ថ្មីៗនេះ ក្រុមហ៊ុន ASUS Republic of Gamers (ROG) បានបង្ហាញនូវកុំព្យូទ័រជំនាន់ថ្មី ROG Zephyrus S17 ដែលនេះគឺជាប្រភេទកុំព្យូទ័រលេងហ្គេម ដែលមានភ្ជាប់ជាមួយនឹងក្តារចុចផុសឡើង (Rising Keyboard) អុបទិកដែលពិតជាអស្ចារ្យមែនទែន។ កុំព្យូទ័រ Zephyrus S17 នេះ មានកម្លាំងម៉ាស៊ីនខ្លាំងក្លាក្នុងការលេងហ្គេម ហើយវាមានរូបរាងស្ទាយ៍ប្លែកអស្ចារ្យបំផុតថែមទៀត។
កុំព្យូទ័រលេងហ្គេមជំនាន់ថ្មីនេះ មានបន្ទះឈីប Intel® Core™ i9-11900H CPU ជំនាន់ទី 11 ដែលមានថាមពល 90W ជាមួយនឹងក្រាហ្វិកកាត NVIDIA ® GeForce RTX™ 3080 Laptop GPU ដែលមានថាមពល 140W ជាមួយនឹង Dynamic Boost ដែលធ្វើអោយម៉ាស៊ីននេះខ្លាំងក្លាក្នុងការប្រើប្រាស់មែនទែន។ ជាមួយនឹងការបំពាក់នូវបច្ចេកវិទ្យា ROG Intelligent Cooling នោះ សមាសភាគទាំងនេះល្អបំផុតសម្រាប់អ្នកប្រើប្រាស់ដែលចូលចិត្តក្នុងការលេងហ្គេម និង Content Creator ។
សម្រាប់ក្តារចុច Keyboard នេះអាចផុសឡើងបាន 5° ដែលងាយស្រួលក្នុងវាយទៅលើ Key ហើយវាក៏ប្រើប្រាស់នូវប្រព័ន្ធ AAS Plus cooling system ជាមួយនឹងកង្ហារ Arc Flow ដែលធ្វើអោយប្រព័ន្ធត្រជាក់របស់ម៉ាស៊ីននេះស្ងាត់ក្នុងការប្រើប្រាស់។ កាន់តែពិសេសជាងនេះទៀតនោះ វាក៏មានការប្រើប្រាស់ជាមួយនឹងប្រព័ន្ធបំភាយកំដៅ liquid metal thermal នៅលើ CPU ដែលធ្វើអោយម៉ាស៊ីននេះរក្សានូវភាពត្រជាក់ និងផ្តល់នូវភាពរីករាយសម្រាប់អ្នកប្រើប្រាស់។
ជាមួយនឹងអេក្រង់ទំហំ 17” ផ្តល់នូវបទពិសោធន៍នៃការទស្សនាដ៏អស្ចារ្យជាមួយនឹងកម្រិតភាពច្បាស់ 2 សម្រាប់ធ្វើការជ្រើសរើស៖ អេក្រង់ WQHD ជាមួយនឹង Advanced Optimus និង G-SYNC សម្រាប់ frame rates ខ្ពស់ជាងមុន ឬអេក្រង់ 4K ដែលច្បាស់ជាងមុន និងបច្ចេកវិទ្យា Adaptive-Sync ថែមទៀត។ អេក្រង់ទាំង 2 នេះគឺមានកម្រិត refresh rates ខ្ពស់ កូល័រអស្ចារ្យច្បាស់គ្មានគូប្រៀប។ កុំព្យូទ័រនេះគឺមានប្រព័ន្ធសំឡេង Speakers ចំនួន 6 ជាមួយនឹងប្រព័ន្ធ dual force-canceling woofers ដែលធ្វើអោយសំឡេងរបស់ម៉ាស៊ីននេះពិរោះច្បាស់គ្មានគូប្រៀប។ នៅលើម៉ាស៊ីននេះប្រើប្រាស់នូវ 3 -drive HyperDrive Ultimate SSD RAID array ដែលអាចអោយអ្នកប្រើប្រាស់អាចដំណើរការបានលឿននៅក្នុងការលេងហ្គេម និង Media ថែមទៀត។ សម្រាប់ក្តារចុចផុសឡើងអុបទិកនេះគឺអាចឆ្លើយតបបានលឿនរហ័សបំផុតក្នុងការប្រើប្រាស់។
ក្តារចុចផុសឡើង (Rising keyboard) ដ៏អស្ចារ្យក្នុងការប្រើប្រាស់
កុំព្យូទ័រ Zephyrus S17 នេះមានការឌីស្សាញរូបរាងថ្មីប្លែកជាមួយនឹងល្បឿនដ៏ខ្លាំងក្លា និងប្រព័ន្ធត្រជាក់កម្រិតខ្ពស់ថែមទៀត។ ក្តារចុច Keyboard នេះមានកម្រិតផុសឡើងដល់ទៅ 5° ហើយវាមានបច្ចេកវិទ្យា AAS Plus ដែលធ្វើអោយម៉ាស៊ីននេះត្រជាក់ក្នុងការប្រើប្រាស់។ ការប្រើប្រាស់នូវក្តារចុចផុសឡើងនេះគឺដើម្បីកាត់បន្ថយកំដៅនៅលើម៉ាស៊ីន ហើយវារក្សាអោយម្រាមដៃរបស់អ្នកប្រើប្រាស់នៅតែមានអារម្មណ៍ថាត្រជាក់ក្នុងការប្រើប្រាស់។ កុំព្យូទ័រ S17 នេះគឺមានមុខងារ ROG Intelligent Cooling និង Arc Flow ក្នុងការបញ្ចូននូវខ្យល់ចេញពីម៉ាស៊ីនយ៉ាងស្ងាត់ និងមានប្រសិទ្ធិភាពថែមទៀត។ វាអាចធ្វើការកាត់បន្ថយទៅលើសំឡេងរំខានបានយ៉ាងមានប្រសិទ្ធិភាព។
សម្រាប់ប្រព័ន្ធត្រជាក់ liquid metal thermal នេះអាចកាត់បន្ថយទៅលើកំដៅនៅលើ CPU បានដល់ទៅ 10°C ។ វាមានរន្ធបំភាយកំដៅចំនួន 6 ដែលបំភាយចេញពី CPU, GPU, VRAM និង VRM circuitry ។ ក្រុមហ៊ុនROG ផ្តល់នូវ Modes ជាច្រើនក្នុងការផ្តល់នូវភាពត្រជាក់ទៅលើម៉ាស៊ីននេះ។ អ្នកប្រើប្រាស់ជាច្រើនអាចធ្វើការផ្លាស់ប្តូរនូវ Modes ជាច្រើននៅក្នុង Multiwheel របស់កុំព្យូទ័រ Zephyrus S17 នេះដោយប្រើប្រាស់នូវ keyboard shortcut ឬ Scenario Profiles បានផងដែរ។ វាស្ថិតនៅក្នុង ROG Armoury Crate ដែល Scenario Profiles ដែលអនុញ្ញាតអោយអ្នកប្រើប្រាស់ជាច្រើនអាចធ្វើការកំណត់ទៅលើ operating modes, lighting effects និង system settings ជាដើម។
បន្ទះឈីប Intel® processor ថ្មីដ៏ខ្លាំងក្លា
បន្ទះឈីប Core™ i9-11900H នេះគឺមានល្បឿនដល់ទៅ 4.9GHz ហើយជាមួយនឹងរបកគំហើញថ្មីដ៏អស្ចារ្យរបស់ក្រុមហ៊ុន ROG នោះ វាមានថាមពល 50W នៅពេលដែល GPU ដំណើរការនោះវាមានថាមពល 90W ។ CPU នេះមានអង្គគណនា 8 Cores និង 16 threads ដែលល្អក្នុងការលេងហ្គេម ការស្ទ្រីម និងការបង្កើតនូវអ្វីដែលថ្មីៗ ហើយវាមានរ៉េមទំហំ 48GB DDR4-3200MHz RAM ដែលផ្តល់នូវល្បឿនលឿន និងការប្រើប្រាស់នូវមុខងារ Multitasking យ៉ាងមានប្រសិទ្ធិភាព។ សម្រាប់ Creators អាចប្រើប្រើប្រាស់កម្រិតភាពច្បាស់ខ្ពស់នៅក្នុងគម្រោងធំៗ ហើយអ្នកលេងហ្គេមជាច្រើនអាចធ្វើការស្ទ្រីម និងឆាតបានយ៉ាងលឿនក្នុងការប្រើប្រាស់។ កុំព្យូទ័រ Zephyrus S17 នេះគឺមានកម្រិត FPS ខ្ពស់សម្រាប់អ្នកដែលចង់លេងហ្គេមធំៗ ហើយវាក៏ប្រើប្រាស់នូវក្រាហ្វិកកាត NVIDIA ® GeForce RTX™ 3080 Laptop GPU ផងដែរ។ វាក៏មានការ upgrade ទៅលើប្រព័ន្ធត្រជាក់របស់វាដែលអនុញ្ញាតអោយបន្ទះឈីបនេះគឺមាន Clock នៅក្នុងល្បឿន 1545MHz ជាមួយនឹងថាមពល 115W ជាមួយនឹង ROG Boost និងថាមពល 140W ជាមួយនឹង Dynamic Boost ។
ដូចទៅនឹងក្រាហ្វិកកាត GeForce RTX 30 Series ផ្សេងទៀតដែរនោះ ក្រាហ្វិកកាត GeForce RTX 3080 Laptop GPU គឺផ្អែកទៅលើស្ថាបត្យកម្ម cutting-edge Ampere ។ វាមានការបញ្ចូលគ្នានូវ streaming multiprocessors ថ្មីៗជាមួយនឹង RT cores ជំនាន់ទី 2 និង Tensor cores ជំនាន់ទី 3 ហើយវាមានមុខងារ AI កម្រិតខ្ពស់ជាច្រើនថែមទៀត។ វាក៏មានការទ្រទ្រង់ទៅលើបច្ចេកវិទ្យា NVIDIA Reflex technologies សម្រាប់ការលេងហ្គេមកាន់តែប្រសើរជាងមុន និង NVIDIA Broadcast effects ដែលបន្ថែមនៅក្នុងការស្ទ្រីមផ្ទាល់ថែមទៀត។ វាក៏មាន 16GB GDDR6 VRAM ។ វាមានការទ្រទ្រង់នូវ Resizable BAR ដែលអនុញ្ញាតអោយ CPU នេះអាចចូលទៅក្នុង GPU memory ដែលមានការពង្រឹងក្នុងការដំណើរការទៅលើហ្គេមជាច្រើនជាមួយនឹងល្បឿនលឿនក្នុងការប្រើប្រាស់។
សម្រាប់ storage options ជំនាន់ថ្មីនេះអនុញ្ញាតអោយអ្នកប្រើប្រាស់ជាច្រើនដំណើរការនូវហ្គេម និងអាចចូលទៅកាន់ files ធំៗជាមួយនឹងល្បឿនលឿនក្នុងការប្រើប្រាស់ថែមទៀត។ ល្បឿនក្នុងការផ្ទេរទិន្នន័យរបស់វាគឺមានល្បឿន 10.5GB/s ដែលលឿនបំផុតរបស់ពិភពលោកនៅក្នុងកុំព្យូទ័រលេងហ្គេម និងប្រើប្រាស់ជាមួយនឹង HyperDrive Ultimate RAID array ដែលប្រើប្រាស់នូវ 3 NVMe drives។ វាមាន PCIe 4.0 SSD ដែលមានល្បឿនលឿនជាង PCIe 3.0 ដល់ទៅ 2 ដង ហើយវាមាន 2x M.2 slots ថែមទៀត។
អេក្រង់ 17” ដ៏អស្ចារ្យ
អេក្រង់ 17” នេះគឺពិតជាអស្ចារ្យមែនទែនសម្រាប់អ្នកប្រើប្រាស់នៅក្នុងការលេងហ្គេម និងគម្រោងជាច្រើនប្រកបដោយភាពច្នៃប្រឌិតថែមទៀត។ វាមានគែម Bezels ស្តើងក្នុងការប្រើប្រាស់បំផុត។ វាមានល្បឿន 3ms response times និង DCI-P3 color gamut រួមជាមួយនឹង Dolby Vision ថែមទៀត។ សម្រាប់អេក្រង់របស់កុំព្យូទ័រ Zephyrus S17 គឺមានការទទួលស្គាល់ Pantone Validated ទៅលើកម្រិតពណ៌ច្បាស់គ្មានគូប្រៀប។ អេក្រង់នេះគឺមានកម្រិត 165Hz refresh rate ជាមួយនឹង WQHD ។ អេក្រង់នេះគឺមានបច្ចេកវិទ្យា NVIDIA Advanced Optimus និង G-SYNC® ថែមទៀត។ សម្រាប់អេក្រង់ប្រភេទ 4K វិញនោះគឺមានកម្រិតអេក្រង់ដល់ទៅ 120Hz refresh rate និង Adaptive-Sync ដែលធ្វើអោយការលេងហ្គេមកាន់តែលឿនជាងមុន និងកម្រិតពន្លឺ 500 nits ដែលធ្វើអោយរូបភាពច្បាស់ស្រស់ស្អាតទាំង Indoor និង Outdoor ។
ប្រព័ន្ធ Speakers ល្អបំផុតរបស់ពិភពលោកនៅក្នុងចំណោមកុំព្យូទ័រលេងហ្គេម
ជាមួយនឹងការប្រើប្រាស់នូវ Speakers ចំនួន 6 ជាមួយនឹង Dolby Atmos ផ្តល់នូវសំឡេងដ៏អស្ចារ្យ។ វាប្រើប្រាស់នូវ dual force-canceling woofers ដែលធ្វើអោយបាសច្បាស់ពិរោះបំផុត។ កាន់តែពិសេសជាងនេះទៀតនោះ វាប្រើប្រាស់នូវ 3D mic array សម្រាប់ប្រើប្រាស់នៅក្នុងសេណារីយ៉ូជាច្រើន។ កុំព្យូទ័រនេះប្រើប្រាស់នូវមុខងារ Cardioid mode ដែលធ្វើអោយសំឡេងលឺច្បាស់នៅក្នុងការស្ទ្រីម និងការឆាត។ សម្រាប់ Omnidirectional mode នេះចាប់សំឡេងបានច្បាស់នៅក្នុងបន្ទប់ធំទូលាយ។ វាក៏មាន Two-Way AI Noise Cancelation កម្រិតខ្ពស់ក្នុងការប្រើប្រាស់ដែលកាត់បន្ថយទៅលើសំឡេងរំខានបានយ៉ាងល្អ។
ភាពស្រស់ស្អាតយ៉ាងទាក់ទាញ និងថាមពលថ្មដ៏អស្ចារ្យ
កុំព្យូទ័រ Zephyrus S17 នេះគឺមានការឌីស្សាញរូបរាងប្រណិត ហើយវាអាចយកតាមខ្លួនបានយ៉ាងងាយស្រួលទៅគ្រប់ទីកន្លែងដែលអ្នកចង់ទៅ។ វាមានថាមពល 90Wh ហើយការសាកថាមពលថ្មរយៈពេល 30 នាទីគឺបានដល់ទៅ 50% ។ កុំព្យូទ័រនេះប្រើប្រាស់នូវ USB Type-C ដែលអាចសាកថ្មនៅក្នុងកម្រិត 100Wបានថែមទៀត។ កុំព្យូទ័រនេះប្រើប្រាស់នូវ Type-C adapter តូចជាងមុន និងខ្សែ USB Power Pack ដែលងាយស្រួលយកតាមខ្លួនថែមទៀត។
ការតភ្ជាប់ទំនាក់ទំនងដ៏អស្ចារ្យ
ការប្រើប្រាស់នូវក្តារចុចផុសឡើង (Rising Keyboard) នេះផ្តល់នូវភាពងាយស្រួលក្នុងការវាយ Keys ហើយវាក៏មាន Touchpad ដែលធំជាងមុន 125% ។ សម្រាប់ក្តារចុចនេះគឺមាន Ultra-responsive ដែលអនុញ្ញាតអោយអ្នកប្រើប្រាស់ងាយស្រួលក្នុងការគ្រប់គ្រងទៅលើការងាររបស់គេ។ វាក៏ប្រើប្រាស់នូវ Per-key RGB lighting ដែលអ្នកប្រើប្រាស់អាចផ្លាស់ប្តូរស្ទាយ៍ទៅតាមចិត្តរបស់អ្នក។ វាក៏មាន Controls ជាច្រើនទៀតនៅក្នុង Multiwheel សម្រាប់ប្រើប្រាស់ផងដែរ។ កុំព្យូទ័រនេះគឺមាន Webcam និងប្រព័ន្ធស្កេនក្រយ៉ៅដៃក្នុងការ login ទៅលើម៉ាស៊ីនរបស់អ្នក។ កាមេរ៉ានៅលើកុំព្យូទ័រ Zephyrus S17 នេះគឺមានការបញ្ចូលគ្នានៃបច្ចេកវិទ្យា 2DNR technology និង 3DNR technology ដើម្បីធានាថាកាមេរ៉ានេះច្បាស់នៅកន្លែងដែលមានពន្លឺតិច។ ប្រព័ន្ធស្កេនក្រយ៉ៅដៃនេះគឺស្ថិតនៅលើ Power Button ជាមួយនឹង Windows Hello ក្នុងការ Logins បានយ៉ាងលឿន និងសុវត្ថិភាពក្នុងការប្រើប្រាស់។
កុំព្យូទ័រនេះគឺប្រើប្រាស់ Thunderbolt 4 ហើយវាក៏អាចភ្ជាប់ទៅកាន់ versatile docking station ឬអេក្រង់ខាងក្រៅជាមួយនឹងកម្រិតភាពច្បាស់ 8K ។ សម្រាប់អ្នកដែលចង់ភ្ជាប់ទៅកាន់អេក្រង់មួយទៀតនោះ វាក៏មាន 1x USB Type-C port ជាមួយនឹង DisplayPort ផងដែរ។ វាក៏មាន SD card reader ដែលមានល្បឿនលឿនដល់ទៅ 312MB/s ដែលអនុញ្ញាតអោយអ្នកអាចចូលទៅកាន់រូបភាព និងវីដេអូបានលឿនថែមទៀត។ វាក៏មាន WiFi 6 networking ដែលអនុញ្ញាតអោយអ្នកប្រើប្រាស់ជាច្រើនទទួលបាននូវល្បឿនលឿនក្នុងការតភ្ជាប់ថែមទៀត៕