តោះមកដឹងពីសមត្ថភាពរបស់ OPPO Watch ថាតើនាឡិកានេះ មានភាពឆ្លាតវៃ និងទាក់ទាញនៅក្នុងការប្រើប្រាស់ប៉ុណ្ណា?

បច្ចុប្បន្ននេះ នាឡិកាបានក្លាយជាវត្ថុដ៏សំខាន់នៅក្នុងការប្រើប្រាស់សម្រាប់ជីវិតប្រចាំថ្ងៃ។ ជាក់ស្តែង នាឡិកាពេលនេះ គឺមានមុខងារជាច្រើនកាន់តែសម្បូរបែបដែលអាចធ្វើអោយជីវិតរបស់អ្នកកាន់តែប្រសើរឡើង និងទាន់សម័យជាទីបំផុត។ នាឡិកា OPPO Watch មានរូបរាងស្រស់ស្អាត និងទាន់សម័យបំផុតក្នុងការប្រើប្រាស់។ ពេលនេះ យើងនឹងមើលទៅលើលក្ខណៈពិសេស និងមុខងារដ៏សម្បូរបែបរបស់នាឡិកាឆ្លាតវៃ OPPO Watch នេះទាំងអស់គ្នា។

អេក្រង់ធំច្បាស់ស្រស់ស្អាតទាក់ទាញបំផុត:

នាឡិកា OPPO Watch នេះគឺមានអេក្រង់ទំហំ 1.91 អ៊ីង ដែលជាប្រភេទ AMOLED ដែលមានការទ្រទ្រង់នូវពណ៌ដល់ទៅ 16 លានថែមទៀត។ អេក្រង់នេះ គឺមានកម្រិតភាពច្បាស់ 402x476 pixels (326 ppi density) ហើយវាក៏មានកញ្ចក់ការពារ Schott Glass (46mm) និង Corning Gorilla Glass (41mm)។

កម្លាំងម៉ាស៊ីនខ្លាំងក្លាក្នុងការប្រើប្រាស់: 

នាឡិកា Oppo Watch នេះគឺមានប្រព័ន្ធប្រតិបត្តិការ Android Wear OS (សម្រាប់ទីផ្សារអន្តរជាតិ) និងប្រព័ន្ធប្រតិបត្តិការ ColorOS Watch OS  (សម្រាប់ទីផ្សាររបស់ចិន) ។ នាឡិកានេះដំណើរការនូវបន្ទះឈីប Qualcomm Snapdragon Wear 3100 (28 nm) សម្រាប់ទីផ្សារអន្តរជាតិ និងបន្ទះឈីប Qualcomm MSM8909W Snapdragon Wear 2500 (28nm) សម្រាប់ទីផ្សារនៅក្នុងប្រទេសចិនជាមួយនឹងអង្គគណនា Quad-core 1.09 GHz Cortex-A7 និងក្រាហ្វិកកាត Adreno 304 ថែមទៀត។ កាន់តែពិសេសជាងនេះទៀតនោះ នាឡិកានេះ គឺមានរ៉េមទំហំ 1GB និងម៉េមូរីទំហំ 8GB ប៉ុន្តែវាមិនមានរន្ធដោតកាតនោះទេ។ នាឡិកានេះមានភ្ជាប់ជាមួយនឹង Wi-Fi 802.11 b/g/n និងសេនស័រជាច្រើនទៀតដូចជា Accelerometer, gyro, heart rate, compass, barometer ហើយវាក៏មានថាមពលថ្មទំហំ 430mAh ថែមទៀត។ 

ការឌីស្សាញរូបរាងយ៉ាងទាន់សម័យ និងសម្បូរបែប:

នាឡិកា Oppo Watch បានប្រកាសបង្ហាញខ្លួនជាផ្លូវការនៅខែមីនា ឆ្នាំ 2020 នេះហើយវាមានកម្រាស់ស្តើងត្រឹមតែ 11.4mm ។ នាឡិកានេះមានភាពស្រស់ស្អាត និងទាក់ទាញខ្លាំងមែនទែន។ នាឡិកានេះមាន 4 ពណ៌យ៉ាងស្រស់ស្អាតគឺពណ៌ខ្មៅ ពណ៌មាស (Glossy Gold) ពណ៌ផ្កាឈូក (Pink Gold) និងពណ៌ប្រាក់ (Silver Mist) ។ នាឡិកានេះគឺមាន 2 ទំហំសម្រាប់ធ្វើការជ្រើសរើសនោះគឺទំហំ 46mm និង 41mm ដែលពិតជាទាក់ទាញបំផុត។

នាឡិកានេះមានវិមាត្រ 46 x 39 x 11.4 mm (1.81 x 1.54 x 0.45 in) និងទម្ងន់ត្រឹមតែ 40g ប៉ុណ្ណោះ ដូចនេះវាពិតជាស្រាលមែនទែនក្នុងការប្រើប្រាស់។ នាឡិកានេះអាចប្រើប្រាស់ជាមួយនឹង eSIM និងមុខងារការពារការជ្រាបទឹក 5ATM (សម្រាប់ម៉ូឌែល 46mm) និង 3ATM (សម្រាប់ម៉ូឌែល 41mm) ថែមទៀតផង។ សម្រាប់ព័ត៌មានបន្ថែម នឹងមានបង្ហាញជូនឆាប់ៗនេះ! សូមតាមដានជាមួយ www.eworldmagz.com  ទាំងអស់គ្នា!