no-alternative title

Honor ប្រកាសចេញនូវស្មាតហ្វូនស៊េរីថ្មី Honor 70, MagicBook 14 និង Honor Pad 8 នៅក្នុងព្រឹត្តិការណ៌ IFA 2022

កាលពីយប់មិញនេះ ក្រុមហ៊ុន Honor ដែលជាម៉ាកយីហោដ៏ល្បីរបស់ប្រទេសេចិន នឹងកំពុងតែមានសន្ទុះខ្លាំងនោះ បានចូលរួមនៅក្នុងព្រឹត្តិការណ៌ IFA 2022 នៅប្រទេសអាល្លឺម៉ង់ ហើយនិងបានប្រកាសចេញនូវផលិតផលថ្មីៗរបស់ខ្លួនជាច្រើនសម្រាប់ចេញលក់នៅលើទីផ្សារសកល។ ផលិតផលថ្មីៗទាំងនោះរួមមានដូចជា ស្មាតហ្វូនស៊េរីថ្មី Honor 70 Series, កុំព្យូទ័រ Honor MagicBook 14 និងថេប្លេត Honor Pad 8 ជាដើម។ 

ក្រុមហ៊ុន Honor បានប្រសិទ្ធិនាមព្រឹត្តិការណ៌របស់ខ្លួននេះថា គឺជាយុទ្ធសាស្រ្តថ្មី “Dual Flagship Strategy” ដោយខ្លួនមានគោលបំណងនាំយកនូវស្មាតហ្វូនអេក្រង់បត់បាន និងស្មាតហ្វូនលំដាប់ថ្នាក់ប្រណិតរបស់ខ្លួនទៅកាន់ទីផ្សារតំបន់អឺរ៉ុប និងបណ្តាប្រទេសជាច្រើនទៀតនៅជុំវិញពិភពលោក។ ប៉ុន្តែនៅក្នុងព្រឹត្តិការណ៌យប់មិញនេះ ក្រុមហ៊ុននេះ មិនបានបង្ហាញចេញនូវស្មាតហ្វូបបត់បាននោះទេ។ មានការបញ្ជាក់ថា ក្រុមហ៊ុននេះ អាចនឹងនាំយកនូវស្មាតហ្វូនបត់បានម៉ូដែល Honor Magic V ទៅកាន់ទីផ្សារនេះ ឬក៏អាចនឹងមានការប្រកាសចេញនូវម៉ូដែលថ្មីនាពេលឆាប់ៗនេះ។ 

រូបភាពពាណិជ្ជកម្ម
no-alternative title

ជាដំបូងនេះ យើងមកចាប់អារម្មណ៌ជាមួយ Honor 70:

Honor 70 គឺជាស្មាតហ្វូនថ្នាក់ប្រណិតមួយ ដែលត្រូវបានក្រុមហ៊ុនបំពាក់មកជាមួយនូវអេក្រង់ OLED display មានទំហំ 6.78-អ៊ីង និងអាចបង្ហាញចេញបានជាមួយនិងកម្រិតភាពច្បាស់ FHD+ ហើយនិងមានល្បឿន 120Hz refresh rate ព្រមទាំងមានកម្រិត 1,920Hz PWM dimming ថែមទៀងផង។ និយាយពីកម្លាំងម៉ាស៊ីនវិញ ស្មាតហ្វូននេះ គឺដំណើរការនៅលើបន្ទះឈីប Snapdragon 778G Plus SoC និងមានការគាំទ្រដោយបច្ចេកវិទ្យា GPU Turbo X ដែលអភិវឌ្ឍដោយ HONOR ផងដែរ។ ស្មាតហ្វូននេះប្រើប្រាស់រ៉េមទំហំ 8GB និងមានមេម៉ូរីក្នុងម៉ាស៊ីនទំហំ 256GB។

សម្រាប់ការថតរូបវិញ ស្មាតហ្វូន Honor 70 គឺមានការបំពាក់នូវកាមេរ៉ាក្រោយចំនួន 3 គ្រាប់ ដោយកាមេរ៉ាគោល គឺមានទំហំ 54-Megapixel IMX800 Super Sensing និងមានគ្រាប់ទីពីរទំហំ 50-Megapixel ជាប្រភេទ Ultra-Wide និង Macro Sensor ហើយនិងគ្រាប់ទីបីមានទំហំ 2-Megapixel Depth Sensor ខណៈដែលកាមេរ៉ាសែលហ្វី គឺមានទំហំ 32-Megapixel។ ស្មាតហ្វូននេះមានថ្មទំហំ 4,800mAh គាំទ្រដោយកម្លាំងសាក 66W fast charging។ សម្រាប់ software ស្មាតហ្វូនរត់ជាមួយ Android 12 ផ្អែកនៅលើស្បែកមុខកម្មវិធី Magic UI 6.1 ចេញពីប្រអប់តែម្តង។ ស្មាតហ្វូននេះក៏អាចនឹងអាប់ដែតទៅកាន់ស្បែកមុខកម្មវិធី Magic UI 7.0 បានឆាប់ៗនេះផងដែរ បន្ទាប់ការប្រកាសចេញជាផ្លូវការកាលពីយប់មិញនេះនៅ IFA។ 

ផលិតផលថ្មីទីពីរនេះ គឺថេប្លេត Honor Pad 8 

Honor Pad 8 គឺជាថេប្លេតដំបូងរបស់ក្រុមហ៊ុននេះដែលប្រកាសចេញនៅក្រៅប្រទេសចិន។ ថេប្លេតនេះ គឺមានអេក្រង់ LCD screen មានទំហំ 12-អ៊ីង និងបង្ហាញចេញបានកម្រិត 2K resolution ហើយនិងមានទំហំ 87% ធៀបនិងតួខ្លួន។ ថេប្លេតនេះបំពាក់នូវបន្ទះឈីប Snapdragon 680 និងមានអមមកជាមួយរ៉េមទំហំ 6GB ហើយនិងមានមេម៉ូរីក្នុងម៉ាស៊ីនទំហំ 128GB។ សម្រាប់ផ្នែកទន់វិញ ថេប្លេតនេះ រត់នៅលើប្រព័ន្ធប្រតិបត្តិការ Android 12 ផ្អែកនៅលើស្បែកកម្មវិធី Magic UI 6។ និយាយពីប្រព័ន្ធសម្លេងវិញ ថេប្លេតនេះ គឺមានបំពាក់នូវឧបាល័រចំនួន 8 គ្រាប់ ដែលមានការគាំទ្រដោយបច្ចេកវិទ្យា DTS audio tuning technology ដែលផ្តល់នូវបទពិសោធន៌សម្លេងពិរោះបំផុត។ ថេប្លេតថ្មីនេះ មានកាមេរ៉ាមុខ និងកាមេរ៉ាក្រោយ ទំហំ 5-Megapixel ដូចគ្នា។ ថេប្លេតនេះ មានថ្មទំហំ 7,250mAh និងមានការគាំទ្រដោយកម្លាំង 22.5W fast charging។ 

សម្រាប់ផលិតចុងក្រោយនេះ គឺ Honor MagicBook 14

MagicBook 14 គឺជា កុំព្យូទ័រយួរដៃជំនាន់ថ្មី មានអេក្រង់ទំហំ 14-អ៊ីង បង្ហាញចេញបានកម្រិត 2.1K screen និងមានកម្រិតពន្លឺ 300 nits ហើយនិងមានការគាំទ្រដោយ 100% sRGB rich color gamut ថែមទៀត។ ចំណុចពិសេសនៅលើអេក្រង់នេះ គឺមានបច្ចេកវិទ្យាការពារភ្នែក ដែលមានការទទួលស្គាល់ដោយស្ថាប័ន TUV Rheinland តែម្តង។ កុំព្យូទ័រយួរដៃជំនាន់ថ្មី Honor MagicBook 14 គឺតម្លើងមកជាមួយនូវបន្ទះឈីប Intel Core i5-12500H ជំនាន់ទី 12th Gen និងមានការគាំទ្រដោយក្រាហ្វិកកាត NVIDIA GeForce RTX 2050 ថែមទៀតផង។ ម៉ាស៊ីននេះ គឺបំពាក់នូវរ៉េមទំហំ 16GB ប្រភេទ LPDDR5 RAM និងមានមេម៉ូរីទំហំ 512GB ជាប្រភេទ PCIe Gen4 SSD។

MagicBook 14 គឺមានការប្រើប្រាស់នូវថាមពលថ្ម ដែលមានការអាប់ដែតខ្លាំងជាងម៉ូដែលមុន 20.8%។ សម្រាប់ប្រព័ន្ធប្រតិបត្តិការ គឺតម្លើងមកជាមួយនូវ Microsoft Windows 11 និង Office H&S 2021 pre-installed។ MagicBook 14 មានតួរខ្លួនផលិតចេញពីលោហៈធាតុមានគុណភាពខ្ពស់ និងមានថ្មទំហំ 75Wh ដែលទ្រទ្រង់ជាមួយបច្ចេកវិទ្យាសាកកម្លាំង 100W rapid charging ដែលសាកពេញម្តង គឺប្រើពេលត្រឹមតែ 80 នាទីប៉ុណ្ណោះ អ្វីដែលពិសេសម៉ាស៊ីនថ្មីនេះ ក៏មានមុខងារសាក reverse charging នៅពេលបិទផងដែរ។ 

តម្លៃ និងកាលបរិច្ឆេតនៃការចេញលក់:

ស្មាតហ្វូន Honor 70 អាចរកជាវបានៅលើបណ្តាទីផ្សារមួយចំនួននៅតំបន់អឺរ៉ុបឆាប់ៗនេះ។ នៅលើទីផ្សារប្រទេសអង់គ្លេស គឺមានតម្លៃ £480 សម្រាប់ទំហំ 8GB+128GB ខណៈដែលបណ្តាប្រទេសផ្សេងៗ ស្មាតហ្វូន Honor 70 នឹងមានតម្លៃ €550 សម្រាប់ទំហំ 8GB+128GB ដូចគ្នា។ ចំពោះទំហំ 8GB+256GB នឹងមានតម្លៃ €600។

ស្មាតហ្វូននេះមាន 3 ពណ៌ គឺ Crystal Silver, Emerald Green និង Midnight Black។ និយាយពី Honor Pad 8 ក៏នឹងមានលក់ដូចគ្នានៅលើទីផ្សារ ដោយនៅអង់គ្លេស មានតម្លៃ £250 សម្រាប់ទំហំ 4GB+128GB និងនៅបណ្តាប្រទេសផ្សេងទៀត មានតម្លៃ €330 សម្រាប់ទំហំ 4GB+128GB  ខណៈដែលទំហំ 6GB-128GB តម្លៃ €350។

ជាមួយគ្នានេះដែរ សម្រាប់ស្មាតហ្វូនម៉ូដែល Honor Magic 4 Pro ក៏នឹងក្លាយជាស្មាតហ្វូនលំដាប់ថ្នាក់ប្រណិតរបស់ក្រុមហ៊ុននេះ ដែលនឹងមានចេញលក់នៅលើទីផ្សារក្រៅប្រទេសជាលើកដំបូងផងដែរ គិតចាប់តាំងពីការប្រកាសចេញលក់នៅប្រទេឹសចិន។ ស្មាតហ្វូន Honor Magic 4 Pro ចាប់ពីទីផ្សារតំបន់អឺរ៉ុបមុនគេ។ 

ក្រឡេកមកមើល Honor MagicBook 14 ក៏នឹងមានចេញលក់នៅលើទីផ្សារដូចគ្នានេះដែរ ដោយម៉ូដែល Core i5 មានតម្លៃ €1,099។ ហើយប្រសិនបើរើសយកម៉ូដែលមានក្រហ្វិក NVIDIA GeForce RTX 2050 GPU គឺនឹងមានតម្លៃ  €1,299។ ផលិតផលទាំងបីនេះ គឺនឹងមានលក់ជាផ្លូវការនៅថ្ងៃទី 18 ខែកញ្ញាខាងមុខនេះហើយ។

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
 HONOR X7b ថ្មអមតៈ ធន់មាំស្វិត ថតរូបច្បាស់ស្អាតកម្រិតអាជីព មានលក់ជាផ្លូវការហើយតម្លៃត្រឹមតែ 169$ ប៉ុណ្ណោះ!

HONOR X7b ថ្មអមតៈ ធន់មាំស្វិត ថតរូបច្បាស់ស្អាតកម្រិតអាជីព មានលក់ជាផ្លូវការហើយតម្លៃត្រឹមតែ 169$ ប៉ុណ្ណោះ!

ដោយ ប៉េងលីន
ទិញរថយន្ត ទៅលេងអឺរ៉ុប! PEUGEOT Cambodia ធ្វើសេចក្តីប្រកាសពត៌មានជាផ្លូវការ សំរាប់កម្មវិធីដ៏រីករាយនេះជូនដល់អតិថិជនពើហ្សូទាំងអស់!

ទិញរថយន្ត ទៅលេងអឺរ៉ុប! PEUGEOT Cambodia ធ្វើសេចក្តីប្រកាសពត៌មានជាផ្លូវការ សំរាប់កម្មវិធីដ៏រីករាយនេះជូនដល់អតិថិជនពើហ្សូទាំងអស់!

ដោយ ប៉េងលីន
រថយន្តអគ្គិសនី Xpeng P7i Wing Edition បង្ហាញខ្លួនជាមួយលក្ខណៈសម្បត្តិខ្ពស់ជាងម៉ូដែលមុន នឹងមានតម្លៃ 30900 ដុល្លារ

រថយន្តអគ្គិសនី Xpeng P7i Wing Edition បង្ហាញខ្លួនជាមួយលក្ខណៈសម្បត្តិខ្ពស់ជាងម៉ូដែលមុន នឹងមានតម្លៃ 30900 ដុល្លារ

ដោយ ប៉េងលីន
ការឌីស្សាញផ្នែកខាងក្រៅ និងខាងក្នុងនៃរថយន្ត Kia K4 ត្រូវបានបង្ហាញចេញនៅមុនការមកដល់នៅថ្ងៃទី 27 ខែមេសា

ការឌីស្សាញផ្នែកខាងក្រៅ និងខាងក្នុងនៃរថយន្ត Kia K4 ត្រូវបានបង្ហាញចេញនៅមុនការមកដល់នៅថ្ងៃទី 27 ខែមេសា

ដោយ ប៉េងលីន
រថយន្តអគ្គិសនី Aito M9 មានការបញ្ជាទិញច្រើនជាង 60,000 គ្រឿងហើយក្រោយពីការប្រកាសចេញបាន 86 ថ្ងៃ

រថយន្តអគ្គិសនី Aito M9 មានការបញ្ជាទិញច្រើនជាង 60,000 គ្រឿងហើយក្រោយពីការប្រកាសចេញបាន 86 ថ្ងៃ

ដោយ ប៉េងលីន
នៅពេលនេះ តាក់ស៊ីហោះ បានចាប់ផ្តើមដាក់លក់នៅលើទីផ្សារអនឡាញនៅក្នុងប្រទេសចិនហើយ

នៅពេលនេះ តាក់ស៊ីហោះ បានចាប់ផ្តើមដាក់លក់នៅលើទីផ្សារអនឡាញនៅក្នុងប្រទេសចិនហើយ

ដោយ ប៉េងលីន