Honor Showroom ផ្សារទំនើបសុរិយា ចាប់ផ្តើមបើកដំណើរការបំរើសេវាកម្មជូនអតិថិជនហើយ

ថ្មីៗនេះ បន្ទាប់ពីបានប្រកាសពីវត្តមានរបស់ Showroom ដ៏ទំនើបមួយស្ថិតនៅក្នុងផ្សារទំនើបរតនាផ្លាហ្សារួចមក នៅថ្ងៃនេះ ក្រុមហ៊ុន Honor បានដាក់អោយដំណើរការនូវ Honor Showroom ថ្មីមួយទៀតហើយនៅក្នុងទីក្រុងភ្នំពេញ ដែលសាខាថ្មី នេះ គឺមានទីតាំងស្ថិតនៅលើផ្សារទំនើបសុរីយា ជាន់ទី 2 ហើយក៏ចាប់ផ្តើមបំរើសេវាកម្មជូនអតិថិជនចាប់ពីដថ្ងៃនេះផងដែរ។

Honor Showroom សាខាថ្មីផ្សារទំនើបសុរិយា គឺជាទីតាំងថ្មីមួយទៀត ដែលស្ថិតនៅចំបេះដូងនៃរាជធានីភ្នំពេញតែម្តង ហើយទីនេះក៏ជាមជ្ឈមណ្ឌលតាំងបង្ហាញ និងផលិតផលទំនើបជាច្រើនផងដែរ។ នៅក្នុង Honor Showroom សាខាថ្មី ផ្សារទំនើបសុរិយានេះ គឺមានដាក់តាមង និងលក់នូវផលិតផល Honor ដែលមានការឌីស្សាញ ជាមួយនិងរចនាបទថ្មី មាន ភាពទំនើបប្រកបដោយភាពច្នៃប្រឌិតបំផុត។ ក្រៅតែមានការដាក់តាំងនូវស្មាតហ្វូនទំនើបៗរបស់ ម៉ាក់ Honor នៅទីនោះក៏នូវមានបុគ្គលិកជំនាញៗជាច្រើនរូបរង់ចាំបំរើសេវាកម្មជូនអតិថិជនទៀតផង។

ជាមួយនិងវត្តមាននូវ Honor Showroom ថ្មីនៅពេលនេះ គឺអាចបញ្ជាក់អោយយើងដឹងច្បាស់ថា ក្រុមហ៊ុនស្មាតហ្វូនដែល ទើបនឹងបង្ហាញខ្លួននៅលើទីផ្សារប្រទេសកម្ពុជា រយៈពេៈខ្លីមួយនេះ គឺបាននឹងកំពុងតែធ្វើការវិនិយោគកាន់តែខ្លាំងថែមទៀត ហើយ តាមរយៈនៃការពង្រីកខ្លួននៅតាមបណ្តាទីផ្សារសំខាន់ៗនៅពេលនេះ។ ដូច្នេះចាប់ពីពេលនេះ សម្រាប់គ្រប់ៗគ្នា ដែល ជាអ្នកគាំទ្រផលិតផលស្មាតហ្វូន Honor នឹងអាចចូលទស្សនា ក៏ដូចជាទទួលបាននូវសេវាកម្ម និងផលិតផលថ្មីៗកាន់តែច្រើន ថែមទៀតពី Honor Showroom នេះបាន។