ក្រុមហ៊ុនហួវៃ និង Smile Shop ផ្សារលក់ទំនិញអនឡាញឈានមុខគេក្នុងប្រទេសកម្ពុជា សហការគ្នាដាក់សម្ពោធលក់ស្មាតហ្វូនស៊េរីថ្មី Huawei nova Y7 តម្លៃ $199 ក្នុងចំណោមតារាប្រុសស្រីល្បីៗ និងអ្នកគាំទ្រសរុបជាង 300នាក់។
លោក សៀនលីដា អ្នកតំណាងផ្នែកទីផ្សារប្រចាំក្រុមហ៊ុនហួវៃបានឲ្យដឹងថា ដោយសារតែទូរស័ព្ទមួយនេះ មានលក្ខណៈពិសេសខ្លាំង និងជាម៉ូដែលដែលមានការពេញនិយមខ្លាំងនៅទូទាំងពិភពលោក ទើបក្រុមហ៊ុនសម្រេចធ្វើពិធីបើកសម្ពោធធំដុំ និង បើកឲ្យមានជំនួបតារាជាទ្រង់ទ្រាយធំមិនធ្លាប់មាន។ HUAWEI nova Y70 មានរូបរាងនិងការរចនាទាន់សម័យ ទំហំថ្ម 6000mAh (6000 មីលីអំពែម៉ោង) កាន់ថ្មខ្លាំង មួយសប្តាហ៍សាកថ្មតែ2ដង ល្បឿនសាកលឿនដូចរន្ទះ 22.5W (22.5វ៉ាត់) អេក្រង់ធំ មើលពេញភ្នែក 6.75 អ៊ីញ ។
ស្មាតហ្វូននេះមាន កាមេរ៉ា AI 3គ្រាប់ទំហំ 48 មេហ្គាភិចសែល ថតរូបកម្រិតច្បាស់ ខ្លាំង ថតប្លង់ព្រាលផ្ទៃខាងក្រោយ ថតរូបប្លង់ទូលាយ Ultra-Wide Angle មុខងារថតរូបច្បាស់នៅពេលយប់ Super Night Shot អង្គផ្ទុកទិន្ន័យ ធំ 128GB។ ទូរស័ព្ទម៉ូដែលនេះក្រៅពីមានកម្រិតកាមេរ៉ាល្អ កម្មវិធីទំនើប ពណ៌ឆើត ស៊ីវិល័យ កាន់ថ្មយូរ នៅមានតម្លៃល្អជាងគេគឺត្រឹមតែ $199 តែប៉ុណ្ណោះ ថែមកាដូកក្រើកតែម្តង។
ទន្ទឹមគ្នានេះដែរ ក្រុមហ៊ុនផ្សារលក់ទំនិញអនឡាញឈានមុខគេក្នុងប្រទេសកម្ពុជា ដែលជាដៃគូរសហការធំរបស់ក្រុមហ៊ុនហួវៃបានធ្វើការពញ្ញាក់អារម្មណ៍ សិល្បៈករ សិល្បការិនី និងអ្នកគាំទ្រជាមួយនឹងការផ្តល់ជូននូវគូប៉ុងទឹកប្រាក់ $15 ត្រឡប់ទៅអតិថិជនដែលធ្វើការបញ្ជាទិញ ស្មាតហ្វូនស៊េរីថ្មី Huawei nova Y70 តាមរយៈ Smile Shop App នេះបើយោងតាម លោក ធាប សុវណ្ណារ៉េត ប្រធាននាយកប្រតិបត្តិការ ក្រុមហ៊ុន Smile Shop។
កម្មវិធីដាក់សម្ពោធស្មាតហ្វូនស៊េរីថ្មី Huawei nova Y70 តម្លៃ $199 ត្រូវបានបញ្ចប់ទៅដោយរលូន ក្រោមកម្រងរូបថតអនុស្សាវរីយ៍ និងមើលកុន3D កម្សាន្តជុំគ្នា។
