Mi Home - Chhouk Meas សម្ពោធជាផ្លូវការជាមួយការឌីស្សាញថ្មី មានភាពទាក់ទាញ និងមានផលិតផលថ្មីៗ ហើយនិងផ្តល់នូវសេវាកម្មរឹតតែសំបូរបែប

នៅថ្ងៃទី 14 ខែឧសភាឆ្នាំ 2022 នេះ ក្រុមហ៊ុន Xiaomi ប្រចាំនៅកម្ពុជា សហការជាមួយនិង Tech-Zone បានប្រកាសបើកសម្ពោធជាផ្លូវការនូវហាងថ្មីមួយទៀតគឺMi Home - Chhouk Meas ដែលជាសាខាទី 8 របស់ខ្លួននៅក្នុងប្រទេសកម្ពុជា។ សាខាថ្មីនេះ គឺមានការឌីស្សាញថ្មី មានភាពទាក់ទាញ និងមានផលិតថ្មីៗ ហើយនិងផ្តល់សេវាកម្មរឹតតែសំបូរបែប។ សាខាថ្មីនេះ មានទីតាំងស្ថិតនៅតាមបណ្តាយផ្លូវ 2011 (ផ្លូវផ្សារឈូកមាស) និងស្ថិតនៅក្នុងខណ្ឌសែនសុខរាជធានីភ្នំពេញ។

ព្រឹត្តិការណ៍សម្ពោធនៅថ្ងៃនេះ គឺទទួលបាននូវការអញ្ជើញចូលរួមជាអធិបតីដ៏ខ្ពង់ខ្ពស់បំផុតពីសំណាក់លោក Peaker Gao ដែលជានាយកគ្រប់គ្រង Xiaomi ប្រចាំប្រទេសកម្ពុជា រួមជាមួយនិងលោក ជូ ចិន្តា អគ្គនាយក ធិច ហ្សូន គ្រុប ហើយព្រមទាំងវត្តមានអញ្ជើញចូលរួមរបស់លោក លោកស្រី និងភ្ញៀវកិត្តិយស រួមជាមួយនិង mi fan និងដៃគូសហការរបស់ Xiaomi ជាច្រើនរូបថែមទៀតផង។  

នៅក្នុងព្រឹត្តិការណ៌នេះក៏មានពិធីកាត់ខ្សែបូរ ដែលមានការចូលរួមពីថ្នាក់ដឹកនាំជាច្រើនរូបផងដែរ ហើយឆ្លៀតនៅក្នុងឱកាសនោះលោក ជូ ចិន្តា អគ្គនាយក ធិច ហ្សូន គ្រុប បានមានប្រសាសន៍ថា លោកពិតជាមានសេចក្តីសប្បាយរីករាយយ៉ាងខ្លាំងចំពោះវត្តមានរបស់លោក លោកស្រី ដែលបានចូលរួមក្នុងកម្មវិធីបើកសម្ពោធជាផ្លូវការនេះ ហើយមានមោទនភាពដែលបាននាំយកផលិតផលល្អ គុណភាពខ្ពស់ តម្លៃសមរម្យ និងមានបច្ចេកវិទ្យាទំនើបទាន់សម័យ មកកាន់តំបន់ផ្សារឈូកមាស ដែលទីតាំងនេះ គឺជាតំបន់មានសក្តានុពលខ្លាំង និងមានការអភិវឌ្ឍឆាប់រហ័សក្នុងរយៈកាលចុងក្រោយនេះ។

សូមជំរាបថា Tech-Zone Group គឺជាក្រុមហ៊ុនលក់ នឹងផ្គត់ផ្គង់ គ្រឿងបរិក្ខារឆ្លាតវៃក្នុងគេហដ្ឋាន និង សម្ភារៈប្រើប្រាស់ប្រចាំថ្ងៃ ពី Xiaomi , Amazfit, IMILAB, KIESLECT និង 70mai ។ បង្កើតនៅខែ មេសា ឆ្នាំ 2015 ដោយ ស្ថាបនិក 5 នាក់ ។

មកដល់ពេលនេះ គឺ មាន 7 សាខាហើយ រួមមានដូចជា Tech-Zone គិរីរម្យ, Mi Home Santhormok,  Mi Home Stung Mean Chey, Mi Home Chbar Ampov, Mi Home CamKo, Mi Zone – Bokor, Tech-Zone ចំការដូង ហើយ Mi Home - Chhouk Meas គឺជាសាខាទី 8។

Mi Home - Chhouk Meas  ប្តេជ្ញាផ្តល់សេវាកម្មល្អ ឆាប់រហ័ស និងងាយស្រួលបំផុតជូនដល់អតិថិជនទាំងអស់។ ហើយជាមួយនិងថ្ងៃបើកសម្ពោធនេះដែរ ហាង Mi Home - Chhouk Meas ក៏នឹងមានការផ្តល់ជូនជាពិសេសដល់អតិថិជនគ្រប់រូបផងដែរ។ សូមរួសរាន់មកទទួលបាននូវកាដូពិសេសនេះទាំងអស់គ្នា។

សូមជំរាបថា ក្រុមហ៊ុន Xiaomi បានបង្កើតកិត្តិនាមរបស់ខ្លួនលើទីផ្សារអន្តរជាតិអស់រយះពេល 12 ឆ្នាំ គិតត្រឹមឆ្នាំ 2022 នេះ ដោយក្រុមហ៊ុនបានបំពេញនូវតម្រូវការដល់អតិថិជន រាប់រយលាននាក់ នៅទូទាំងសកលលោក តាមរយះការបង្កើតផលិតផលបច្ចេកវិទ្យាទំនើប និង eco system ដ៏ឆ្លាតវៃ មានដូចជា ទូរស័ព្ទ និងផលិតផល smart home និងផលិតផលជាច្រើនទៀតជាងបីពាន់មុខ ដែលធ្វើឲ្យជីវិត មានភាពងាយស្រួល និងទាន់សម័យ ( Xiaomi Smart Life Made Simple )។ 

នៅក្នុងឱកាសនោះដែរ លោក Peaker Gao នាយកគ្រប់គ្រង Xiaomi ប្រចាំប្រទេសកម្ពុជា បានសំដែងការស្វាគមន៍យ៉ាងកក់ក្តៅចំពោះភ្ញៀវកិត្តិយសទាំងអស់គ្នា ដែលបានអញ្ជើញចូលរួមនៅក្នុងព្រឹត្តិការណ៍នេះ ហើយនិងចូលរួមអបអរសាទរដល់ Mi Home - Chhouk Meas នៅក្នុងឱកាសបើកសម្ពោធផ្លូវការសាខាថ្មីនេះផងដែរ។

លោកក៏បានថ្លែង អំណរគុណដល់ ធិច ហ្សូន គ្រុប ដែលជឿជាក់លើផលិតផល របស់ Xiaomi តាំងពីចាប់ផ្តើមអាជីវកម្មដំបូង រហូតដល់សព្វថ្ងៃនេះ ។ Xiaomi បានសន្យាថា នឹងបន្តខិតខំបន្ថែមទៀតក្នុងការនាំមកនូវបច្ចេកវិទ្យាដែលមានការច្នៃប្រឌិតថ្មីបំផុតសម្រាប់អ្នករាល់គ្នាដែលមានគុណភាពល្អ និងតម្លៃ។ ក៏លោកបានថ្លែងអំណរគុណចំពោះអ្នកគាំទ្រ និងដៃគូរបស់យើងដែលបានគាំទ្រ និងទុកចិត្តយ៉ាងខ្លាំងទៅលើក្រុមហ៊ុននិងផលិតផលរបស់យើង។ បើគ្មានអ្នកទេ យើងនឹងមិនមានថ្ងៃនេះទេ។