MSI GF63 កុំព្យូទ័រលេងហ្គេម ដែលមានគែមស្តើង ភ្ជាប់នូវក្រាហ្វិកកាតជំនាន់ថ្មី មានអនុភាពខ្លាំង ដែលគ្រប់គ្នាមិនអាចមើលរំលងបាន

នារយះពេលប៉ុន្មានខែនេះ ឃើញថា សកម្មភាព E-Sport ក៏ដូចជា Tournament របស់ក្រុមហ៊ុនជាច្រើននៅក្នុងប្រទេសកម្ពុជា ហាក់បីដូចជា មានសន្ទុះកើនឡើងខ្លាំង ដែលជាហេតុធ្វើអោយយុវវ័យបានងាកចាប់អារម្មណ៍ជាមួយហ្គេមជាខ្លាំង។ ហេតុដូច្នេះហើយ ដើម្បីជាការចូលរួមនៅក្នុងការចែករំលែកនូវបទពិសោធន៍ល្អៗ យើងខ្ញុំសូមណែនាំនូវ MSI GF63 ដែលជ កុំព្យូទ័រលេងហ្គេមស៊េរីថ្មីរបស់ក្រុមហ៊ុន MSI ដែលមានទំងន់ត្រឹមតែ 1.86Kg និងកម្រាស់ស្តើងត្រឹមតែ 21.7 mm តែប៉ុណ្ណោះ។ 

កុំព្យូទ័រនេះមានការរចនារូបរាងធ្វើពីលោហធាតុ និងការប្រើប្រាស់នូវ Keyboard ដ៏ស្រស់ស្អាត។ តួខ្លួនរបស់កុំព្យូទ័រនេះធ្វើពីអាលុយមីញ៉ូម និងមានទម្រង់ជា X-Shaped ដ៏ទាក់ទាញបំផុតសម្រាប់អ្នកប្រើប្រាស់។ កាន់តែពិសេសជាងនេះទៀតនោះ MSI GF63 ប្រើប្រាស់នូវបន្ទះឈីប Intel Hexa-Core Processor ជំនាន់ទី 8 ដែលមានការពង្រឹងទៅលើកម្លាំងម៉ាស៊ីនខ្លាំងក្លាជាងមុនដល់ទៅ 40% ដែលមានល្បឿនអស្ចារ្យបំផុតក្នុងការប្រើប្រាស់។ MSI GF63 ប្រើប្រាស់នូវក្រាហ្វិកកាតប្រភេទ NVIDIA GeForce GTX 10-Series ប្រភេទ VGA 1050Ti Max-Q ដែលមានការពង្រឹងទៅលើការរាប់នៃរង្វិល fps ថែមទៀត និងបង្កើនល្បឿនខ្លាំងក្លាជាងមុនដល់ទៅ 40%។ សមត្ថភាពរបស់ក្រាហ្វិកកាតនេះគឺខុសប្លែកពីក្រាហ្វិកកាតប្រភេទ 10 Series និង 900 Series ។

កុំព្យូទ័រលេងហ្គេមស៊េរីថ្មី MSI GF63 នេះ មានស៊ុមព័ទ្ធអេក្រង់ដែលមានកម្រាស់ត្រឹមតែ 4.9mm ដែលវាពិតជាស្តើងបំផុតក្នុងការប្រើប្រាស់ ហើយវាផ្តល់នូវភាពរីករាយយ៉ាងពេញលេញតែម្តងសម្រាប់អ្នកលេងហ្គេមនោះ។ ក្រឡេកទៅមើលថាមពលថ្មរបស់កុំព្យូទ័រស៊េរីថ្មីនេះគឺអាចប្រើប្រាស់បានរយៈពេល 7 ម៉ោងដែលផ្តល់នូវថាមពលពេញលេញសម្រាប់ការធ្វើការងារ និងការកម្សាន្តនោះ។

អេក្រង់របស់កុំព្យូទ័រលេងហ្គេម MSI GF63 នេះជាប្រភេទ 15.6’’ IPS-Level Display ដែលផ្តល់នូវរូបភាពច្បាស់ពិតៗដែលអ្នកលេងហ្គេមអាចធ្វើការទស្សនាយ៉ាងត្រជាក់ចិត្តតែម្តង។ MSI GF63 ក៏ប្រើប្រាស់នូវបច្ចេកវិទ្យា MSI SHIFT ក្នុងការប្រើប្រាស់ថាមពលថ្ម និងប្រព័ន្ធម៉ាស៊ីនខ្លាំងក្លាតែម្តង។ បន្ថែមពីនេះ MSI GF63 ក៏មានការពង្រឹងទៅលើប្រព័ន្ធសំលេង NAHIMIC 3 ដែលនាំយកនូវសំលេង 3D Surround Sound នៅក្នុងការលេងហ្គេមសម្រាប់គ្រប់គ្រងតន្ត្រី ខ្សែភាពយន្ត និង Conference Calls ថែមទៀត។ កុំព្យូទ័រ MSI GF63 ក៏ប្រើប្រាស់នូវប្រព័ន្ធ Dragon Center 2.0 សម្រាប់ពង្រឹងទៅលើសមត្ថភាពក្នុងការលេងហ្គេមផងដែរ។ MSI GF63 ប្រើប្រាស់នូវប្រព័ន្ធប្រតិបត្តិការ Windows 10 Home/ Windows 10 Pro៕