ASUS Vivobook Classic Series 2023 ប្រកាសចេញលក់នៅកម្ពុជា តម្លៃត្រឹមតែ $799 ប៉ុណ្ណោះ

ថ្មីៗនេះ ក្រុមហ៊ុនបច្ចេកវិទ្យា ASUS ទើបតែប្រកាសបង្ហាញនូវកុំព្យូទ័រម៉ូឌែលថ្មី 2023 Vivobook Classic series នោះគឺម៉ូឌែល 16-inch Vivobook 16X (K3605) ។ កុំព្យូទ័រថ្មីនេះមានក្រាហ្វិកកាត NVIDIA GeForce RTX™ 2050 GPU ជាមួយនឹងបន្ទះឈីប 13th Gen Intel Core H-series processors និងរ៉េមទំហំដល់ទៅ 8GB ។  ការប្រើប្រាស់នូវក្រាហ្វិកកាត បន្ទះឈីបនេះពិតជាធ្វើអោយកុំព្យូទ័រម៉ូឌែល K3605 នេះពិតជាមានភាពខ្លាំងក្លាបំផុតក្នុងការប្រើប្រាស់ និងតម្លៃសមរម្យថែមទៀត។

 

កុំព្យូទ័រ Vivobook 16X (K3605) នេះបំពាក់នូវអេក្រង់ FHD displays ជាមួយនឹងប្រព័ន្ធសំឡេង Dirac-tuned audio system និងកាមេរ៉ា HD webcam ជាមួយនឹងបច្ចេកវិទ្យា ASUS 3D Noise Reduction (3DNR) ដែលធានាទៅលើការកម្សាន្តបានយ៉ាងសម្បូរបែប និងកម្រិតសំឡេងលឺច្បាស់កម្រិតគ្រីស្តាល់ថែមទៀត។ កុំព្យូទ័រនេះប្រើប្រាស់នូវ WiFi 6E (802.11ax) កម្រិតខ្ពស់ និងថាមពលថ្មប្រើប្រាស់បានយូរជាមួយនឹងបច្ចេកវិទ្យាសាកថ្មលឿនថែមទៀត។ 

 

បើនិយាយអំពីការតភ្ជាប់វិញនោះ កុំព្យូទ័រនេះមានរន្ធ connectivity ច្រើនទៅលើ I/O ports របស់វាដែលមានដូចជា Thunderbolt™ 4, USB 3.2 Gen 1 Type-C®, Type-A, HDMI® 2.1 និង SD card reader ថែមទៀត។ ដើម្បីធានាទៅលើការប្រើប្រាស់បានយូរនោះ កុំព្យូទ័រ Vivobook ថ្មីនេះក៏តេស្តជាមួយនឹងស្តង់ដារ MIL-STD-810H ដែលធានាទៅលើភាពធន់របស់វាផងដែរ។ កុំព្យូទ័រនេះផលិតឡើងចេញពីប្លាស្ទិកកែច្នៃឡើងវិញ 30% post-consumer recycled (PCR) plastics ហើយប្រអប់វេចខ្ចប់ឡើងវិញ 100% recyclable packaging ដែលអនុលោមទៅតាមស្តង់ដារ EPEAT Silver និង ENERGY STAR® ដែលនេះឆ្លុះបញ្ចាំងអំពីការប្តេជ្ញាចិត្តរបស់ក្រុមហ៊ុន ASUS ក្នុងការផលិតនូវផលិតផលដែលមាននិរន្តរភាព និងកាត់បន្ថយការប៉ះពាល់ទៅលើបរិស្ថានថែមទៀត។

 

កាន់តែពិសេសទៀតនោះ កុំព្យូទ័រនេះមានពណ៌ទាក់ទាញបំផុតសម្រាប់យុវវ័យសម័យថ្មីថែមទៀត។ កុំព្យូទ័រនេះមាន 2 ពណ៌គឺពណ៌ខ្មៅ Indie Black និងពណ៌ទឹកប្រាក់ Cool Silver ដែលពិតជាទាក់ភ្នែកមែនទែន។ បន្ថែមពីនេះទៀតនោះ ម៉ូឌែលមួយទៀតដែលប្រកាសបង្ហាញខ្លួនផងដែរនៅថ្ងៃនេះនៅក្នុងត្រកូល 2023 Vivobook Classic series noHKW 16-inch Vivobook 16X ដែលមានអេក្រង់ FHD+ IPS 16:10 និងបន្ទះឈីប Intel Core i5-12450H processor ថែមទៀត។ 

 

កម្លាំងម៉ាស៊ីនដ៏ខ្លាំងក្លាក្នុងការប្រើប្រាស់

ជាមួយនឹងការផ្តល់នូវទំហំអេក្រង់ធំក្នុងការប្រើប្រាស់ និងសមត្ថភាពខ្លាំងក្លានោះ ម៉ូឌែលពេញនិយមក្នុងត្រកូលឆ្នាំ 2023 នោះគឺជាម៉ូឌែល Vivobook 14X OLED (K3405) និង 16X OLED (K3605) ។កុំព្យូទ័រនេះមានបន្ទះឈីប 12th Gen Intel Core i5-12450H processor ជាមួយនឹងក្រាហ្វិកកាត NVIDIA GeForce RTX 2050 GPU ដែលមានមុខងារកម្រិតខ្ពស់ជាច្រើនដូចជា ray tracing, AI acceleration, GDDR6 memory និង NVIDIA Studio drivers  — ដែលអាចបង្កើនទៅលើ thermal design power (TDP) រហូតដល់កម្រិតខ្ពស់ដល់ទៅ 70 watts ដែលអ្នកអាចធ្វើការងារជាច្រើនបានយ៉ាងរលូន ជាពិសេសទៅលើការងារ multitasking និងភាពច្នៃប្រឌិតខ្ពស់របស់អ្នក។ បន្ថែមពីនេះទៀតនោះ Vivobook 16X  (K3605) នេះក៏មានបំពាក់នូវ MUX Switch ដែលអនុញ្ញាតអោយអ្នកប្រើប្រាស់ជាច្រើនអាចរើសនូវជម្រើសដែលគេត្រូវការ។ គ្រប់ម៉ូឌែលគឺប្រើប្រាស់នូវ ultrafast 512GB SSDs ។  មួយវិញទៀតនោះ កុំព្យូទ័រនេះប្រើប្រាស់នូវប្រព័ន្ធត្រជាក់ cooling system ជាមួយនឹង 8 mm heat pipes និង IceBlade fan ដែលអាចបំភាយកំដៅបានយ៉ាងល្អ។ 

 

ការកម្សាន្តកាន់តែសម្បូរបែប

កុំព្យូទ័រ Vivobook ថ្មីនេះផ្តល់នូវបទពិសោធន៍នៃការទស្សនាកាន់តែអស្ចារ្យជាមយយនឹងអេក្រង់ FHD Panels ។ អ្នកប្រើប្រាស់ជាច្រើនអាចគ្រប់គ្រងទៅលើការប្រជុំរបស់ពួកគេបានយ៉ាងងាយស្រួលជាមួយនឹងប្រព័ន្ធ AI-enhanced HD camera system — ដែលមាន ASUS 3DNR technology និង ASUS AI noise-canceling audio technology ដែលធ្វើអោយសំឡេងលឺច្បាស់បំផុត។ 

 

សម្រាប់ការកម្សាន្តដ៏អស្ចារ្យនេះ គ្រប់ម៉ូឌែលរបស់ ASUS នេះគឺប្រើប្រាស់នូវប្រព័ន្ធសំឡេង ASUS SonicMaster audio system ដ៏ខ្លាំងក្លាដែលផ្តល់នូវសំឡេងច្បាស់ និងអស្ចារ្យបំផុត។ បន្ថែមពីនេះ វាក៏មាន ASUS Audio Booster ផងដែរ។ កុំព្យូទ័រ Vivobook នេះក៏ប្រើប្រាស់បានពេញមួយថ្ងៃជាមួយនឹងថាមពលថ្ម 70 Wh និងបច្ចេកវិទ្យាសាកថ្មលឿនថែមទៀត។ 

 

ការតភ្ជាប់ទំនាក់ទំនងកាន់តែងាយស្រួល

អ្នកប្រើប្រាស់ជាច្រើនអាចរីករាយជាមួយនឹងការតភ្ជាប់ជាមួយនឹងឧបករណ៍ជាច្រើនបានជាមួយនឹងកុំព្យូទ័រ Vivobook នេះជាមួយនឹង Thunderbolt™ 4 USB-C port ដែលមានល្បឿន 40Gbps data transfers, Power Deliver និង DisplayPort™; 2x USB 3.2 Gen 1 Type-A ports; HDMI port និង SD card reader ថែមទៀត។ បន្ថែមពីនេះ វាក៏មាន WiFi 6E connectivity និង ASUS WiFi Master ក្នុងការបង្កើនទៅលើល្បឿនអ៊ីនធឺណិតបានលឿនថែមទៀត។

 

ការរចនាឡើងសម្រាប់និរន្តរភាព

ការប្តេជ្ញាចិត្តរបស់ក្រុមហ៊ុន ASUS ក្នុងការការពារទៅលើផែនដីតាមរយៈការផ្តល់នូវផលិតផលជាច្រើនដែលល្អបំផុតសម្រាប់អ្នកប្រើប្រាស់ជាមួយនឹងការឌីស្សាញដ៏ល្អឥតខ្ចោះទៅលើម៉ូឌែល Vivobook នេះ។ កុំព្យូទ័រនេះប្រើប្រាស់នូវ 30% PCR plastics ហើយប្រអប់វេចខ្ចប់គឺប្រើប្រាស់ឡើងវិញ 100% recyclable ។ ថាមពលថ្មប្រើប្រាស់របស់វាគឺស្របតាមស្តង់ដារ ENERGY STAR power-efficiency និង EPEAT Silverថែមទៀត។ កុំព្យូទ័រនេះក៏ទទួលបាននូវស្តង់ដារនៃការតេស្តទៅលើភាពធន់ MIL-STD-810H US military-grade ផងដែរ។

 

តម្លៃ និងកាលបរិច្ឆេទនៃការលក់

កុំព្យូទ័រ ASUS Vivobook 16X (K3605) នេះអាចរកទិញបាននៅគ្រប់ហាងចែកចាយទាំងអស់របស់ក្រុមហ៊ុន ASUS នៅក្នុងតម្លៃ $799 ។ សម្រាប់ព័ត៌មានបន្ថែម សូមទំនាក់ទំនងទៅកាន់ហាង ASUS ដែលនៅជិតអ្នកបំផុត៕