នេះ គឺជាម៉ូនីទ័រស៊េរីថ្មីមួយទៀតរបស់ក្រុមហ៊ុន MSI ម៉ូដែល Modern MD271UL។ ម៉ូនីទ័រស៊េរីថ្មីនេះ គឺជាម៉ូនីទ័រដែលមានគុណសម្បត្តិល្អជាច្រើនសម្រាប់ការប្រើប្រាស់ក្នុងកិច្ចការងារទូទៅប្រចាំថ្ងៃ ជាពិសេស Modern MD271UL បានទទួលពានរង្វានពីកម្មវិធី Red Dot Award 2023 ថែមទៀតផង។

MSI Modern MD271UL មានការឌីស្សាញឡើងជាមួយរូបរាងបានយ៉ាងស្រស់ស្អាត មានភាពហាប់រឹងមាំល្អ ជាមួយតួរស្រោបដោយជ័រស្វិតរលោងដូចលោហៈ ជាមួយជើងទម្ររឹងមាំដែលផលិតឡើងពីលោហៈធាតុ Aluminum Alloy ជាមួយកម្រិតមុំទេ 64.4 ដឺក្រេ។ សម្រាប់ផ្នែកអេក្រង់វិញ MSI Modern MD271UL បានបំពាក់បច្ចេកវិទ្យាអេក្រង់ IPS LCD Panel ទំហំធំដល់ 27-inch ដែលមានការឌីស្សាញជាមួយនិងគែមអេក្រង់ផ្នែកខាងលើ ឆ្វេង ស្តាំ តូចស្តើង ដែលជួយធ្វើឲ្យផ្ទៃអេក្រង់របស់ម៉ូនីទ័រនេះមានភាពទូលាយស្រឡះផ្នែកល្អសម្រាប់ការទស្សនា និងបំពេញកិច្ចការងារ។

អេក្រង់ទំហំ 27-inch របស់ MSI Modern MD271UL គាំទ្រកម្រិតបង្ហាញច្បាស់ខ្លាំងដល់ 4K ក្នុងទំហំ resolution 3840x2160px។ បន្ថែមពីនេះអេក្រង់របស់ MSI Modern MD271UL គាំទ្រមុខងារបង្ហាញក្នុងកម្រិត 178 ដឺក្រេ Wide Viewing Angle ដែលធ្វើឲ្យការទស្សនាឃើញបានច្បាស់ចេញពីគ្រប់ជ្រុងតែម្តង។ អេក្រង់របស់ MSI Modern MD271UL គាំទ្រល្បឿន refresh rate 60Hz ជាមួយល្បឿន response time 4ms (GtG)។

មិនត្រឹមតែប៉ុណ្ណោះ អេក្រង់របស់ MSI Modern MD271UL មានភ្ជាប់មកជាមួយកម្រិតទឹកពណ៌ដល់ 1.07 ពាន់លានពណ៌ ជាមួយបច្ចេកវិទ្យាចាក់ទឹកពណ៌ស្តង់ដារ DCI-P3 99% wide color gamut, គាំទ្រកម្រិតទឹក Adobe RGB 95% រួមនឹង sRGB 139% និងមានជម្រៅទឹកពណ៌ដល់ 10-bits ដែលធ្វើឲ្យការបង្ហាញចេញពីផ្ទៃអេក្រង់ទទួលបានពណ៌ច្បាស់ដិតត្រឹមត្រូវ 100% ដូចពណ៌ធម្មជាតិពិតៗតែម្តង ល្អបំផុតសម្រាប់ការប្រើប្រាស់ជាមួយកម្មវិធីកាត់តរូបភាព និងកែរូបភាពជាមួយកម្មវិធី Adobe Photoshop។ បន្ថែមពីនេះ វាក៏មានដំឡើងមកជាមួយកម្មវិធី MSI Display Kit សម្រាប់ឲ្យយើងធ្វើការសេរេកម្រិតពណ៌ និងមុខងារផ្សេងៗតម្រូវតាមកិច្ចការងាររបស់យើងថែមទៀតផង។

ជាពិសេសជានេះ អេក្រង់របស់ MSI Modern MD271UL មានភ្ជាប់មកជាមួយប្រព័ន្ធបច្ចេកវិទ្យាការពារភ្នែកដូចជា MSI EyesErgo ជាមួយ TÜV-certified Anti-Flicker, Less Blue Light technologies, anti-glare panel, និង Eye-Q Check system ជាដើម ដូចនេះ ទោះបីជាការប្រើប្រាស់សំឡឹងមើលអេក្រង់យូរក៏មិនធ្វើឲ្យរោយភ្នែក ឬឈឺក្រហាយផ្សាភ្នែកនោះដែរ។ ជាមួយគ្នានេះ ជើងទម្ររបស់ម៉ូនីទ័រនេះ ក៏អាចធ្វើការសេរេបានក្នុងកម្រិតមុំ -5 ដឺក្រេ ឡើងទៅ 20 ដឺក្រេ តម្រូវតាមទម្លាប់ និងតម្រូវការប្រើប្រាស់របស់យើង។

សម្រាប់ការតភ្ជាប់វិញមិនមានភាពរញ៉េរញ៉ៃនោះទេ ដោយនៅលើ MSI Modern MD271UL មានបំពាក់មកជាមួយរន្ធសំខាន់ៗដូចជា រន្ធ HDMI2.0b ចំនួនពីរ, រន្ធ USB-Type-C ដែលអាចប្រើសម្រាប់សាកភ្លើងទៅកាន់ឧបករណ៍អេឡិចត្រូនិចផ្សេងបានដូចជា ទូរស័ព្ទ ថេបប្លែត ក្នុងកំលាំង 65W, រន្ធ DisplayPort 1.2, រន្ធដោតភ្លើងប្រភេទ DC-in និងរន្ធដោតកាសខ្នាត 3.5mm ជាដើម៕