ASUS E410MA រូបរាងថ្មីប្លែកទាក់ទាញ និងជាកុំព្យូទ័រដែលល្អឥតខ្ចោះសម្រាប់សិស្ស បានប្រកាសដាក់លក់ជាផ្លូវការនៅក្នុងប្រទេសកម្ពុជា

ជាមួយនឹងការឌីស្សាញដែលជាផ្នែកមួយដ៏សំខាន់នៅលើកុំព្យូទ័រយួរដៃនោះ កុំព្យូទ័រយួរដៃស៊េរីថ្មី ASUS E410 នេះមានសមត្ថភាពខ្លាំងក្លា និងរូបរាងយ៉ាងទាក់ទាញសម្រាប់បំពេញការងារប្រើប្រាស់ប្រចាំថ្ងៃ។ កុំព្យូទ័រស៊េរីថ្មីនេះមានរូបរាងតូច និងទម្ងន់ស្រាលក្នុងការប្រើប្រាស់ ហើយវាមានពណ៌ថ្មីៗយ៉ាងទាក់ទាញសក្តិសមសម្រាប់យុវវ័យសម័យថ្មីថែមទៀត។

បន្ថែមពីនេះទៀតនោះ កុំព្យូទ័រ E410 នេះជួយអោយអ្នកប្រើប្រាស់អាចធ្វើការងារបានកាន់តែច្រើនជាងមុនជាមួយនឹងការបំពាក់នូវមខុងារថ្មីៗជាច្រើន ជាពិសេសទៅលើមុខងារ ASUS NumberPad ដែលងាយស្រួលបំផុតក្នុងការវាយបញ្ចូលទិន្នន័យ និងត្រចៀកបត់បានដល់ទៅ 180° ដែលងាយស្រួលក្នុងការលំងាកទៅតាមចិត្តប្រើប្រាស់ ហើយអ្នកក៏អាចសហការបានយ៉ាងងាយស្រួលជាមួយនឹងមិត្តរួមការងារ ឬមិត្តភក្តិបានយ៉ាងងាយជាមួយនឹងកុំព្យូទ័រនេះ។

ស្ទាយ៍ដ៏ទាន់សម័យសម្រាប់យុវវ័យសម័យថ្មី

កុំព្យូទ័រ ASUS E410 គឺល្អសក្តិសមបំផុតសម្រាប់យុវវ័យដោយសារតែវាមានការឌីស្សាញរូបរាងយ៉ាងទាក់ភ្នែក និងប្លែកពីកុំព្យូទ័រផ្សេងៗទៀតដែលមានវត្តមាននៅលើទីផ្សារ។ កុំព្យូទ័រនេះមាន 3 ពណ៌សម្រាប់ធ្វើការជ្រើសរើសនោះគឺពណ៌ Peacock Blue, Dreamy White និង Rose Gold ដែលពិតជាស្រស់ស្អាតល្អឥតខ្ចោះគ្មានគូប្រៀបនោះទេ។

ភាពងាយស្រួលក្នុងការចល័តគ្រប់ទីកន្លែង

កុំព្យូទ័រ ASUS E410 នេះមានទម្ងន់ស្រាលត្រឹមតែ 1.3 kg និងអេក្រង់ទំហំ 14-inch ក្នុងការប្រើប្រាស់។ ថាមពលថ្មរបស់កុំព្យូទ័រនេះអាចប្រើប្រាស់បានដល់ទៅ 12 ម៉ោង ដូចនេះអ្នកប្រើប្រាស់អាចយកទៅធ្វើការងារ ការកម្សាន្តពេញមួយថ្ងៃដោយមិនចាំបាច់យកឆ្នាំងសាក Charger តាមខ្លួននោះទេ។ បើនិយាយអំពីកម្លាំងម៉ាស៊ីនរបស់វានោះ វាមានរ៉េមទំហំ 4GB និងថាសផ្ទុកទិន្នន័យ 512 GB PCIe® SSD ដែលអាចផ្ទុកទិន្នន័យបានច្រើន និងល្បឿនលឿនក្នុងការប្រើប្រាស់។

ការបង្កើតឡើងជាមួយនឹងសមត្ថភាពច្រើនក្នុងការប្រើប្រាស់

កុំព្យូទ័រស៊េរីថ្មី ASUS E410 នេះមានបំពាក់នូវ  ASUS NumberPad ដែលនេះគឺជាប្រភេទ  numeric keypad ដែលមានទំហំ 6-inch touchpad ងាយស្រួលក្នុងការវាយនូវលេខចូលបានយ៉ាងសម្បូរបែប។

នៅលើ Touchpad នេះមានការទ្រទ្រង់នូវ  multitouch ជាច្រើនជាមួយនឹងបច្ចេកវិទ្យា palm-rejection technology ដែលអាចគ្រប់គ្រងទៅលើ Cursor បានយ៉ាងល្អបំផុតថែមទៀត។ កាន់តែពិសេសជាងនេះទៀតនោះ វាក៏មានត្រចៀកបត់កម្រិត 180° ដែលផ្តល់នូវភាពងាយស្រួលសម្រាប់អ្នកប្រើប្រាស់ក្នុងការចែករំលែកនូវមាតិកា ឬការសហការគ្នាជាមួយនឹងមិត្តភក្តិ ឬក្រុមការងារបានយ៉ាងល្អបំផុតថែមទៀតផង៕

អាចស្វែងរកទិញបាននៅតាមហាងដែលជាតំណាងចែកចាយខាងក្រោម/You can purchase the products through our dealers below:

- ភ្នំពេញ (Phnom Penh): https://bit.ly/3wutiLh

- សៀមរាប (Siem Reap): https://bit.ly/2XA2RFO

- បាត់ដំបង (Battambong): https://bit.ly/2FGi120

- ខេត្តផ្សេងៗ (Other Province): https://bit.ly/2KQsCvG