ក្រោយពីមានការបែកធ្លាយព័ត៌មានជាច្រើនរបស់ vivo V70 Series មួយរយៈមក នៅថ្ងៃនេះ មានការបែកធ្លាយព័ត៌មានថ្មីពី vivo V70 Elite នៅលើបញ្ជីតេស្តសមត្ថភាព Geekbench ហើយ ដោយក្នុងបញ្ជីនេះ មានការបញ្ជាក់ថា ស្មាតហ្វូននេះមានលេខម៉ូដែល V2548 និងមានរ៉េមទំហំ 12GB ហើយនិងដំណើរការដោយប្រព័ន្ធប្រតិបត្តិការ Android 16។ ជាមួយគ្នានេះ ក៏មានការបង្ហាញទៀតថា V70 Elite គឺមានការប្រើប្រាស់នូវបន្ទះឈីប Snapdragon 8s Gen 3 SoC ផងដែរ។ សម្រាប់ម៉ូដែលនេះ នឹងក្លាយជាស្មាតហ្វូន vivo V-series ដំបូងគេ ដែលបំពាក់នូវបន្ទះឈីប Snapdragon 8-series។
ប្រភពខាងលើនេះបានបន្តថា V70 Elite អាចនឹងប្រកាសចេញជាផ្លូវការណ៌នៅចុងខែនេះ ជាមួយនិងម៉ូដែលស្តង់ដារ 'vanilla' V70 ហើយនិងមានការបង្ហាញជាបន្តបន្ទាប់ទៀទដោយ V70 FE នាពេលខាងមុខ។ V70 Elite នឹងមានមកជាមួយជម្រើសពណ៌ Passion Red, Sand Beige និង Authentic Black ហើយនិងមានកាមេរ៉ាគោលទំហំ 50MP គាំទ្រដោយសិនស័រ Sony IMX766 អមដំណើរដោយកាមេរ៉ា 50MP telephoto ដែលប្រើប្រាស់នូវសិនស័រ Sony IMX882។ V70 Elite ក៏នឹងបង្ហាញវត្តមានជាមួយជម្រើស 8GB+56GB ផងដែរ។
កន្លងមកក្រុមហ៊ុននេះ ធ្លាប់បានបង្ហាញថា ស្មាតហ្វូននេះ នឹងមានអេក្រង់ទំហំ 6.59 អ៊ី ប្រភេទ OLED screen រត់ជាមួយល្បឿន 120Hz refresh rate បង្ហាញចេញបាននូវកម្រិតភាពច្បាស់ "1.5K" resolution ហើយនិងមានពន្លឺ 5,000-nit peak brightness ក៏ដូចជាកាមេរ៉ាមុខនៅលើអេក្រង់ទំហំ 50MP។ បន្ថែមពីនេះ ក៏មានការបញ្ជាក់ថា នឹងមានថ្ម 6,500 mAh កម្លាំងសាក 90W wired charging ហើយនិងមានបច្ចេកវិទ្យាការពារទឹក និងធូលី កម្រិត IP68 និង IP69 ratings រួមនិងតួខ្លួនឌីស្សាញចេញពីលោហៈ និងម៉ូទ័រ x-axis linear vibration motor ផងដែរ។
