Huawei ប្រកាសចេញកុំព្យូទ័រ MateBook X Pro, MateBook 13 និង MateBook D 15 នៅក្នុងប្រទេសកាណាដា

ថ្មីៗនេះ ក្រុមហ៊ុន Huawei បានប្រកាសថា ខ្លួនបានធ្វើការដាក់បង្ហាញនូវកុំព្យូទ័រ 2020 Windows laptop របស់ខ្លួននៅក្នុងប្រទេសកាណាដា ចំនួន 3 ម៉ូដែលគឺ MateBook X Pro 2020, MateBook 13 2020 និង MateBook D 15 2020។ MateBook X Pro 2020 គឺ ជាម៉ូដែលធំជាងគេ ដែលក្រុមហ៊ុនដាក់លក់មានតម្លៃដល់ទៅ $2,499 ។ 

កុំព្យូទ័រនេះ គឺមានអេក្រង់ទំហំ 13.9-inch 3K FullView ដែលមានទំហំ 91% បើធៀបជាមួយនឹងតួខ្លួនរបស់វា កម្រាស់ 14.6mm ទម្ងន់ 1.33Kg បន្ទះឈីប Intel Core i7-10510U processor (Comet Lake) ជំនាន់ទី 10 មានរ៉េមទំហំ 16GB LPDDR3 RAM និងមេម៉ូរីទំហំ 1TB NVMe PCIe SSD ។ អតិថិជនជាច្រើនអាចរកទិញកុំព្យូទ័រនេះបាននៅចន្លោះថ្ងៃទី 15 ខែមិថុនានេះ ដល់ថ្ងៃទី 30 ខែមិថុនានេះជាមួយនឹងការធានាជូន 2 ឆ្នាំ Microsoft 365 Personal subscription រយៈពេល 1 ឆ្នាំ Huawei FreeBuds 3 TWS និងកាបូប Huawei ផងដែរ។

MateBook 13 2020 នេះគឺមានតម្លៃ $1,899 ជាមួយនឹងបន្ទះឈីប និងរ៉េមដូចគ្នាទៅនឹងម៉ូឌែលជំនាន់មុនផងដែរ ប៉ុន្តែវាមាន 512GB SSD ។វាមានអេក្រង់ទំហំ 13-inch ជាមួយនឹងកម្រិតអេក្រង់ 88% ធៀបជាមួយនឹងតួខ្លួនរបស់វា និងទម្ងន់ 1.3Kg ។ កាដូរបស់កុំព្យូទ័រនេះមានការធានាជូន ២ ឆ្នាំ Microsoft 365 Personal subscription រយៈពេល ១ ឆ្នាំ Huawei Watch GT និងកាបូប Huawei ផងដែរ។

កុំព្យូទ័រ MateBook D 15 2020 មានអេក្រង់ទំហំ 15-inch ជាមួយនឹងបន្ទះឈីប AMD Ryzen 7 3700U processor ។ វាមានទំហំ 8GB DDR4 RAM, 512GB SSD និងទម្ងន់ $949.99 ។កាដូរបស់កុំព្យូទ័រនេះមានការធានាជូន 2 ឆ្នាំ Microsoft 365 Personal subscription រយៈពេល 1 ឆ្នាំ Huawei Band 4 Proនិងកាបូប Huawei ផងដែរ។ ម៉ូឌែលទាំង 3 នេះអាចរកទិញបាននៅ Visions Electronics, Newegg, Canada Computers និង Memory Express ៕