ពិធីសម្ពោធជាផ្លូវការរបស់ហាងលក់គ្រឿងអេឡិចត្រូនិចទំនើប LG BRANDSHOP សាខា ក្រុងដូនកែវ

ក្រុមហ៊ុន ជីហ្គៀគ្រុប (GGear Group ) និងក្រុមហ៊ុន LG Electronics បានប្រារព្ធនូវពិធីសម្ពោធជាផ្លូវការ សាខាថ្មីមួយទៀត គឺ LG BRANDSHOP សាខាក្រុងដូនកែវ ដែលមានអាស័យដ្ឋាន ផ្ទះលេខ ១៥៦ ផ្លូវជាតិ លេខ២ ភូមិថ្នល់បែក សង្កាត់រកាក្រៅ ក្រុងដូនកែវ ខេត្តតាកែវ ។ កម្មវិធីនេះធ្វើឡើងនៅថ្ងៃទី 01 ខែ តុលា ឆ្នាំ 2021 ដែលមានការចូលរួមពីថ្នាក់ដឹកនាំរបស់ក្រុមហ៊ុន ជីហ្គៀគ្រុប ( GGear Group ) និងក្រុមហ៊ុន LG Electronics  ។ 

LG BRANDSHOP  សាខាក្រុងដូនកែវ គឺមានដាក់តាំងបង្ហាញ និងលក់នូវរាល់ឧបករណ៏អេឡិចត្រូនិចរបស់ម៉ាក LG ទាំងអស់ដែលមានដូចជា ទូរទស្សន៍ ម៉ាស៊ីនត្រជាក់ ទូរទឹកកក  ម៉ាស៊ីនបោកសំលៀកបំពាក់ ឧបករណ៍បំពង  សម្លេង និង ឧបករណ៏ប្រើប្រាស់ក្នុងផ្ទះជាច្រើនផ្សេងទៀត ដែលសុទ្ធសឹងតែជាផលិតផលទំនើបៗ និងម៉ូដែលថ្មីៗ ចុងក្រោយគេបង្អស់របស់ LG ។ 

នាក្នុងឱកាសនៃពិធីសម្ពោធ LG BRANDSHOP សាខាក្រុងដូនកែវ លោក Sung Suk Kim  អគ្គនាយកក្រុមហ៊ុន LG  Electronics ប្រចាំប្រទេសកម្ពុជាក៏បានមានប្រសាសន៍ថា “ គោលដៅដ៏ចំបងរបស់ LG Brandshop គឺជាកន្លែងដែលផ្តល់នូវការទទួលបានបទពិសោធន៍ជាមួយផលិតផលដែលបំពាក់បច្ចេកវិទ្យាខ្ពស់ គ្រប់ផលិតផលរបស់ LG សុទ្ធតែបំពាក់មកជាមួយបច្ចេកវិទ្យាទំនើបៗ ដែលជាក្តីស្រម៉ៃរបស់អ្នកគ្រប់គ្នា ប្រកបដោយសុវត្ថិភាពមានភាពងាយស្រួលសម្រាប់អតិថិជនទាំងអស់ព្រមទាំងជាកន្លែងដែលអតិថិជនអាចទទួលបាននូវផលិតផលនិងសេវា កម្មទៅតាមកម្រិតដែលពួកគាត់ចង់បាន ។ ម៉ាក យីហោ LG ដែលអាចឈានមុខក្លាយជាអាជីវកម្មគំរូ បានលឿនដូច្នេះក៏ ព្រោះយើងមានដៃគូដ៏ល្អបំផុតគឺ ក្រុមហ៊ុន ជីហ្គៀរ គ្រុប។  

លោកឧកញ៉ា សុខ ពិសិដ្ឋ នាយកប្រតិបត្តិក្រុមហ៊ុនជីហ្គៀ (GGear Group) បានមានប្រសាសន៏ផងដែរថា “ ពង្រីកទីផ្សារគ្រឿងអេឡិចត្រូនិចម៉ាក LG ក្នុងតំបន់ដើម្បីអោយអតិថិជនមានភាពងាយស្រួលក្នុងការជ្រើលរើលនូវឧបករណ៏គ្រឿងអេឡិចត្រូនិចដែលខ្លួនពេញចិត្ត និង ផ្តល់ជូននូវបទពិសោធន៏ ទស្សានាផលិតផលជាមួយបច្ចេកវិទ្យា LG ថ្មីៗ ឈានមុខគេ ដែលបានដាក់តាំងជាក់ស្ដែងនៅក្នុងហាងផ្ទាល់ និងបំរើសេវាកម្មជុសជួលអោយមានលក្ខណៈងាយស្រួល និងលឿនរហ័សសំរាប់អតិថិជនប្រើប្រាស់ដែលប្រើប្រាស់ផលិតផល LG ។ មិនតែប៉ុណ្ណោះលោកក៏បានបន្ថែមទៀតថា វត្តមាន LG Brandshop នៅក្រុងដូនកែវបានលើកស្ទុយកំរិតជីវភាពមួយផ្នែកដល់ប្អូនៗដែលរស់នៅក្នុងតំបន់ ។   

ឆ្លៀតក្នុងឱកាសបើកសម្ពោធសាខាថ្មីនេះផងដែរ   LG BRANDSHOP សាខាក្រុងដូនកែវមានកម្មវិធីប្រូម៉ូសិនលក់បញ្ចុះតម្លៃ យ៉ាងពិសេស រួមជាមួយការផ្ដល់ជូនកាដូរភ្លាមៗជាច្រើន ហើយលោកអ្នកក៏អាចធ្វើការបង់រំលស់គ្មានការប្រាក់ ០% ។ ការផ្ដល់ជូនដ៏អស្ចារ្យនេះនឹងចាប់ផ្ដើមពីថ្ងៃនេះរហូតដល់ថ្ងៃទី 04 ខែតុលា ឆ្នាំ 2021 ដែលលោកអ្នកអាចធ្វើការបញ្ជាទិញតាមរយៈផេក ( LG Brandshop Cambodia ) បាន ឬ ធ្វើការទំនាក់ទំនងមកកាន់លេខទូរសព្ទ 016 222 765 ។