អស់បញ្ហាហើយពេលនេះ! Lens មួយទេ តែអាចប្រើបានជាមួយកាមេរ៉ា 3 ម៉ាក (L-Mount Alliance)

យើងគ្រប់គ្នា ជាទូទៅប្រាកដជាបានដឹងហើយថា ម៉ាករបស់ Lens និងកាមេរ៉ា ភាគច្រើនគឺតំរូវជាម៉ាក តែមួយទើប អាចប្រើប្រាស់ជាមួយគ្នាបាន។ ប៉ុន្តែពេលនេះ គឺមិនចឹងទេ L-Mount Alliance ដែលទើបជាចូលជាសម្ព័ន្ធមិត្តថ្មី និងបានបង្កើតឡើងក្នុងឆ្នាំ 2018 កន្លងទៅនេះ ដោយមានការចាប់ដៃជាមួយគ្នារវាងក្រុមហ៊ុនធំៗ 3 ដូចជា Panasonic, Leica និង SIGMA នោះ គឺបានបង្កើតនូវដំណោះស្រាយ និងដោះដូរបច្ចេកវិទ្យាគ្នា ដើម្បីផលិត ចេញនូវឡែនដែលអាចប្រើបានរួមគ្នាហើយ។ 

ការបង្កើតឡើងនេះ បានធ្វើឲ្យអតិថិជនមានជំរើសនៅក្នុងការជ្រើសយកនឹងប្រើប្រាស់បានច្រើនជាងមុនរវាង Lens និងកាមេរ៉ាពីក្រុមហ៊ុនធំទាំង3នេះ។ ទោះបីក្រុមហ៊ុនទាំង 3 នេះ ស្ថិតក្នុងតំបន់រកស៊ីតែ មួយ គឺការផលិតកាមេរ៉ានិង Lens ដូចគ្នាមែន ប៉ុន្តែពួកគេទាំង 3 មានគុណតម្លៃនិងចំណុចខ្លាំងរៀងៗខ្លួន ដែលធ្វើឲ្យសម្ព័ន្ធមិត្តនេះ មានភាព សមាមាត្រគ្នាដែលជំរុញឲ្យគុណភាពនិងតំរូវការរបស់ L-Mount មិនមានការមានប្រៀបជាងនរណា។ 

Panasonic គឺជាក្រុមហ៊ុនដែលឈានមុខខាងផ្នែកបច្ចេកវិទ្យាកាមេរ៉ាឌីជីថល ដែលក្នុងនោះមាន កំរិតគុណភាព វីដេអូខ្ពស់ និងប្រព័ន្ធ Optical Stabilization។

រីឯក្រុមហ៊ុន Leica ផ្តោតសំខាន់ទៅលើរចនាបទអុបទីក (Optical design) ជាមួយនឹងក្រុមហ៊ុនដែលគេទទួលស្គាល់ទៅលើគុណតម្លៃសិល្បះហត្ថិកម្មដែលមានប្រវត្តិយូរ ឆ្នាំក្នុង ប្រទេស អាល្លឺម៉ង់(Germany)។ 

ចំណែកឯ SIGMA ជាក្រុមហ៊ុនជំនាញកម្រិតខ្ពស់ក្នុងផ្នែកអភិវឌ្ឍន៍ផលិត (Product Improvement) និងប្រព័ន្ធ ផលិតកម្មក្នុងទ្រង់ទ្រាយធំ (Mass Production System)។ ដោយសារតែជំនាញនិងគោលជំហរខុសៗ គ្នារវាង ក្រុមហ៊ុនទាំង 3 បានធ្វើឲ្យសម្ព័ន្ធមិត្តនេះបង្កើតឡើងដោយរលូននិងផ្តល់នូវផលិតផលដែល មានដំណើរការខ្ពស់ ជាមួយនឹង Lens ច្រើនដែលអាចផ្តល់ជាជម្រើសជាមួយកាមេរ៉ាដល់ទៅ 3 ម៉ាក។