កាលពីថ្ងៃទី 27 ខែកញ្ញានេះ ក្រុមហ៊ុន Peugeot Cambodia បានរៀបចំនូវព្រឹត្តិការណ៌អបអរសាទរគំរប់ខួប 215 ឆ្នាំរបស់ខ្លួននៅក្នុងផ្សារទំនើប Aeon Mall ភ្នំពេញ ដែលកម្មវិធីដ៏វិសេសវិសាលនេះ គឺមានការអញ្ជើញចូលរួមពីសំណាក់តារាចំរៀងដ៏ល្បី កញ្ញា ពេជ្រ សូលីកា រួមជាមួយនិងថ្នាក់ដឹកនាំក្រុមហ៊ុន ក៏ដូចជា អ្នកផលិតមាតិកាឡាន inflencer ល្បីៗ ហើយនិងអ្នកសារព័ត៌មានជាច្រើនរូបទៀតផង។
តាមរយៈនៃព្រឹត្តិការណ៌ដាក់តាំងបង្ហាញរថយន្តថ្មី Peugeot 408 គឺទទួលបាននូវការចាប់អារម្មណ៌ជាខ្លាំងពីសំណាក់បងប្អូនដែលបានអញ្ជើញមកលេងផ្សារទំនើបមួយនេះ ដោយពួកគាត់បានធ្វើចូលមើលរថយន្ត និងសាកសួរព័ត៌មានថ្មីៗទាក់ទងជាមួយនិងម៉ូដែលថ្មីរបស់ Peugeot ហើយនឹងធ្វើការតេស្ដសាកល្បងផ្ទាល់ទៅលើរថយន្តម៉ូដែលថ្មី Peugeot 408 នេះផងដែរ ។
នៅក្នុងឱកាសនោះ អ្នកជំនាញរបស់ក្រុមហ៊ុន Peugeot Cambodia ក៏ឡើងធ្វើបទបង្ហាញនូវលក្ខណៈសម្បិតពិសេសថ្មីៗ រួមជាមួយនិងបច្ចេកវិទ្យាទំនើប ដែលមាននៅលើឡាន Peugeot 408 ស៊េរីថ្មី ជូនដល់បងប្អូនទាំងអស់គ្នា ដែលមានវត្តមាននៅក្នុងផ្សារទំនើបនេះ ក៏ដូចជាបងប្អូនដែលតាមដានការផ្សាយផ្ទាល់នៅលើផេក Facebook របស់ក្រុមហ៊ុន Peugeot Cambodia។
បន្ថែមពីនេះ ក្រុមហ៊ុន Peugeot Cambodia ក៏បានប្រកាសអោយមានការកក់ទុកជាមុននូវឡានម៉ូដែលថ្មី Peugeot 3008 ផងដែរ ដោយអតិថិជនកក់ប្រាក់ត្រឹមតែ 399 ដុល្លារប៉ុណ្ណោះ នឹងទទួលបាននូវការផ្តល់នូវតម្លៃពិសេសមុនពេលរថយន្តដល់ប្រទេសកម្ពុជា។ ដូច្នេះសម្រាប់បងប្អូនដែលមានចំណាប់អារម្មណ៌ជាមួយនិងឡានម៉ូដែលថ្មី Peugeot 3008 នេះ សូមអញ្ជើញកក់អោយបានលឿនមុនគេ ដើម្បីទទួលបាននូវរថយន្តថ្មីនេះមុនគេ ក៏ដូចជាអត្ថប្រយោជន៌ជាច្រើនទៀត។ ហើយអ្វីដែលពិសេសនោះ អតិថជនក៏អាចដកលុយវិញបានផងដែរ នៅពេលនមិនពេញចិត្តទៅឡានដែលមកដល់។
គួរបញ្ជាក់ផងដែរថា បន្ទាប់ពីការចៀង និងសម្តែងរបស់តារាចំរៀងដ៏ល្បី កញ្ញា ពេជ្រ សូលីកា រួចមក នៅក្នុងព្រឹត្តិការណ៌ អបអរសាទរគំរប់ខួប 215 ឆ្នាំរបស់ខ្លួននេះ ក្រុមហ៊ុន Peugeot Cambodia ក៏មានការចាប់រង្វាន់ជូនដល់បងប្អូនខ្មែរយើងដែលមានចូលរួមធ្វើតេស្តបើកបរសាកល្បងទៅឡាន Peugeot ទៀតផង ដោយរង្វាន់ធំដែលផ្តល់ជូននៅក្នុងឱកាសនោះគឺ iPhone 17 Pro Max មួយគ្រឿង។
នៅក្នុងកម្មវិធីនេះ ក្រុមហ៊ុន Peugeot Cambodia ក៏បានប្រកាសថា សម្រាប់អតិថិជនរបស់ក្រុមហ៊ុន Peugeot ដែលប្រើប្រាស់នូវម៉ូដែលផ្សេងទៀត ដូចជា ឡាន Peugeot 2008, Peugeot 3008 និង Peugeot 5008 អាចមកទទូលសេវកម្មផ្លូវការណ៌ពីក្រុមហ៊ុននៅលើផ្លូវ 60m បានផងដែរ។
