បន្ទាប់ពីការបែកធ្លាយព័ត៌មានលក្ខណៈសម្បត្តិទាំងស្រុងរួចមក នៅថ្ងៃនេះ មានការទម្លាយចេញនូវរូបភាពថ្មីមួយ ដែលមានបង្ហាញនូវព័ត៌មានទាំងស្រុងនៃស្មាតហ្វូនថ្នាក់ប្រណិតទាំង 3 នៃត្រកូល Galaxy S26 Series នេះហើយ។ ដូចការបញ្ជាក់នៅក្នុងការទម្លាយរបស់ក្រុមហ៊ុន Samsung អញ្ចឹង! ក្រុមហ៊ុននេះ គឺការផ្តោតខ្លាំងទៅលើបច្ចេកវិទ្យា AI ច្រើនជាងការផ្លាស់ប្តូរទៅលើ Hardware។ ហើយបើមើលទៅផ្នែកផ្សេងៗក៏មិនមានអ្វីខុសពី Galaxy S25 Series ច្រើននោះដែរ។
ផ្អែកតាមការទម្លាយថ្មីនេះ បានបង្ហាញថា Galaxy S26 និង S26+ គឺនឹងមានការប្រើប្រាស់នូវបន្ទះឈីបជំនាន់ថ្មី Exynos 2600 SoC សម្រាប់ទីផ្សារនៅតំបន់អឺរ៉ុប ខណៈដែល Galaxy S26 Ultra នឹងមានការប្រើប្រាស់នូវបន្ទះឈីប Snapdragon 8 Elite Gen 5 for Galaxy ជាមួយនិងការបង្កើននូវ Prime CPU cores កាន់តែខ្លាំង។ ទៅលើទំហំរ៉េមវិញ S26 និង S26+ នឹងចាប់ផ្តើមពីទំហំ 12GB ខណៈដែល Ultra នឹងមានរ៉េម 16GB ប៉ុន្តែសម្រាប់តែទំហំ 1TB ប៉ុណ្ណោះ។ និយាយពី S26 នឹងមានអង្គចងចាំទំហំ 256GB ខណៈដែលតួខ្លួននឹងមានការការពារដោយកញ្ចក់ Gorilla Armor 2 គ្រប់ម៉ូដែល។
ទាក់ទងនឹងថាមពលថ្មវិញនៅលើ Galaxy S26 នឹងមានការបន្ថែមនូវថាមពលថ្ម 300mAh ប្រៀបធៀនទៅនឹងម៉ូដែលមុន ហើយបើនិយាយពីកម្លាំងសាកវិញ ស្មាតហ្វូន Galaxy S26 និង S26+ គឺមិនមានការតម្លើងកម្លាំងទេ គឺមានតែម៉ូដែល Ultra ប៉ុណ្ណោះដែលប្រើកម្លាំងសាក 60W។
Galaxy S26, S26+ និង S26 Ultra នឹងមានបំពាក់នូវកាមេរ៉ាមុខទំហំ 12MP កម្រិត f/2.2 aperture គាំទ្រដោយ PDAF ដូចៗគ្នា។ ចំពោះកាមេរ៉ាក្រោយរបស់ S26 និង S26+ គឺមានការបំពាក់នូវកាមេរ៉ាដូចៗគ្នា ក្នុងនោះកាមេរ៉ាគោលទំហំ 50MP គាំទ្រដោយ f/1.8 aperture និងមានការប្រើសិនស័រ 1/1.56" អ៊ីង។ សម្រាប់គ្រាប់ទីពីរមានទំហំ 10MP ហ៊្សូម 3x optical zoom មាន f/2.4 aperture ប្រើប្រាស់សិនស័រ 1/3.94 អ៊ីង ខណៈដែលគ្រាប់ចុងក្រោយទំហំ 12MP ultrawide កម្រិត f/2.2 aperture តែគ្មាន autofocus នោះទេ។
ទៅលើ Galaxy S26 Ultra វិញ គឺមានកាមេរ៉ាគោលទំហំ 200MP គាំទ្រដោយ f/1.4 aperture ខណលដែលកាមេរ៉ាទំហំ 10MP ហ៊្សូម 3x optical zoom និងកាមេរ៉ា 50MP ហ៊្សូម 5x optical zoom periscope telephoto និងមាន f/2.8 aperture គាំទ្រដោយសិនស័រ 1/2.52" អ៊ីង។ សម្រាប់គ្រាប់ចុងក្រោយមានទំហំ 50MP ultrawide ទ្រទ្រង់ដោយ f/1.9 aperture និងប្រើប្រាស់សិនស័រ 1/2.5 អ៊ីង មានមកជាមួយ Autofocus។
សម្រាប់តម្លៃនៅលើទីផ្សារអឺរ៉ុប! Galaxy S26 នឹងមានតម្លៃ 999 អ៊ឺរ៉ូ និង S26+ មានតម្លៃ 1,269 អ៊ឺរ៉ូ ខណៈដែល Galaxy S26 Ultra មានតម្លៃ 1,469 អ៊ឺរ៉ូ
