នៅថ្ងៃទី 29 ខែវិច្ឆិកានេះ ក្រុមហ៊ុន Panasonic Cambodia បានប្រកាសសម្ពោធ និងដាក់លក់ជាផ្លូវការនូវ ទូទឹកកក PRIME+ Edition Essential និង ម៉ាស៊ីនបោកគក់ CARE+ Edition E-Series ដែលសុទ្ធសឹងតែជាផលិតផលដ៏ប្រណីតរបស់ជប៉ុន នៅផ្សារទំនើបអ៊ីអនម៉ល សែនសុខស៊ីធី។ ព្រឹត្តិការណ៌នេះ មានការអញ្ជើញចូលរូមពីគណៈគ្រប់គ្រងក្រុមហ៊ុន និងដៃគូរហាងដៃគូ ក៏ដូចជានិងតំណាងចែកចាយទូទាំងប្រទេសរបស់ខ្លួនជាច្រើនរូប។
លោក Hisakazu Maeda អគ្គនាយកក្រុមហ៊ុន Panasonic Cambodia បានមានប្រសាសន៍ថា “ថ្ងៃនេះ យើងមានមោទនភាពក្នុងការបង្ហាញផលិតផលថ្មីទូទឹកកក PRIME+ Edition Essential និង ម៉ាស៊ីនបោកគក់ CARE+ Edition E-Series នៅ ក្នុងទីផ្សារប្រទេសកម្ពុជា។
ផលិតផលទាំងពីរនេះ នឹងផ្តល់ជូននូវការច្នៃប្រឌិតដែលមានអត្ថន័យ បច្ចេកវិទ្យាទំនើបនិងស៊ីវីល័យ ព្រមទាំងនៅតែរក្សាគុណភាពដ៏ល្អឥតខ្ចោះរបស់ Panasonic។ នៅក្នុងលោកក៏បានថ្លែងអំណរគុណយ៉ាងជ្រាលជ្រៅដល់តំណាងចែកចាយបន្ត ដៃគូហាងលក់រាយ និងអតិថិជនជាទីស្រឡាញ់ផងដែរ។
សូមជំរាបផងដែរថា ក្រុមហ៊ុន Panasonic ដែលត្រូវបានគេទទួលស្គាល់ទូទាំងពិភពលោក ថាជាក្រុមហ៊ុនអេឡិចត្រូនិចជប៉ុនឈានមុខគេ ក្នុងការអភិវឌ្ឍបច្ចេកវិទ្យា និងដំណោះស្រាយអេឡិចត្រូនិចចម្រុះសម្រាប់អតិថិជន។ ហើយភាពជោគជ័យរបស់ក្រុមហ៊ុន គឺកើតចេញពីការសិក្សាទៅលើបញ្ហាប្រឈមចម្បងៗ ដែលកំពុងកើតមាន និងជះឥទ្ធិពលដល់ការរស់នៅរបស់អ្នកប្រើប្រាស់។
ទៅលើលក្ខណៈពិសេសរបស់ម៉ាស៊ីនបោកគក់ និងម៉ាស៊ីនសម្ងួតទ្វារចំហៀង CARE+ Edition E-Series គឺមានការឌីស្សាញជាមួយពណ៌ខ្មៅ ស្ដើង រលោងស្អាត អាចដាក់បញ្ឈរលើគ្នាបានដែលជួយសន្សំកន្លែង ងាយស្រួល និងចំនេញពេលវេលាក្នុងការធ្វើការបោកគក់និងសម្ងួត។
កាន់តែពិសេស នៅលើម៉ាស៊ីននេះ ក៏មានមុខងារថែរក្សាសំលៀកបំពាក់កម្រិតស្ដង់ដារជប៉ុន សម្រាប់បែបបទរស់នៅទំនើប ជាមួយបច្ចេកវិទ្យា Blue Ag+ បោកគក់ប្រកបដោយអនាម័យជាមួយទឹកត្រជាក់ ដែលមានសមត្ថភាពអាចកម្ចាត់បាក់តេរីបានរហូតដល់ 99.99% និងការពារការកកើតឡើងនៃបាក់តេរីបានរហូតដល់ 18 ម៉ោង រីឯម៉ាស៊ីនសម្ងួតវិញ មានសមត្ថភាពសម្ងួតបានល្អ និងចំណេញពេលវេលា រួមទាំងសំណាញ់បឺតធូលីធំ (Big Lint Catcher) ដែលអាចចាប់យកកម្ទេចកម្ទី និងទប់ស្កាត់កំណតធូលីបានយ៉ាងមានប្រសិទ្ធភាព។
ចំណែក ទូទឹកកក PRIME+ Edition Essential វិញ មានពណ៌ស និងពណ៌ពងមាន់ស្រាល មានភាពរលោងស្អាត រចនាបថស៊ីវិល័យទំនើបបែបជំនាន់ថ្មី មានមុខងារពិសេសៗ សម្រាប់ការរស់នៅប្រចាំថ្ងៃ ជាពិសេសសុខុមាលភាពក្នុងក្រុមគ្រួសារតែម្ដង ជាមួយមុខងារ Fresh Safe និង Prime Fresh ជួយរក្សាត្រី និងសាច់អោយកកនៅ -3°C ដើម្បីរក្សាសារធាតុចិញ្ចឹម និងរសជាតិបានរហូតដល់ 7 ថ្ងៃ និងមុខងារពិសេសមួយទៀតគឺ nanoe™ X មានសម្ថភាពទប់ស្កាត់បាក់តេរីបានរហូតដល់ 99.99% និង បំបាត់ក្លិនមិនល្អ ព្រមទាំងកាត់បន្ថយសារធាតុពុលលើផលិតផលស្រស់។
ក្រោមគំនិតច្នៃប្រឌិត និងរចនាបថជំនាន់ថ្មី ផលិតផលដ៏ប្រណិតបរបស់ក្រុមហ៊ុន Panasonic ទាំងពីរនេះ គឺមានរូបរាងសាមញ្ញតែលេចធ្លោបែបសម័យទំនើប ស្អាតឥតខ្ចោះ រចនាបថទាន់សម័យ ជាមួយមុខងារពិសេសៗ ដែលជួយសន្សំសមចៃថាមពលអគ្គិសនីបានកម្រិតខ្ពស់ ដើម្បីឆ្លើយតបទៅនឹងតម្រូវការរបស់អ្នកប្រើប្រាស់ដែលចង់បានទាំងរូបរាងស្អាត និងគុណភាពល្អ។
អ្វីដែលពិសេស រាល់ការជាវផលិតផលណាមួយនៅថ្ងៃទី 29 និង 30 វិច្ឆិកានេះ លោកអ្នកនឹងទទួលបានការថែមជូនកាដូពិសេសៗពីក្រុមហ៊ុន Panasonic Cambodia ផងដែរ។ សម្រាប់ព័ត៌មានបន្ថែម លោកអ្នកអាចចូលទៅកាន់ Facebook និង TikTok ដែលមានឈ្មោះថា Panasonic Cambodia និងតំណាងចែកចាយរបស់ Panasonic Cambodia ដែលនៅជិតលោកអ្នកបាន។
