no-alternative title

ក្រុមហ៊ុន ថៃសាមសុង អេឡិកត្រូនិក ប្រចាំប្រទេសកម្ពុជា និង ក្រុមហ៊ុន ជីប ម៉ុង គ្រុប ចុះហត្ថលេខាអនុស្សរណៈកិច្ចសហការ ដើម្បីពង្រីកទីផ្សារស្មាតហ្វូននៅក្នុងប្រទេសកម្ពុជា

ភ្នំពេញ៖ កាលពីថ្ងៃទី ២៥ ខែមីនា ឆ្នាំ២០២៤៖ ក្រុមហ៊ុនថៃសាមសុង អេឡិកត្រូនិកប្រចាំ ប្រទេសកម្ពុជាបានប្រារព្ធពិធីចុះហត្ថលេខាអនុស្សរណៈ កិច្ចសហការជាមួយក្រុមហ៊ុន ជីប ម៉ុង គ្រុប នៅសណ្ឋាគារ ហៃយ៉ាត់ រីជិនស៊ី ភ្នំពេញ។

 

រូបភាពពាណិជ្ជកម្ម
no-alternative title

ព្រឹត្តិការណ៌ដ៍មហោឡារឹកនេះ គឺមានការអញ្ជើញញចូលរួមក្រោយអធិបតីភាពសម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាលព្រះមហាក្សត្រនៃព្រះរាជាណាចក្រកម្ពុជាលោកជំទាវអ្នកឧកញ៉ា ភាព ហៀក ស្ថាបនិកក្រុមហ៊ុន ជីប ម៉ុង គ្រុប លោក Mark Kim អគ្គនាយកគ្រប់គ្រងផលិតផលទូរស័ព្ទប្រចាំប្រទេសថៃ និង ឥណ្ឌូចិន ឯកឧត្តម លោកជំទាវ គណៈគ្រប់គ្រង និងបុគ្គលិកជាច្រើនរូបទៀត។ 

កិច្ចសហការដ៏សំខាន់មួយនេះ បានបើកទំព័រថ្មីសម្រាប់ការពង្រីកទីផ្សារស្មាតហ្វូតនៅក្នុងប្រទេសកម្ពុជា ជំរុញនូវសក្តានុពល និងការរីកចម្រើនសេដ្ឋកិច្ចជាតិផងដែរ។ ក្រុមហ៊ុន ជីប ម៉ុង គ្រុប ដែលជាក្រុមហ៊ុនវិនិយោគពហុវិស័យឈានមុខគេនៅក្នុង ប្រទេសកម្ពុជា នឹងពង្រីកបណ្ដាញចែកចាយ និងបង្កើនការក្ដោបក្ដាប់ចំណែក ទីផ្សារទូរស័ព្ទស្មាតហ្វូនរបស់ខ្លួនឱ្យកាន់តែទូលំទូលាយ ដើម្បីផ្តល់ជូននូវតម្លៃ និង សេវាកម្មល្អ ឆ្លើយតបទៅនឹងតម្រូវការប្រើប្រាស់ និងទំនុកចិត្តខ្ពស់ពីអតិថិជនដែល តែងតែគាំទ្រផលិតផលសាមសុង។

ស្របពេលនៃការចុះហត្ថលេខាអនុស្សរណៈនេះដែរ លោក Mark Kim អគ្គនាយក គ្រប់គ្រងផលិតផលទូរស័ព្ទប្រចាំប្រទេសថៃ និង ឥណ្ឌូចិន បានមានប្រសាសន៍ថា “យើងជឿជាក់យ៉ាងមុតមាំថា ភាពជាដៃគូសហការនេះនឹងបង្កើតមូលដ្ឋានគ្រឹះដ៏រឹង មាំសម្រាប់ការពង្រឹងវត្តមានទីផ្សាររបស់ ក្រុមហ៊ុនសាមសុង នៅក្នុងប្រទេសកម្ពុជា ឱ្យកាន់តែទូលំទូលាយជាងមុខទៅទៀត។

លើសពីនេះ កម្ពុជា គឺជាទីផ្សារស្មាតហ្វូន ដ៏មានសក្ដានុពលមួយ ហើយស្របពេលសេដ្ឋកិច្ចកម្ពុជា កំពុងតែរីកចម្រើនទៅមុខ ចំនួនប្រជាជនក៏ចេះតែកើនឡើងជាលំដាប់ វាជាឱកាសដ៏ល្អសម្រាប់ការពង្រីក ទីផ្សាររបស់ក្រុមហ៊ុនសាមសុង នៅកម្ពុជា។ តាងនាមឱ្យក្រុមហ៊ុនថៃសាមសុង អេឡិកត្រូនិក ប្រចាំប្រទេសកម្ពុជា ក៏សូមថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុន ជីប ម៉ុង គ្រុប សម្រាប់ទំនុកចិត្ត ពិសេសភាពជឿជាក់ចំពោះស្មាតហ្វូន របស់ សាមសុង ផងដែរ” ។

ឆ្លៀតក្នុងឱកាសនេះ អ្នកឧកញ៉ា លាង ឃុន សហស្ថាបនិក និងជាប្រធានក្រុម ប្រឹក្សាភិបាលក្រុមហ៊ុន ជីប ម៉ុង គ្រុប បានមានប្រសាសន៍បន្ថែមទៀតផងដែរថា “កិច្ចសហការរបស់យើងជាមួយក្រុមហ៊ុន សាមសុង គឺជាសក្ខីភាពមួយឆ្លុះបញ្ចាំងពីការប្តេជ្ញាចិត្តរបស់ក្រុមហ៊ុន ជីប ម៉ុង គ្រុប ចំពោះនវានុវត្តន៍ថ្មី និងការបម្រើ អតិថិជនដោយការយកចិត្តទុកដាក់ និងភាពស្មោះត្រង់។

យើងសង្ឃឹមយ៉ាងមុតមាំ ថា ភាពជាដៃគូសហការនេះនឹងទទួលបានជោគជ័យយ៉ាងត្រចះត្រចង់ដែលផ្តល់ អត្ថប្រយោជន៍ដល់ក្រុមហ៊ុនទាំងពីរ និងរួមចំណែកដល់ការផ្លាស់ប្តូរនៃវិស័យ ឌីជីថលនៅកម្ពុជា ផងដែរ។ ម្យ៉ាងវិញទៀត ក្នុងនាមជាក្រុមហ៊ុនឈានមុខគេមួយ នៅក្នុងប្រទេសកម្ពុជា ក្រុមហ៊ុន ជីប ម៉ុង គ្រុប តែងតែបង្ហាញពីភាពស្មោះត្រង់របស់ ខ្លួនដោយការអនុវត្តអាជីវកម្មប្រកបដោយក្រមសីលធម៌ និងការអនុលោមតាម បទប្បញ្ញត្តិពន្ធរបស់រាជរដ្ឋាភិបាលកម្ពុជា ដែលធានាបាននូវការប្រកួតប្រជែង ដោយយុត្តិធម៌ និងការពារផលប្រយោជន៍ជូនអ្នកប្រើប្រាស់ផងដែរ”។ 

ក្រុមហ៊ុន សាមសុង គឺជាក្រុមហ៊ុនឈានមុខគេនៅលើវិស័យបច្ចេកវិទ្យាដែល ទទួលបានការគាំទ្រយ៉ាងខ្លាំងពីអតិថិជននៅទូទាំងពិភពលោក ដោយផ្តល់ជូននូវគ្រឿងបរិក្ខារអេឡិកត្រូនិកដែលសម្បូរបែបរួមមាន ទូរទស្សន៍ ទូរស័ព្ទស្មាតហ្វូន នាឡិកា ថេប្លែត បរិក្ខារក្នុងផ្ទះ ប្រព័ន្ធ Network Memory និង LED ផងដែរ។ សម្រាប់ព័ត៌មានលម្អិត សូមចូលទៅកាន់ www.news.samsung.com ។ 

 

ព័ត៌មានពាណិជ្ជកម្ម
អត្ថបទគួរចាប់អារម្មណ៍
Changan E07 រថយន្តអគ្គិសនីប្រភេទ SUV ស៊េរីថ្មីនឹងបង្ហាញវត្តមាននៅក្នុងព្រឹត្តិការណ៍ពិព័រណ៌រថយន្ត Beijing Auto Show

Changan E07 រថយន្តអគ្គិសនីប្រភេទ SUV ស៊េរីថ្មីនឹងបង្ហាញវត្តមាននៅក្នុងព្រឹត្តិការណ៍ពិព័រណ៌រថយន្ត Beijing Auto Show

ដោយ ប៉េងលីន
ការលក់ថ្ងៃដំបូងរបស់ស្មាតហ្វូន Huawei Pura 70 Ultra និង Pro អស់ស្តុករលីង នៅក្នុងពេលតែមួយនាទីប៉ុណ្ណោះ!

ការលក់ថ្ងៃដំបូងរបស់ស្មាតហ្វូន Huawei Pura 70 Ultra និង Pro អស់ស្តុករលីង នៅក្នុងពេលតែមួយនាទីប៉ុណ្ណោះ!

ដោយ ប៉េងលីន
កាមេរ៉ានៅលើ iPhone 16 Pro នឹងមានសមត្ថភាពខ្ពស់អាចដោះស្រាយបានទៅលើបញ្ហា Flare និង Ghosting

កាមេរ៉ានៅលើ iPhone 16 Pro នឹងមានសមត្ថភាពខ្ពស់អាចដោះស្រាយបានទៅលើបញ្ហា Flare និង Ghosting

ដោយ ប៉េងលីន
Huawei Nova 13 Series ក៏អាចនឹងបំពាក់នូវបន្ទះឈីបជំនាន់ថ្មី Kirin 9010 ដូច Pura 70 Series អញ្ចឹងដែរ

Huawei Nova 13 Series ក៏អាចនឹងបំពាក់នូវបន្ទះឈីបជំនាន់ថ្មី Kirin 9010 ដូច Pura 70 Series អញ្ចឹងដែរ

ដោយ ប៉េងលីន
Samsung ឡើងឈរលើកំពូលតារាងនៅក្នុងត្រីមាសទី 1 ឆ្នាំ 2024 បន្ទាប់ពីការនាំចេញទៅលើ iPhone មានការធ្លាក់ចុះ

Samsung ឡើងឈរលើកំពូលតារាងនៅក្នុងត្រីមាសទី 1 ឆ្នាំ 2024 បន្ទាប់ពីការនាំចេញទៅលើ iPhone មានការធ្លាក់ចុះ

ដោយ ប៉េងលីន
បញ្ហាការផលិត Huawei Pura 70 Series អាចនឹងធ្វើអោយការផ្គត់ផ្គង់ទៅលើម៉ូដែល Pro មានការលំបាក

បញ្ហាការផលិត Huawei Pura 70 Series អាចនឹងធ្វើអោយការផ្គត់ផ្គង់ទៅលើម៉ូដែល Pro មានការលំបាក

ដោយ ប៉េងលីន