វគ្គបណ្ដុះបណ្ដាលរបស់ក្រុមហ៊ុនសាមសុង “Samsung Innovation Campus” ចាប់ដំណើរការជាផ្លូវការចាប់ពីថ្ងៃនេះហើយ!

វគ្គបណ្ដុះបណ្ដាល “Samsung Innovation Campus” ដែលជាកម្មវិធីសម្រាប់យុវជនកម្ពុជា ដើម្បីពង្រឹងសមត្ថភាពបច្ចេកវិទ្យទំនាក់ទំនងព័ត៌មាន (ICT) ត្រូវបានបើកជាផ្លូវការ នៅសកលវិទ្យាល័យភូមិន្ទ ភ្នំពេញ ដោយមាន 2 វគ្គ និងមានសិក្ខាកាមចូលរួមសរុបចំនួន ៦០ នាក់។ មានបេក្ខជនដាក់ពាំក្យជាង 400 នាក់ ដែលត្រូវបានឆ្លងកាត់ការជម្រុះជាច្រើនដំណាក់ពីការប្រលង  ការវាយតម្លៃពីលោកគ្រូ-អ្នកគ្រូ ទើបសំរេចជ្រើសរើសបាននិស្សិត 60 រូបនេះ ។

វគ្គបណ្ដុះបណ្ដាល “Samsung Innovation Campus” នេះ ត្រូវបានផ្ដួចផ្ដើមដោយក្រុមហ៊ុនសាមសុងក្នុងកិច្ចសហការជាមួយសកលវិទ្យាល័យភូមិន្ទភ្នំពេញ ដើម្បីផ្តល់ឱ្យយុវជននិស្សិតកម្ពុជានូវចំណេះដឹងថ្មីៗស្របតាមស្តង់ដារអន្តរជាតិ ។ កម្មវិធីនេះបានផ្ដល់នូវការសិក្សាអំពី Coding  & Programming ជាមួយភាសាកូដ Pyton ដែលជាភាសាកូដមានប្រជាប្រិយភាពបំផុត និងកំពុងប្រើប្រាស់គ្រប់ទិសទីពេញពិភពលោក ។ និស្សិតដែលបានបញ្ចប់កម្មវិធី Coding  & Programming នេះ នឹងបានឳកាសទៅសិក្សាវគ្គបន្ត ឳកាសការងារ និងឳកាសល្អៗជាច្រើនទៀត  ក្រោមកិច្ចសហការខិតខំជួយជ្រោមជ្រែងពីសកលវិទ្យាល័យភូមិន្ទភ្នំពេញ និងក្រុមហ៊ុនសាមសុង ។ 

 

ដោយប្រកាន់ភ្ជាប់ជាមួយគោលការណ៍រួមចំណែកផ្ដល់ផលវិជ្ជមានដល់សង្គម ក្នុងប្រតិបត្តការផ្តល់សេវានិងផ្គត់ផ្គង់ផលិតផល ក្រុមហ៊ុនសាមសុងតែងតែបង្កើតឱកាសសម្រាប់ប្រជាជន និងសហគមន៍ដើម្បីអភិវឌ្ឍឲ្យកាន់តែប្រសើរឡើងជាលំដាប់។ ក្នុងនោះ ការរួមចំណែកបណ្ដុះបណ្ដាលធនធានមនុស្ស គឺជាអាទិភាពមួយរបស់ក្រុមហ៊ុន ដោយធ្វើយ៉ាងណាជួយដល់យុវជន ដើម្បីឲ្យពួកគេអាចបញ្ចេញសក្តានុពល និងទេព្យកោសល្យរបស់ខ្លួនក្នុងការបម្រើជីវភាពខ្លួនឯងផង និងសង្គមជាតិទាំងមូលផង។  

  

លោក Hyung Geun Lee អគ្គនាយកសាខាក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា បានបញ្ជាក់ថា “សម្រាប់សាមសុង នេះគឺជាកិច្ចការដែលមានសារៈសំខាន់ណាស់ក្នុង ការជួយដល់សង្គម ព្រោះគោលបំណងរបស់យើង មិនមែនផ្ដោតតែលើការលក់ផលិតផលនោះឡើយ ពោលគឺចួលរួមផ្ដល់ផលវិជ្ជមាន និងប្រយោជន៍ដល់សង្គមតាមរយ:ការពង្រើកចំណេះដឹងយុវជនសម័យថ្មីតាមរយៈកម្មវិធីនានា រួមទាំងកម្មវិធី Samsung Innovation Campus ។ ហើយយើងរំពឹងទុកថា វគ្គបណ្ដុះបណ្ដាលនេះនឹងទទួលបានភាពជោគជ័យ ក្នុងការផ្ទេរចំណេះនិងជំនាញចាំបាច់ដល់សិក្ខាកាមទាំង៦០នាក់ដែលបានចូលរួមក្នុងវគ្គនេះ ។ យើងជឿជាក់ថាជំនាញទាំងនេះ នឹងជួយឲ្យប្អូនៗចូលរួមបានកាន់តែច្រើនក្នុងការអភិវឌ្ឍសង្គមជាតិរបស់ខ្លួន។”  

 

សូមរំលឹកផងដែរថា កម្មវិធី Samsung Innovation Campus នេះ គឺជាសមិទ្ធផលនៃការចុះអនុស្សារណៈនៃការយោគយល់គ្នារវាងសកលវិទ្យាល័យភូមិន្ទភ្នំពេញ និងក្រុមហ៊ុនសាមសុង ដែលជាផ្នែកមួយនៃយុទ្ធនាការរបស់ Samsung ដើម្បីផ្តល់ការគាំទ្រយ៉ាងមុតមាំ សំរាប់បេក្ខភាពទីក្រុងប៊ូសានក្លាយជាម្ចាស់ផ្ទះនៃពិព័រណ៍ពិភពលោក World Expo 2030 ។  ក្នុងនាមជាសមាជិកពេញសិទ្ធិនៃគណៈកម្មាធិការជំរុញការបោះឆ្នោតជ្រើសរើសទីក្រុង Busan សំរាប់ World Expo 2030 ក្រុមហ៊ុនសាមសុងក៏បានធ្វើការណែនាំពីគុណសម្បត្តិនៃទីក្រុងប៊ូសានដែលមានលក្ខណៈទំនើប  ស៊ីវិល័យ  សមត្ថភាពផ្នែកបច្ចេកវិទ្យា  និងលក្ខណ្ឌអំណោយផលជាច្រើនទៀត  រួមទាំងការប្តេជ្ញាចិត្តរបស់រដ្ឋាភិបាលកូរ៉េដើម្បីសំរេចឲបានជោគជ័យសំរាប់កម្មវិធី Busan World Expo 2030 នេះ ។  

អំពី Samsung Electronics Co., Ltd.  

Samsung បំផុសគំនិតពិភពលោក និងរៀបចំអនាគតជាមួយនឹងការផ្លាស់ប្តូរគំនិត និងបច្ចេកវិទ្យាថ្មី។ ក្រុមហ៊ុនកំពុងកំណត់ឡើងវិញនូវពិភព ទូរទស្សន៍ ទូរស័ព្ទឆ្លាតវៃ នាឡិការឆ្លាយវៃ ថេប្លេត បរិក្ខារឆ្លាតវៃ network systems, memory ប្រព័ន្ធ LSI ដំណោះស្រាយ foundry and LED ។ សម្រាប់ព័ត៌មានថ្មីៗ សូមចូលទៅកាន់ Samsung Newsroom តាមរយៈ http://news.samsung.com ។

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
OPPO កំពុងស្វែងរកម្ចាស់ប្រាក់លានជារៀងរាល់ថ្ងៃ! អ្នកណាខ្លះចង់ក្លាយជាសេដ្ឋីប្រាក់លានចុងឆ្នាំ2022?

OPPO កំពុងស្វែងរកម្ចាស់ប្រាក់លានជារៀងរាល់ថ្ងៃ! អ្នកណាខ្លះចង់ក្លាយជាសេដ្ឋីប្រាក់លានចុងឆ្នាំ2022?

ដោយ ប៉េងលីន
លេចធ្លាយព័ត៌មានសំខាន់របស់ Redmi K60 Series នៅមុនការសម្ពោធជាផ្លូវការណ៌!

លេចធ្លាយព័ត៌មានសំខាន់របស់ Redmi K60 Series នៅមុនការសម្ពោធជាផ្លូវការណ៌!

ដោយ ប៉េងលីន
 ASUS Exclusive Store បើកសម្ពោធជាផ្លូវការណ៌នៅលើទីផ្សារកម្ពុជា ជាមួយនិងការដាក់តាំងលក់ផលិតផលជាច្រើន

ASUS Exclusive Store បើកសម្ពោធជាផ្លូវការណ៌នៅលើទីផ្សារកម្ពុជា ជាមួយនិងការដាក់តាំងលក់ផលិតផលជាច្រើន

ដោយ ប៉េងលីន
Samsung Galaxy S23 និង Galaxy S23 Plus បង្ហាញវត្តមាននៅលើ FCC មុនការប្រកាសចេញនៅខែកុម្ភៈ

Samsung Galaxy S23 និង Galaxy S23 Plus បង្ហាញវត្តមាននៅលើ FCC មុនការប្រកាសចេញនៅខែកុម្ភៈ

ដោយ ប៉េងលីន
ក្រុមហ៊ុន GGEAR GROUP សហការជាមួយ Footprints International School រៀបចំកម្មវិធីបរិច្ចាគឈាមដោយស្ម័គ្រចិត្ត នៅថ្ងៃទី 17 ខែធ្នូ ឆ្នាំ 2022

ក្រុមហ៊ុន GGEAR GROUP សហការជាមួយ Footprints International School រៀបចំកម្មវិធីបរិច្ចាគឈាមដោយស្ម័គ្រចិត្ត នៅថ្ងៃទី 17 ខែធ្នូ ឆ្នាំ 2022

ដោយ ប៉េងលីន
តើអ្នកជួបរឿងអ្វីខ្លះក្នុងឆ្នាំ 2022? តោះបង្ហោះរូបបង្ហាញអារម្មណ៍ ដើម្បីបានកាដូជាច្រើនដោយ Free Free ពី OPPO!

តើអ្នកជួបរឿងអ្វីខ្លះក្នុងឆ្នាំ 2022? តោះបង្ហោះរូបបង្ហាញអារម្មណ៍ ដើម្បីបានកាដូជាច្រើនដោយ Free Free ពី OPPO!

ដោយ ប៉េងលីន