កាលពីម្សិលមិញនេះ ក្រុមហ៊ុន MSI ទើបតែប្រកាសបង្ហាញនូវវត្តមានរបស់ Modern 15 ដែលជាកុំព្យូទ័រយួរដៃម៉ូឌែលចុងក្រោយបំផុតសម្រាប់ការបង្កើតនូវភាពច្នៃប្រឌិតដ៏អស្ចារ្យសម្រាប់អ្នកប្រើប្រាស់ចាប់តាំងពីអ្នកប្រើប្រាស់ធម្មតាដល់អ្នកប្រើប្រាស់អាជីព។ កុំព្យូទ័រ Modern 15 នេះ មានគោលដៅក្នុងការជួយលោកអ្នកកំណត់នូវរសនិយមដែលអ្នកចូលចិត្ត ស្ទាយ៍ប្លែកៗដែលអ្នកចង់បាន និងការបង្កើតនូវពិភពលោកដ៏អស្ចារ្យបំផុតថែមទៀតផង។
Modern 15 គឺជាកុំព្យូទ័រស៊េរីថ្មីដែលមានការឌីស្សាញយ៉ាងល្អស្រស់ឆើតឆាយ និងសមត្ថភាពខ្លាំងក្លាមិនធម្មតានោះទេ។ វាមានទម្ងន់ត្រឹមតែ 1.6kg ដែលអ្នកប្រើប្រាស់អាចធ្វើការចល័តបានងាយស្រួលទៅតាមតម្រូវការ និងសមត្ថភាពខ្លាំងក្លាក្នុងការប្រើប្រាស់ថែមទៀត។ ជាមួយនឹងតួខ្លួនអាលុយមីញ៉ូមស្រស់ស្អាតនេះ កុំព្យូទ័រ MSI Modern 15 ផ្តល់នូវការឌីស្សាញលំដាប់ថ្នាក់ប្រណិតដែលមើលទៅគឺពេញភ្នែក ពេញចិត្តតែម្តង ហើយវាអាចប្រើប្រាស់ទៅតាមការងារជាក់ស្តែងនៅក្នុងជីវិតរស់នៅរបស់អ្នកថែមទៀតផង។
អ្វីដែលគួរអោយកត់សម្គាល់នោះ Modern 15 នេះគឺមានសមត្ថភាពខ្លាំងក្លាក្នុងការប្រើប្រាស់មែនទែន។ វាគឺជាកុំព្យូទ័រដែលមានភ្ជាប់ជាមួយនឹងបន្ទះឈីប Intel® i7 processor ជំនាន់ទី 10 និងក្រាហ្វិកកាត NVIDIA® MX250 ដែលអនុញ្ញាតអោយអ្នកប្រើប្រាស់ចាច្រើនអាចដំណើរការការងារ 2D បានយ៉ាងលឿនប្រកបដោយភាពរលូន និងការកម្សាន្តដែលគ្មានការរំខាននោះទេ។
កុំព្យូទ័រ Modern 15 នេះ មានអេក្រង់ធំជាមួយនឹងគែម Bezel ស្តើងដែលមានកម្រិតអេក្រង់ប្រភេទ full HD 1080p ដែលមានកម្រិតពណ៌ជិតដល់ទៅ 100% sRGB ដែលផ្តល់នូវបទពិសោធន៍នៃការប្រើប្រាស់គ្មានគូប្រៀបនោះទេ។ កុំព្យូទ័រ Modern 15 នេះ មានអេក្រង់ទំហំ 15.6 inches ហើយវាមានភ្ជាប់ជាមួយនឹងរន្ធផតជាច្រើនទៀតក្នុងការប្រើប្រាស់។
បន្ថែមពីនេះទៀតនោះ Modern 15 នេះមានថាសរឹង SSD ចំនួន 2 សម្រាប់ការបន្ថែមនូវទំហំកាន់តែច្រើនក្នុងការងារប្រចាំថ្ងៃរបស់អ្នក។ Modern 15 គឺជាជម្រើសល្អបំផុតសម្រាប់លោកអ្នក៕