no-alternative title
no-alternative title
no-alternative title
no-alternative title
no-alternative title
no-alternative title

ការប្រើប្រាស់កុំព្យូទ័រយួរដៃ MSI ត្រូវបានគេព្យាករណ៍ថា នឹងមានការកើនឡើងនៅក្នុងត្រីមាសទី 3 ខាងមុខនេះ ដោយសារតែការធ្វើការងារពីចម្ងាយ

សម្រាប់និន្នាការថ្មីនៃការធ្វើការងារពីចម្ងាយនៅផ្ទះដោយសារតែមេរោគ COVID-19 នេះ បានធ្វើការផ្លាស់ប្តូរទាំងស្រុងទៅលើប្រតិបត្តិការនៃការងារ និងការប្រើប្រាស់នូវកុំព្យូទ័រយួរដៃបានក្លាយជានិន្នាការថ្មីដ៏សំខាន់បំផុតក្នុងការទប់ទល់ទៅនឹងវិបត្តិនៃមេរោគកូរ៉ូណាវីរុសនេះ។ ខណៈពេលដែលឧស្សាហកម្មជាច្រើន គឺស្ថិតនៅក្រោមឥទ្ធិពល និងសម្ពាធនៃការបិទប្រទេសនោះ ទីផ្សាររបស់កុំព្យូទ័រយួរដៃក៏មានការកើនឡើងដល់ទៅ 30% នៅក្នុងត្រីមាសទី 1 ដោយសារតែក្រុមហ៊ុនជាច្រើនទាំងនេះត្រូវការទិញម៉ាស៊ីននេះសម្រាប់អោយបុគ្គលិករបស់ពួកគេធ្វើការនៅផ្ទះ ហើយនៅតែមានទំនាក់ទំនងជានិច្ចជាមួយគ្នាថែមទៀតផង នេះបើតាមការបញ្ជាក់របស់ IDC ។ 

 

no-alternative title

ចំណែកក្រុមហ៊ុនផលិតកុំព្យូទ័រយួរដៃ Micro-Star International (MSI) វិញនោះ គឺមានការផ្គត់ផ្គង់គ្រប់គ្រាន់សម្រាប់ផលិតផលថ្មីៗរបស់ខ្លួន ហើយប្រតិបត្តិការរបស់ក្រុមហ៊ុននេះក៏វិលទៅរកសភាពល្អប្រសើរឡើងវិញផងដែរនៅក្នុងឆ្នាំនេះ។ នៅក្នុងខែមីនានេះ ក្រុមហ៊ុន MSI មានប្រាក់ចំណេញច្រើនជាង 10 ពាន់លានហើយវាគឺជាខែដែលមានការកើនឡើងខ្ពស់បំផុតនៅក្នុងឆ្នាំនេះ។ ក្រុមហ៊ុន MSI ក៏ប្រកាសបង្ហាញនូវកុំព្យូទ័រយួរដៃកម្រិតខ្ពស់របស់ខ្លួនចំនួន 6 ស៊េរីដែលបំពាក់នូវបន្ទះឈីប Intel i9 CPU ជំនាន់ទី 10 និងក្រាហ្វិកកាត NVIDIA GeForce RTX SUPER series ដើម្បីបំពេញនូវតម្រូវការដ៏ខ្លាំងក្លាពីអ្នកប្រើប្រាស់ជាច្រើនផងដែរ។

ក្រុមហ៊ុន MSI មើលឃើញអំពីតម្រូវការនៃនិន្នការនៃការ “នៅផ្ទះ និងធ្វើការងារយ៉ាងមានប្រសិទ្ធិភាព”

ជាមួយនឹងការកើនឡើងនៃកម្មវិធីសម្រាប់ធ្វើការខលពីចម្ងាយជាច្រើន និងសេវាកម្មក្លោដជាច្រើនទៀតនោះដោយសារតែការរាតត្បាតនៃមេរោគនេះ តម្រូវការទៅលើម៉ាស៊ីនកុំព្យូទ័រពិតជាខ្លាំងក្លាមែនទែន ហើយក្រុមហ៊ុនមួយចំនួនក៏ដាច់ស្តុកផងដែរ។ យ៉ាងណាមិញ ក្រុមហ៊ុន MSI នៅតែផ្តល់នូវការផ្គត់ផ្គង់គ្រប់គ្រាន់ដោយសារតែការមើលឃើញទៅលើនិន្នាការថ្មី“នៅផ្ទះ និងធ្វើការងារយ៉ាងមានប្រសិទ្ធិភាព” "Stay Home and Stay Productive" តាំងពីពេលដំបូងមកម្ល៉េះ។

ក្រុមហ៊ុន MSI គឺមានការកើនឡើងទៅលើការលក់នូវកុំព្យូទ័រប្រភេទ Content Creator, Gaming Laptops សម្រាប់តម្រូវការទៅលើការធ្វើការពីចម្ងាយ ការរៀនពីចម្ងាយ និងការលេងហ្គេមនៅផ្ទះ។ ក្រុមហ៊ុន MSI ពេលនេះក៏បញ្ចេញនូវកុំព្យូទ័រយួរដៃចំនួន 6 ស៊េរីដែលបំពាក់នូវបន្ទះឈីប Intel CoreTM i9 processor ជំនាន់ទី 10 និងក្រាហ្វិកកាតចុងក្រោយបំផុត  GeForce RTX SUPER  series ដែលមានការទទួលស្គាល់ខ្លាំងនៅលើទីផ្សារ និងជម្រុញមនុស្សជាច្រើនអោយធ្វើការ upgrade ទៅលើម៉ាស៊ីនរបស់ពួកគេផងដែរ។

ខណៈពេលដែលមេរោគ COVID-19 នេះធ្វើការផ្លាស់ប្តូរទៅលើពិភពលោកនេះ កុំព្យូទ័រជាច្រើនក៏ក្លាយជា Tools មួយដ៏សំខាន់នោក្នុងជីវិតរបស់មនុស្សដើម្បីធ្វើការជូនដំណឹងអំពីមេរោគរាតត្បាតនេះ និងការបំពេញការងារប្រចាំថ្ងៃរបស់ពួកគេថែមទៀត។ ក្រុមហ៊ុន MSI ដែលជាក្រុមហ៊ុនឈានមុខគេនៅលើផ្នែក Laptops នេះសង្ឃឹមថា អ្នកប្រើប្រាស់ជាច្រើននៅតែអាចរក្សានូវទំនាក់ទំនងជាមួយនឹងមិត្តភក្តិ ក្រុមគ្រួសារ និងលំហូរនៃការងារបានជាធម្មតាដដែល។

កុំព្យូទ័រយួរដៃ MSI នៅតែមានការកើនឡើងទៅលើតម្រូវការប្រើប្រាស់

ផលិតកម្មរបស់ក្រុមហ៊ុន MSI គឺវិលមករកសភាពធម្មតានៅក្នុងអំឡុងពេលនេះ ហើយការផ្គត់ផ្គង់ទីផ្សារនៅតែគ្រប់គ្រាន់ ជាពិសេសក្រុមហ៊ុនរំពឹងថាតម្រូវការទៅលើម៉ាស៊ីនកុំព្យូទ័រយួរដៃនេះនឹងមានការកើនឡើងខ្លាំងនៅក្នុងត្រីមាសបន្ទាប់ៗទៀត។ ការកើនឡើងទៅលើការលក់ក្រុមហ៊ុន MSI នេះគឺដោយសារតែកុំព្យូទ័រ និងផលិតផលជាច្រើនទៀតឈ្នះរង្វាន់ពី Red Dot Design Awardដែលក្នុងនោះមាន MSI GE66 Raider Gaming Laptop, GS66 Stealth Gaming Laptop និង Prestige 14 Laptop ផងដែរ។

ផលិតផលជាច្រើនទៀតរបស់ក្រុមហ៊ុន MSI នឹងបង្ហាញខ្លួនផងដែរនៅឆ្នាំនេះ ក្រុមហ៊ុន MSI ព្យាករណ៍ថា កំណើននៃការលក់របស់វានឹងមានការកើនឡើងទោះបីជាមានមេរោគរាតត្បាតនេះក៏ដោយ ក្រុមហ៊ុន MSI នៅតែមានសុទិដ្ឋិនិយមថា ប្រាក់ចំណូលនៅក្នុងត្រីមាសនេះ គឺមានការកើនឡើងច្រើនជាងត្រីមាសទី 1៕

 

no-alternative title

no-alternative title
ព័ត៌មានពាណិជ្ជកម្ម