កំឡោះសង្ហា Rainnie Dara បានបញ្ជាក់ថា MSI Creator Z16 ពិតជាឡែបថបដែលសក្តិសមបំផុតសម្រាប់ការងារប្រចាំថ្ងៃរបស់អ្នកបង្កើតមាតិកា

MSI Creator Z16 គឺជាកុំព្យូទ័រយួរដៃស៊េរីថ្មីដែលត្រូវបានក្រុមហ៊ុននាគរាជតៃវ៉ាន់ធ្វើការរចនាសម្រិតសម្រាំងផលិតឡើងយ៉ាងពិសេសសម្រាប់អ្នកប្រើប្រាស់ដែលចង់បានកុំព្យូទ័រយួរដៃបែប Premium កម្រាស់ស្តើងស្លីមស្អាត និងមានម៉ាស៊ីនខ្លាំង។ កុំព្យូទ័រយួរដៃស៊េរីថ្មីនេះមានរាងតូចស្លីមស្រស់ស្អាតដោយតួរខ្លួនទាំងមូលរបស់ម៉ាស៊ីនត្រូវបានពាលពេញដោយលោហៈធាតុផ្តល់នូវភាព Premium ធន់រឹងមាំបំផុតសម្រាប់ការប្រើប្រាស់។ 

MSI Creator Z16 មានកម្រាស់ស្តើងត្រឹមតែ 1.62cm និងមានទំងន់សរុប 2.3 គីឡូក្រាម។ កុំព្យូទ័រយួរដៃស៊េរីថ្មីនេះបំពាក់មកជាមួយបន្ទះអេក្រង់ទំហំ 16 អ៊ីញជាបន្ទះបង្ហាញ IPS Touch Panel មានល្បឿន refresh rate 120Hz ទ្រទ្រង់កម្រិតបង្ហាញចេញ QHD+ (2560x1600px) លើខ្នាត aspect ratio 16:10 ភ្ជាប់នូវបច្ចេកវិទ្យាចាក់ទឹកពណ៌កម្រិត DCI-P3 100% និង True Pixel Display ដែលផ្តល់អោយការបង្ហាញរូបភាពចេញបានច្បាស់ដិតត្រជាក់ភ្នែកបែបធម្មជាតិពិតៗ។

MSI Creator Z16 ត្រូវបានក្រុមហ៊ុនដាក់អោយដំណើរការលើអង្គ CPU Intel-core i9 ជំនាន់ទី 11 លេខ 11900H នៅលើ Mainboard ស៊េរី HM570 មានល្បឿនអូសខ្លាំងបំផុតដល់ 2.5GHz និងអាច Boost បង្កើនល្បឿនខ្ពស់បំផុតដល់ 4.9GHz។ បន្ថែមពីនេះម៉ាស៊ីនកុំព្យូទ័រយួរដៃស្តើងស្លីមស្អាតមួយនេះនៅមានភ្ជាប់ដោយអង្គក្រាហ្វិច Nvidia GeForce RTX3060 មានល្បឿន Boost clock 1357MHz គាំទ្រដោយរ៉េមទំហំ 6GB GDDR6 និងប្រើថាមពលភ្លើងកំលាំង 65W។

MSI Creator Z16 មានរ៉េមប្រភេទ DDR4-3200MHz ទំហំ 16GB និងអាចបង្កើនទំហំឡើងដល់ 32GB ប្រសិនបើយើងត្រូវការ។ ចំនែកផ្នែកថាសរឹងផ្ទុកទិន្នន័យវិញ គឺមានទំហំធំដល់ទៅ 2TB និងជាប្រភេទ M.2 SSD NVMe។ MSI Creator Z16 មានថ្មទំហំ 4-cell មានផ្ទុកថាមពលកំលាំង 90W និងមានឆ្នាំងសាកភ្លើងកំលាំង 180W ដែលសាកបញ្ចូលតាមរយះរន្ធចម្លងប្រទេស USB-C/Thunderbolt 4។

ចំពោះគុណសម្បត្តិសំខាន់ៗផ្សេងៗទៀតដែលមាននៅលើ MSI Creator Z16 គឺមានដូចជា កាមេរ៉ាវ៉ិបខេមប្រភេទ IR-HD កម្រិត 720px, ប្រព័ន្ធសំឡេង Dynaudio Speaker ចំនួន 2 គ្រាប់កម្រិត 4W គាំទ្របច្ចេកវិទ្យាសំឡេង Nahimic 3/Hi-Res Audio, រន្ធដោតកាស 3.5mm Combo Jack, USB-A3.2 ចំនួនពីរ, Thunderbolt 4/Type-C 4 ចំនួនពីរ, រន្ធដោត microSD, ប្រព័ន្ធប្លូធូស 5.2, Wi-Fi 6E, ប្រព័ន្ធកង្ហារបន្សាយកំដៅម៉ាស៊ីនចំនួន 3 គ្រាប់ភ្ជាប់ជាមួយបំពងសារធាតុត្រជាក់ចំនួន 5 ដើមប្រើបច្ចេកវិទ្យា Cooler Boost Trinity+  និងមានក្តារចុចប្រភេទ miniLED Per key RGB backlight KB (84Key) ជាដើម។ 

ជាមួយនិងផលិតផលថ្មីនេះដែរ កំឡោះសង្ហា Rainnie Dara ដែលជាបុគ្គលល្បីល្បាញផ្នែកផលិតមាតិកានោះ បានបញ្ជាក់ថា MSI Creator Z16 គឺពិតជាឡែបថបដែលសក្តិសមបំផុតសម្រាប់ការងារប្រចាំថ្ងៃរបស់ Content Creators មែនទែន ដោយសារតែ ម៉ូដែលនេះ មានរូបរាងស្អាត ស្តើង ស្រាល មានភាពងាយស្រួលយកសម្រាប់យកទៅតាមខ្លួន  ជាពិសេស គឺអាច Touch Screen បាន ហើយថែមទាំងបំពាក់ដោយ  CPU intel core-i9 រួមនិង Wifi 6E ថែមទៀតផង។ 

MSI Creator Z16 ចេញលក់នៅក្នុងទីផ្សារប្រទេសកម្ពុជាហើយ តើប្រិយមិត្តមានចំណាប់អារម្មយ៉ាងណាដែរទៅលើម៉ាស៊ីនកុំព្យូទ័រយួរដៃ MSI Creator Z16 ស៊េរីថ្មីដ៏ស្រស់ស្អាតតូចច្រឡឹងរបស់ក្រុមហ៊ុននាគរាជតៃវ៉ាន់មួយនេះ?  សម្រាប់ព័ត៌មានបន្ថែមសូមចូលទីនេះ https://www.msi.com/Content-Creation/Creator-Z16-A11UX     

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Asus ROG Phone 6 បានបង្ហាញសាច់ដុំនៅលើ Geekbench Test ជាមួយនិងបន្ទះឈីប Snapdragon 8+ Gen 1

Asus ROG Phone 6 បានបង្ហាញសាច់ដុំនៅលើ Geekbench Test ជាមួយនិងបន្ទះឈីប Snapdragon 8+ Gen 1

ដោយ ប៉េងលីន
កាន់តែកក្រើក! កាន់តែរញ្ជួយទូទាំងប្រទេសហើយ! សម្រាប់កម្មវិធី “មហារង្វាន់ស្រោចធរណី” ឈ្នះម៉ូតូ Suzuki Nex Crossover ស៊េរីថ្មីឆ្នាំ 2022 សបា្តហ៍ទី 2 នេះ!

កាន់តែកក្រើក! កាន់តែរញ្ជួយទូទាំងប្រទេសហើយ! សម្រាប់កម្មវិធី “មហារង្វាន់ស្រោចធរណី” ឈ្នះម៉ូតូ Suzuki Nex Crossover ស៊េរីថ្មីឆ្នាំ 2022 សបា្តហ៍ទី 2 នេះ!

ដោយ ប៉េងលីន
ស្មាតហ្វូន Honor បានចាប់ផ្តើមវាយលុកទីផ្សារហើយតាមរយៈនៃការរៀបចំកម្មវិធីពិសេសតាមហាងលកទូរស័ព្ទជាច្រើនទូទាំងប្រទេស

ស្មាតហ្វូន Honor បានចាប់ផ្តើមវាយលុកទីផ្សារហើយតាមរយៈនៃការរៀបចំកម្មវិធីពិសេសតាមហាងលកទូរស័ព្ទជាច្រើនទូទាំងប្រទេស

ដោយ ប៉េងលីន
Sony Xperia 10 IV ត្រូវបានដាក់អោយមានការបញ្ជាទិញជាមួយនិងការបន្ថែមជូនកាសស្តាប់ TWS Earbuds ដោយឥតគិតថ្លៃ

Sony Xperia 10 IV ត្រូវបានដាក់អោយមានការបញ្ជាទិញជាមួយនិងការបន្ថែមជូនកាសស្តាប់ TWS Earbuds ដោយឥតគិតថ្លៃ

ដោយ ប៉េងលីន
ដំណឹងថ្មីបញ្ជាក់ថា Apple នឹងប្រើថាមពលថ្មនៅលើ iPhone 14 Series ធំជាងជំនាន់មុនៗ

ដំណឹងថ្មីបញ្ជាក់ថា Apple នឹងប្រើថាមពលថ្មនៅលើ iPhone 14 Series ធំជាងជំនាន់មុនៗ

ដោយ ប៉េងលីន
ASUS ឈ្នះបាននូវពានរង្វាន់ Red Dot Design Awards 2022 ជាច្រើនដែលមិនធ្លាប់មានពីមុនមក

ASUS ឈ្នះបាននូវពានរង្វាន់ Red Dot Design Awards 2022 ជាច្រើនដែលមិនធ្លាប់មានពីមុនមក

ដោយ ប៉េងលីន