ក្រុមហ៊ុនជីហ្គៀ គ្រុប (GGear Group) បានចូលរួមចំណែកជាមួយរាជរដ្ឋាភិបាលរៀបចំយុទ្ធនាការធ្វើតេស្តរហ័លរកមេរោគកូវីដ-១៩ ដល់បុគ្គលិកជួរមុខរបស់ក្រុមហ៊ុនចំនួន ៦៩៩ នាក់ ។
ការធ្វើតេស្តនេះប្រព្រឹត្តទៅចំនួនពីរលើក គឺលើកទី ១ នៅថ្ងៃទី ១ ដល់ថ្ងៃទី ០៤ និង លើកទី ២ នៅថ្ងៃទី ១១ ដល់ថ្ងៃទី ១៤ ខែ កញ្ញា ឆ្នាំ ២០២១ ដោយយោងតាមសារាចររបស់រាជរដ្ឋាភិបាលលេខ ០៤ សរ ចុះថ្ងៃទី២៨ ខែ កក្កដា ឆ្នាំ២០២១ ស្ដីពីការដាក់ចេញ “ យុទ្ធនាការពង្រឹងវិធានការប្រយុទ្ធ និង ទប់ស្កាត់ការឆ្លងរាលដាលនូវជំងឺកូវីដ-១៩ “ ។
លទ្ធផលសរុបចុងក្រោយក្នុងចំណោមអ្នកដែលបានធ្វើតេស្តរហ័សទាំងអស់ គឺយើងរកឃើញបុគ្គលិកចំនួន ១០ នាក់ មានលទ្ធផលវិជ្ជមានកូវីដ-១៩ ។ ប៉ុន្តែបុគ្គលិក ១០ នាក់ ដែលមានលទ្ធផលវិជ្ជមានកូវីដ-១៩ គឺមិនបានចាប់អារម្មណ៌ថាខ្លួនមានផ្ទុកមេរោគកូវីដ-១៩ នោះទេ ដោយសារពុំមានរោគសញ្ញាណាមួយគួរអោយកត់សំគាល់ ហើយក៌ពុំបានដឹងថាមានទំនាក់ទំនងដោយផ្ទាស់ជាមួយនឹងអ្នកវិជ្ជមានកូវីដ-១៩ ដែរ ។
បច្ចុប្បន្នបុគ្គលិកទាំង ១០ នាក់ នោះបានកំពុងសំរាកព្យាបាលនៅមជ្ឃមណ្ឌលព្យាបាលជំងឺកូវីដ-១៩ ហើយមានសុខភាពធម្មតា មិនមានចេញរោគសញ្ញាណាគួរអោយចាប់អារម្មណ៌ឡើយ ។ ដោយឡែកចំពោះអ្នកដែលពាក់ព័ន្ធដោយផ្ទាស់ជាមួយអ្នកដែលមានផ្ទុកវិជ្ជមានកូវីដ-១៩ ខាងលើនេះ គឺត្រូវបានតម្រូវអោយធ្វើចត្តាឡីស័កនៅទីតាំងដែលក្រុមហ៊ុនបានរៀបចំអោយព្រមទាំងអនុវត្តន៌យ៉ាងខ្ជាប់ខ្ជួននូវវិធានការសុវិត្ថភាពតាមគោលការណ៌ណែនាំរបស់ក្រសួងសុខាភិបាល ។
គោលបំណងនៃការធ្វើយុទ្ធនាការនេះឡើងគឺដើម្បី បង្ការ ការពារ និងចូលរួមទប់ស្កាត់ ក៏ដូចជាការកាត់បន្ថយហានិភ័យនៃការឆ្លងរីករាលដាលនៃជំងឺកូវីដ-១៩ ក្នុងក្រុមហ៊ុន និង សហគមន៌ផងដែរ ។ ក្រុមហ៊ុន ជីហ្គៀ គ្រុប នឹងបន្តចូលរួមចំណែកជាមួយរាជរដ្ឋាភិបាល ក្នុងការប្រយុទ្ធ និង ដោយប្រកាន់ភ្ជាប់នូវវិធានការគន្លឹះ "៣ កុំ ៣ ការពារ" ។
