ក្រុមហ៊ុនបច្ចេកវិទ្យា ASUS ទើបតែប្រកាសបង្ហាញនូវកុំព្យូទ័រយួរដៃជំនាន់ថ្មី Vivobook Pro 15 OLED (K3500) ដែលមានរូបរាងទាន់សម័យ និងកម្លាំងម៉ាស៊ីនខ្លាំងក្លាសម្រាប់ការបង្កើតនូវភាពច្នៃប្រឌិត និងការកម្សាន្តដ៏អស្ចារ្យសម្រាប់អ្នក Creators វ័យក្មេង។ កុំព្យូទ័រ Vivobook 15 OLED នេះប្រើប្រាស់នូវបន្ទះឈីប Intel® Core™H Series processors ជំនាន់ទី 11 ក្រាហ្វិកកាត NVIDIA GeForce GTX™ 1650 GPUs ម៉េមូរីទំហំ 8GB DDR4 ថាសរឹង 1TB SSD និងថាមពលថ្មទំហំ 63 Wh ។
សម្រាប់ការបង្កើតនូវភាពច្នៃប្រឌិតកាន់តែមានភាពអស្ចារ្យនោះ កុំព្យូទ័រយួរដៃនេះគឺមានអេក្រង់ទំហំ 15-inch (K3500) ដែលមានកម្រិតភាពច្បាស់ 2.8K OLED 600-nit ដែលមានការទទួលស្គាល់ដោយ PANTONE® Validated ដែលផ្តល់នូវពន្លឺពណ៌ច្បាស់ និងកម្រិតពណ៌ 100% DCI-P3 color gamut ច្បាស់ដូចនៅក្នុងរោងកុន។ កុំព្យូទ័រយួរដៃនេះក៏មានការឌីស្សាញរូបរាងថ្មីជាមួយនឹងពណ៌ Quiet Blue ហើយវាក៏មាន Touchpad ធំជាងមុនងាយស្រួលក្នុងការប៉ះបញ្ជាថែមទៀត។
កុំព្យូទ័រ Vivobook Pro 15 OLED នេះមានមុខងារថ្មីៗជាច្រើនដូចជា WiFi 6, webcam privacy shield, ប្រព័ន្ធស្កេនក្រយ៉ៅដៃនៅលើប៊ូតុង Power ។ កុំព្យូទ័រ Vivobook Pro 15 OLED នេះត្រៀមខ្លួនរួចជាស្រេចសម្រាប់ Creators វ័យក្មេងក្នុងការស្វែងរកនូវអ្វីដែលថ្មីនៅក្នុងដំណើរជីវិតរបស់ពួកគេ។ កុំព្យូទ័រនេះមានបន្ទះឈីប 11th Gen Intel® H Series CPUs, NVIDIA GeForce GTX 1650 graphics , 8GB DDR4 memory និង 512G PCIe® SSD ដែលផ្តល់នូវល្បឿនលឿនក្នុងការប្រើប្រាស់បំផុត។
កុំព្យូទ័រ Vivobook Pro 15 OLED នេះបំពាក់នូវប្រព័ន្ធត្រជាក់ dual-fan cooling system ជាមួយនឹងបច្ចេកវិទ្យា ASUS IceCool Plus technology ដែលផ្តល់អោយអ្នកប្រើប្រាស់នូវ cooling modes ចំនួន 3 តាមរយៈកម្មវិធី MyASUS app ។ បច្ចេកវិទ្យាថ្មីនេះអនុញ្ញាតអោយកុំព្យូទ័រនេះត្រជាក់ក្នុងការប្រើប្រាស់គ្រប់ពេលវេលា និងគ្រប់ស្ថានភាពនៃការប្រើប្រាស់។ ជាមួយនឹងថាមពលថ្ម 63 Wh កុំព្យូទ័រ Vivobook Pro 15 OLED នេះបានផ្តល់នូវភាពច្នៃប្រឌិតដ៏អស្ចារ្យឥតឈប់ឈរ។
ពណ៌កាន់តែរស់រវើក
អេក្រង់ ASUS OLED មានពណ៌ច្បាស់ដែលល្អបំផុតនៅក្នុងការបង្កើតនូវភាពច្នៃប្រឌិតរបស់អ្នក។ កុំព្យូទ័រយួរដៃ Vivobook Pro 15 OLED នេះមាន 16:10 aspect-ratio ជាមួយនឹងកម្រិតអេក្រង់ 2.8K OLED NanoEdge បើធៀបជាមួយនឹងកុំព្យូទ័រមុនដែលមានកម្រិតអេក្រង់ត្រឹមតែ 16:9 ប៉ុណ្ណោះ។ អេក្រង់នេះមានកម្រិតពន្លឺ 600 nits និង 84% screen-to-body ratio ជាមួយនឹងពណ៌ 100% DCI-P3 color gamut ដែលល្អមែនទែនក្នុងការទស្សនាជាមួយនឹងអេក្រង់នេះ។ អេក្រង់នេះក៏ទទួលបាននូវវិញ្ញាបនបត្រ PANTONE® Validated និង TÜV Rheinland ដែលកាត់បន្ថយនូវពន្លឺពណ៌ខៀវដែលប៉ះពាល់ដល់ភ្នែកថែមទៀត។
ភាពខុសប្លែកពិសេសខុសពីគេ
កុំព្យូទ័រយួរដៃ Vivobook Pro 15 OLED នេះត្រូវបានឌីស្សាញក្នុងការជម្រុញអោយ Creators ក្នុងការបង្កើតនូវភាពខុសប្លែកពិសេសពីគេ។ អ្នកប្រើប្រាស់អាចធ្វើការជ្រើសរើសនូវពណ៌ Quiet Blue ឬ Cool Silver ទៅតាមចំណង់ចំណូលចិត្តរបស់គាត់។ វាក៏មានប្រើប្រាស់នូវឡូហ្គោ 3D ASUS ដ៏ទាក់ទាញបំផុតផងដែរ។
ផលិតភាពការងារកាន់តែងាយស្រួលជាងមុន
កុំព្យូទ័រយួរដៃ Vivobook Pro 15 OLED នេះត្រូវបានឌីស្សាញឡើងដែលធ្វើអោយជីវិតរបស់អ្នកកាន់តែមានភាពងាយស្រួលបំផុត។ បច្ចេកវិទ្យា WiFi 6 នេះអនុញ្ញាតអោយអ្នកប្រើប្រាស់ជាច្រើនអាចប្រើប្រាស់នូវ content នៅលើអនឡាញបានយ៉ាងត្រជាក់ភ្នែក ហើយវាកាន់តែមានភាពងាយស្រួលថែមទៀតតាមរយៈបច្ចេកវិទ្យា ASUS WiFi Master Premium technology ដែលនៅក្នុងនោះក៏មានបច្ចេកវិទ្យា ASUS WiFi SmartConnect ផងដែរ។ សម្រាប់ ASUS WiFi SmartConnect នេះអាចធ្វើការជ្រើសរើសនូវ WiFi ដែលល្អខ្លាំងបំផុតនៅពេលដែលវាតភ្ជាប់ទំនាក់ទំនងនៅក្នុងចំណោម WiFi Signal ជាច្រើន។ បន្ថែមពីនេះទៀតនោះ វាក៏មានភ្ជាប់ជាមួយនឹង webcam privacy shield សម្រាប់ការពារសុវត្ថិភាពកាមេរ៉ារបស់អ្នក។ សម្រាប់ការពារសុវត្ថិភាពនៃការ Login ជាមួយនឹង password នោះ វាក៏មានភ្ជាប់ជាមួយនឹងប្រព័ន្ធស្កេនក្រយ៉ៅដៃនៅលើប៊ូតុង Power ដែលអាចប្រើប្រាស់ក្នុងពេលជាមួយគ្នានៅក្នុង Windows Hello ថែមទៀត។
ការដាក់លក់ និងតម្លៃ
កុំព្យូទ័រ ASUS Vivobook Pro 15 OLED នេះអាចរកបាននៅក្នុងប្រទេសកម្ពុជានៅតាមហាងចែកចាយរបស់ក្រុមហ៊ុន ASUS ជាមួយនឹងតម្លៃចាប់ពី $829 ។ សម្រាប់ព័ត៌មានបន្ថែម សូមទំនាក់ទំនងទៅកាន់អ្នកតំណាងរបស់ក្រុមហ៊ុននេះនៅក្នុងប្រទេសកម្ពុជា៕