកាន់តែពិសេសនៅក្នុងកម្មវិធីដ៏អស្ចារ្យមួយនេះ ក្រុមហ៊ុន Xiaomi ប្រចាំប្រទេសកម្ពុជា ក្រុមហ៊ុនទឹកពិសាវីតាល់ និងរោងភាពយន្តលេជេន ក៏បានរៀបចំកម្មវិធីកម្សាន្តសប្បាយៗ សម្រាប់អ្នកគាំទ្ររបស់ខ្លួន ដែលបានឈ្នះរង្វាន់សំបុត្រចូលរួមកម្មវិធី និងមានឱកាសទស្សនាកំពូលខ្សែភាពយន្តដ៏ល្បីល្បាញលើពិភពលោកនេះ មុនគេបង្អស់នៅក្នុងប្រទេសកម្ពុជា រួមមានការសម្តែងចម្រៀង ការសម្តែងក្បាច់រាំ ការតុបតែងខ្លួនតាមតួអង្គមនុស្សពីងពាង និងការលេងហ្គេមដែលទទួលបានកាដូ Premium Item បន្ថែមជាច្រើនទៀតផង។ 

គួរបញ្ជាក់ផងដែរថា ខ្សែភាពយន្ត «មនុស្សពីងពាង៖ មកផ្ទះលែងកើត» គឺជាភាពយន្តបែបស៊ុបភើ ហេរ៉ូដ៏ល្បីល្បាញ របស់ផលិតកម្ម Marvel នឹងចាក់បញ្ចាំងជាផ្លូវការតែក្នុងរោងភាពយន្តប៉ុណ្ណោះ ចាប់ពីថ្ងៃទី១៦ ខែធ្នូ ឆ្នាំ ២០២១ ខាងមុខនេះតទៅ។ 

អំពីខ្សែភាពយន្ត «មនុស្សពីងពាង៖ មកផ្ទះលែងកើត» 

ជាលើកដំបូងបង្អស់នៅក្នុងប្រវត្តិសាស្ត្រខ្សែភាពយន្ត Spider-Man អត្តសញ្ញាណរបស់តួអង្គមនុស្សពីងពាងត្រូវបានលាតត្រដាងជាសាធារណៈ ដែលធ្វើឱ្យប៉ះពាល់យ៉ាងខ្លាំងដល់ជីវិតប្រចាំថ្ងៃរបស់គាត់ និងធ្វើឱ្យអ្នកជុំវិញខ្លួនជួបហានិភ័យជាច្រើន។

នៅពេលដែល Spider-Man សុំជំនួយពី Doctor Strange ឱ្យជប់សិល្ប ដើម្បីស្ដារអាថ៌កំបាំងរបស់គាត់ សិល្ប៍នោះបានបង្កើតជាចលាចលដែលបង្កឱ្យបីសាចកំណាចក្រៅភពជាច្រើនចូលមកអុកឡុកក្នុងផែនដី។ ឥឡូវនេះ Peter នឹងត្រូវជម្នះឧបសគ្គដ៏ធំបំផុតរបស់គាត់ ដែលនឹងមិនត្រឹមតែផ្លាស់ប្តូរអនាគតរបស់គាត់ជារៀងរហូតប៉ុណ្ណោះទេ ប៉ុន្តែផ្លាស់ប្តូរដល់អនាគតនៃពហុចក្កវាលផងដែរ។ 

ខ្សែភាពយន្តនេះដឹកនាំដោយលោក Jon Watts និពន្ធដោយ Chris McKenna & Erik Sommers ដោយផ្អែកលើសៀវភៅ MARVEL Comic Book ដោយ Stan Lee និង Steve Ditko ។ ផលិតកររួមមានលោក Kevin Feige និង Amy Pascal ផលិតករប្រតិបត្តិរួមមាន Louis D'Esposito, Victoria Alonso, JoAnn Perritano, Rachel O'Connor, Avi Arad និង Matt Tolmach ។

ខ្សែភាពយន្តនេះសម្តែងដោយ Tom Holland, Zendaya, Benedict Cumberbatch, Jacob Batalon, Jon Favreau ជាមួយ Marisa Tomei ។

 

 

 

no-alternative title

ព័ត៌មានពាណិជ្ជកម្ម
អត្ថបទគួរចាប់អារម្មណ៍
វ៉ែនតាវៃឆ្លាត OPPO Air Glass កំពុងទទួលបានការចាប់អារម្មណ៍ ជាមួយនឹងមុខងារពិសេសៗកាន់តែអស្ចារ្យជាងមុន

វ៉ែនតាវៃឆ្លាត OPPO Air Glass កំពុងទទួលបានការចាប់អារម្មណ៍ ជាមួយនឹងមុខងារពិសេសៗកាន់តែអស្ចារ្យជាងមុន

ដោយ ប៉េងលីន
ទីបំផុតកំពូលស្មាតហ្វូនស៊េរីចុងក្រោយ Huawei nova 9 បង្ហាញវត្តមានជាផ្លូវការហើយជាមួយនឹងតម្លៃត្រឹមតែ...

ទីបំផុតកំពូលស្មាតហ្វូនស៊េរីចុងក្រោយ Huawei nova 9 បង្ហាញវត្តមានជាផ្លូវការហើយជាមួយនឹងតម្លៃត្រឹមតែ...

ដោយ ប៉េងលីន
 Xiaomi Zone – Pochentong (ពោធិ៍ចិនតុង) ចាប់បើកហើយ!

Xiaomi Zone – Pochentong (ពោធិ៍ចិនតុង) ចាប់បើកហើយ!

ដោយ ប៉េងលីន
ហាងលក់រាយនៅតំបន់អឺរ៉ុប បានទម្លាយចេញនូវតម្លៃរបស់ Galaxy S22 Series ដែលបំពាក់នូវបន្ទះឈីប Exynos 2200

ហាងលក់រាយនៅតំបន់អឺរ៉ុប បានទម្លាយចេញនូវតម្លៃរបស់ Galaxy S22 Series ដែលបំពាក់នូវបន្ទះឈីប Exynos 2200

ដោយ ប៉េងលីន
ដើម្បីអបអរបុណ្យចូលឆ្នាំចិន! OPPO ផ្តល់ជូនប្រូម៉ូសិនពិសេសរាល់ការទិញ OPPO Reno6 Z 5G និង OPPO A95 ចាប់ពីថ្ងៃនេះ ដល់ថ្ងៃទី 01 ខែកុម្ភៈ ឆ្នាំ2022

ដើម្បីអបអរបុណ្យចូលឆ្នាំចិន! OPPO ផ្តល់ជូនប្រូម៉ូសិនពិសេសរាល់ការទិញ OPPO Reno6 Z 5G និង OPPO A95 ចាប់ពីថ្ងៃនេះ ដល់ថ្ងៃទី 01 ខែកុម្ភៈ ឆ្នាំ2022

ដោយ ប៉េងលីន
OPPO Find X5 Lite នឹងក្លាយជាម៉ូដែលថ្មីរបស់ស្មាតហ្វូន Reno7 ដែលគ្រោងនឹងចេញលក់សម្រាប់ទីផ្សារសកល

OPPO Find X5 Lite នឹងក្លាយជាម៉ូដែលថ្មីរបស់ស្មាតហ្វូន Reno7 ដែលគ្រោងនឹងចេញលក់សម្រាប់ទីផ្សារសកល

ដោយ ប៉េងលីន