កាលពីថ្ងៃសៅរ៍ទី 17 ខែតុលា កន្លងទៅនេះ ក្រុមហ៊ុន MSI ប្រចាំនៅប្រទេសកម្ពុជា បានសហការគ្នាជាមួយនិងក្រុមហ៊ុន PTC Computer បានរៀបចំនូវពិធីជួបជុំដៃគូរពាណិជ្ជកម្មរបស់ខ្លួនជាមួយនិងការបង្ហាញនូវផលិតផល MSI ថ្មីៗជាច្រើន ដោយព្រឹត្តិការណ៌នេះ បានប្រារព្ធធ្វើឡើងនៅសណ្ឋាគារ Hyatt Regency Phnom Penh និងមានការអញ្ជើញចូលរួមពីថ្នាក់ដឹកនាំក្រុមហ៊ុន MSI និងក្រុមហ៊ុន PTC Computer ដែលជាតំណាងចែកយចាយផលិតផលរបស់ MSI ក្នុងប្រទេសកម្ពុជា រួមជាមួយនិងភ្ញៀវកត្តិយសដែលជាម្ចាស់ហាងលក់កុំព្យូទ័រជាច្រើនរូបទៀត។
បើតាមការបញ្ជាក់ពីក្រុមហ៊ុន MSI ប្រចាំនៅប្រទេស កម្ពុជា បានអោយដឹងថា គោលបំណងនៅក្នុងរៀបចំនូវពិធីជួបជុំដៃគូរពាណិជ្ជកម្មនេះឡើង គឺដើម្បីជាការចូលរួមលើកទឹកចិត្តដល់ម្ចាស់ហាងនានា ដែលបានជួយជុំរុញការលក់ផលិតផល MSI នាពេលកន្លងមក មកដល់ពេលនេះ។ អ្វីដែលពិសេសគឺក្រុមហ៊ុនចង់បង្កើតនូវភាពរីករាយជាមួយដៃគូទាំងអស់គ្នាតែម្តង។
បើតាមប្រសាសន៌របស់លោក Mr. Bryan Ho (MSI Notebook Sales Director) ប្រធានក្រុមហ៊ុន MSI ប្រចាំនៅកម្ពុជា បានអោយដឹងថា ជាមួយនិងការចាប់ដៃគ្នារវាង MSI និង PTC Computer នៅពេលនេះ គឺពិតជាឧកាសមួយបំផុតដ៏ល្អសម្រាប់ដៃគូរទាំងពីរ នៅក្នុងការនាំយកនូវផលិតផលថ្មីៗរបស់ MSI កាន់តែច្រើនមកកាន់ទីផ្សារប្រទេសកម្ពុជា។
ហើយតាមរយៈនៃការចែកចាយរបស់ក្រុមហ៊ុន PTC Computer នៅពេលេេនះ លោកបានបង្ហាញនូវជំនឿជឿជាក់ថា នឹងធ្វើអោយ MSI មានទីផ្សារកាន់តែទូលំលាយថែមទៀត។ ជាពិសេសនោះ ក្រុមហ៊ុនទាំងពីរ ក៏នឹងមានផ្តល់នូវអត្ថប្រយោជន៌កាន់តែច្រើនសម្រាប់ហាងលក់កុំព្យូទ័រដែលជុំរុញការលក់ផលិតផល MSI នៅទូទាំងប្រទេសផងដែរ។
គួរបបញ្ជាក់ផងដែរថា ព្រឹត្តិការណ៌ដ៏ឱឡារឹកនេះ គឺមានមនុស្សជាច្រើនបាននាំគ្នាទៅទស្សនានូវផលិតផលថ្មីៗជាច្រើនរបស់ក្រុមហ៊ុន MSI ដែលមានការបំពាក់មកជាមួយនឹងបច្ចេកវិទ្យាចុងក្រោយបំផុត ដែលបានដាក់តាំងបង្ហាញនៅក្នុងព្រឹត្តិការណ៍នេះ។
នៅក្នុងឱកាសនោះក្រុមហ៊ុន MSI ក៏មានការរៀបចំនូវកម្មវិធីប្រគល់នូវវិញ្ញាបនបត្រ និងពានរង្វាន់ ជូនដល់ហាងលក់កុំព្យូទ័រជាច្រើនផងដែរ។ នៅចុងបញ្ចប់នៃកម្មវិធីនេះ ក្រុមហ៊ុន MSI ក៏មានការចាប់រង្វាន់ធំម៉ាស៊ីនកុំព្យូទ័រមួយគ្រឿងជូនដល់ម្ចាស់ហាងដែលបានអញ្ជើញចូលរួមនៅក្នុងព្រឹត្តិការណ៌នេះផងដែរ។
