កាលពីខែចុងមុននេះ កំពូលស្មាតហ្វូនជំនាន់ថ្មី Galaxy S26 Ultra របស់ក្រុមហ៊ុន Samsung ត្រូវបានគេទម្លាយចេញជាមួយនិងគំនូសព្រាង CAD ហើយបន្ទាប់មកក៏មានការបែកធ្លាយនូវរូបភាពថ្មីមួយទៀតដែលមានពណ៌ដូចគ្នាទៅនឹង iPhone 17 Pro Series។ យោងតាមការចែកចាយរូបភាពថ្មីនៅថ្ងៃនេះ បានបង្ហាញពីរូងរាងរបស់ស្មាតហ្វូនថ្មីជាមួយនិង case ថែមទៀតហើយ។ តាមរយៈរូបភាពថ្មីនេះ យើងគ្រប់គ្នាអាចមើលឃើញកាន់តែច្បាស់ទៅលើរូបរាងផ្នែកខាងក្រោយរបស់ស្មាតហ្វូននេះ ជាពិសេសគឺទៅលើម៉ូឌុល និងសិនស័រកាមេរ៉ា។
រូបភាពខាងលើនេះ បានបង្ហាញថា សិនស័រទាំង 3 គ្រាប់របស់ស្មាតហ្វូននេះ គឺស្ថិតនៅលើម៉ូឌុលកាមេរ៉ាតែមួយ ដែលខុសពីជំនាន់មុន មានសិនស័ររង្វង់ដាច់ពីគ្នាពីមួយគ្រាប់ទៅមួយគ្រាប់។ តាមការរំពឹងទុកកន្លងមក យើងប្រាកដជាសង្ឃឹមថា ក្រុមហ៊ុននេះ នឹងធ្វើការឌីស្សាញស្មាតហ្វូនលំដាប់ថ្នាក់ប្រណិត គឺនឹងមានខុសគ្នាពីស្មាតហ្វូនថ្នាក់កណ្តាល ដើម្បីបញ្ជាក់ពីតម្លៃរបស់ស្មាតហ្វូននិមួយប៉ុន្តែពេលនេះ មើលទៅគឺមិនដឹងថា ភាពពិតប្រាកដនៃស្មាតហ្វូននេះប្រណិតៗស្ថិតនៅចំណុចណានោះទេ ដោយក្រុមហ៊ុនបានធ្វើការឌីស្សាញរូបរាងស្រដៀងៗគ្នា និងផ្លាស់ប្តូរទៅលើម៉ូឌុលកាមេរ៉ាតិចតួចប៉ុណ្ណោះ។
Samsung Galaxy S26 Ultra ត្រូវបានគេរាយការណ៌ថា អាចនឹងមានការប្រើប្រាស់នូវបន្ទះឈីប Qualcomm Snapdragon 8 Elite Gen 5 SoC ខណៈដែលទីផ្សារខ្លះទៀតអាចនឹងមានការប្រើប្រាស់នូវបន្ទះឈីប Exynos 2600 ផងដែរ។ ប៉ុន្តែសម្រាប់ Galaxy S26 Pro វិញភាគរយច្រើន អាចនឹងប្រើប្រាស់នូវបន្ទះឈីប Exynos នេះបើយោងតាមការបែកធ្លាយថ្មីៗនេះ។ ចំពោះម៉ូដែល Galaxy S26 Edge វិញ ក្រុមហ៊ុននេះប្រហែលជាមិនបង្ហាចេញនោះទេសម្រាប់ឆ្នាំក្រោយ។
