Honor X9a 5G គឺជាស្មាតហ្វូនស៊េរីថ្មីមួយដែលបានក្លាយជាប្រធានបទថ្មីនៅលើបណ្តាញសង្គមនៅក្នុងស្រកខ្មែរយើងពីព្រោះថា ប៉ុន្មានថ្ងៃនេះ ឃើញថា មានការបង្ហោះនូវនូវវីដេអូមួយ ដែលនិយាយពីសមត្ថភាពនៃអេក្រង់របស់ស្មាតហ្វូននេះ។ នៅក្នុងវីដេអូមួយនោះ គេឃើញថា មានមនុស្សប្រុសម្នាក់បានយកស្មាតហ្វូនម៉ូដែលថ្មីនេះ ធ្វើការដំបំបែកផ្លែឱឡឹក និងគ្រាប់ធុញជាតិមួយទំហឹងៗតែម្តង ហើយបន្ទាប់ពីបុរសម្នាក់នោះ បានចុចទៅលើដំណើរអេក្រង់ស្មាតហ្វូននេះ ដោយអេក្រង់ស្មាតហ្វូននេះ ដើរបានយ៉ាងរលូនហាក់ដូចជាគ្មានអ្វីកើតឡើងនោះទេ។ ជាមួយគ្នានេះ ក៏មានាករបញ្ជាក់បន្ថែមថា ស្មាតហ្វូន Honor X9a 5G នឹងមានលក់នៅលើទីផ្សារកម្ពុជាយើង ជាមួយនិងតម្លៃប្រហែលជាជាង 300 ដុល្លារ ប៉ុន្តែមិនច្បាស់ថា ស្តើង ឬក្រាស់នោះទេ។
សូមជំរាបថា Honor X9a 5G ទើបតែបង្ហាញវត្តមាននៅលើទីផ្សារប្រទេសចិន និងជាម៉ូដែលមួយដែលមានការបំពាក់នូវអេក្រង់រឹងមាំខ្លាំងបំផុត។ អេក្រង់ស្មាតហ្វូននេះ មានសមត្ថភាពអាចវាយបំបែកនូវរបស់ផ្សេងៗបានថែមទៀតផង គឺពិតជាខ្លាំងមែនទែន។
សម្រាប់លក្ខណៈសម្បត្តិទូទៅរបស់ស្មាតហ្វូនជំនាន់ថ្មីម៉ូដែល Honor X9a 5G នេះ គឺមានការបំពាក់មកជាមួយនូវអេក្រង់ 6.67-អ៊ីង ដែលប្រភេទកញ្ចក់ AMOLED មានគែមអេក្រង់កោងកម្រិត 3D និងមានសមត្ថភាពអាចបង្ហាញចេញបាននៅក្នុងកម្រិត FHD+ និងមានទំហំ រីសូលូសិន 1080x2400pixels ខ្នាត 20:9 Aspect ratio ហើយនិងអាចរត់បានដល់ទៅល្បឿន 120Hz refresh rate និងគាំទ្រនូវកម្រិតចាក់ពណ៌ 10-bit ថែមទៀតផង។ ស្មាតហ្វូន Honor X9a 5G ត្រូវបានក្រុមហ៊ុនបំពាក់នូវប្រព័ន្ធស្កែនម្រាមដៃនៅលើអេក្រង់តែម្តង។
Honor X9a 5G មានការបំពាក់នូវកាមេរ៉ាមុខទំហំ 16-Megapixel ខណៈដែលកាមេរ៉ាក្រោយមាន 3 គ្រាប់ ដែលកាមេរ៉ាគោលមានទំហំ 64-Megapixel មាន Aperture F/1.8 និងគ្រាប់ទីពីរមានទំហំ 5-Megapixel ultra-wide, ហើយនិងគ្រាប់ទីបីទំហំ 2-Megapixel depth។ ស្មាតហ្វូនថ្មីនេះ រត់នៅស្បែកកម្មវិធី Magic UI 6.1 ផ្អែកលើ Android 12 OS។
ស្មាតហ្វូនជំនាន់ថ្មីម៉ូដែល Honor X9a 5G នេះ ត្រូវបានគេបំពាក់នូវបន្ទះឈីប Snapdragon 695 និងមានរ៉េម 8GB និងអង្គចងចាំទំហំ 256GB។ ស្មាតហ្វូននេះ មានថ្ម 5,100mAh អាចប្រើប្រាស់បាន 2 ថ្ងៃ ហើយថែមទាំងមានគាំទ្រនូវបច្ចេកវិទ្យាសាកកម្លាំង 40W charging ថែមទៀត។ សម្រាប់មុខងារថ្មីៗនៅលើស្មាតហ្វូន Honor X9a 5G គឺមានដូចជា Dual SIM, 5G, Wi-Fi 802.11ac, Bluetooth 5.1, GPS, NFC និងរន្ធ USB-C port។ ស្មាតហ្វូននេះមានវិមាត្រ 161.6x73.9x7.9mm និងទម្ងន់ 175 grams។ Honor X9a 5G នឹងមាន 3 ពណ៌ រួមមានដូចជា Titanium Silver, Emerald Green និង Midnight Black។
